Menne en Tiaert, gebroeders, zonen van Rijpken te Luttike Xaxum, verklaren te hebben verkocht aan abt Gheert van Holt en het convent van Zelwert drie forlingen land in Baffelder hamrik bij de Luttike Brugge, begrensd aan de westzijde door de gemene weg, en twee stukken land van drie en vier forlingen in Luttike Xaxummer hamrik, welk land binnen vier jaar teruggekocht kan worden met twaalf rijnse guldens, welke verklaring bezegeld wordt door Lambertus van Xanctis, pastoor te Baffelt.

Wy Menne unde Tiaert gebroeders Salige Ryppkens
zoen to Luttike Xaxum Bekennen unde tughen openbaer mit dessen
openen breve Vor ons unde onsen erffgenamen Woe dat wy mit gueden
vorberaden synne hebn vercofft Dragen opp unde gaven over Den eer-
samen heren Heer Gheert van Holt Abbt van Zelwert unde sijnen
convente unde nacomelingen een Jucke landes gelegen in dren parten
offte dielen Als in den eersten Dre forlinge landes gelegen in Baffel-
der hammerick by die luttike brugge Daer salige Abele Hylkumma
erffgenamen naest ter zwette by. ligghen op die oesterzyd unde strecket sick west
wert an den gemenen wech Dat ander part als oeck Dre forlinge landes
liggen in luttike Xaxummerhemmerick Daer Remken to Xaxum an die oester
zy'd naest by licht ter zwette Unde dat convent van Selwert op die wester
zyd Dat derde part is vier forlinge unde synt oeck gelegen in luttike Xaxum-
mer hammerick Daer Roeleff to Xaxum unde Aylsken syn huusvrouwe op
oester zy'de naest by liggen ter zwette unde wy Menne unde Tiaert vorscr.
op die wester zyde naest by liggen gelandet unde gezwettet Voer een summe
geldes Die wy Menne unde Tiaert vorscr. bekennen ons unde vul is betaelt
Den eersten pennick mitten lesten unde maken machtich mit macht unde
cracht des breves Den eersamen heren Heer Gheert Abbt to Zelwert unde
sijnen convente unde nacomelingen oren vrien willen daer mede toddoen
als to verwisselen to vercopen unde wes em daer vorder mede belevet toe
doen Hyr is toegesproken Dat wy Menne offte Thiart vorscr. unde onse
erffgenamen soelen offte moegen die vorscr. iucke landes to effens weder vryco-
pen unde in lossen bimien vier iaren naest angaende na datum des brie-
ves gerekent unde mit onsen egenen gelde offte ghene ander hande luden
van onser wegen daer in soelen laten comen die dat lossen soelen unde
dit soelen wy loesen unde affloepen binnen den vier iaer to alien myt
winter unde niet dit na der tyt mit twalefften golden rynsch gulden
unde mit die vulle huer mit sodane vorwarden Weert sake dat wy Me-
ne unde Tiart vorscr. offte onse erffgenamen dit vorscr. iucke landes binnen den vier
iaren als vorscr. is niet in losseden sal dat na der tyt voertmeer eweliken
unde erffliken verstaen unde, vercofft wezen Unde hyr synt by an unde overge
west Focke Mennenzoen to luttike Xaxum onses zaligen vaders Broeder
und Barelt Kupers als tuges lude hyr to geropen unde gebeden In orcon-
de der waerheit want wy Menne unde Tiart vorscr. ghenen zegel bruken
hebn wy gebeden Den eersamen heren Lambert van Xanctis onsen
kercheren to Baffelt dessen breeff over ons unde vor ons to bezegelen
Dat ick Lambertus cureet om bede wille mynre kerspelluden Mennen
unde Tiart gheerne heb gedaen gegeven unde gescreven Des nessten Donredaghes
vor mydvasten In dat Jaer onses heren Dusent vierhondert ne-
ghen unde neghentich.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	20
Fol.nr.	fol. 133r
Regestnr.	869
Olim	Arch. Klooster Selwerd, inv.nr. 1, reg. 434.
Jaar	1499
Datumcode	JaMidvas

x

x

Materiaal	perkament