Rodolphus Horenkens, commandeur, Gherardus, prior, Tamme, kerkheer te Maerhusen, Hermen, bakmeester, en de gemene kapittelaren en priesters van Wijtwert bevestigen de erkenning (14 juni 1474) door commandeur Johan Munter en het convent van Wijtwert van de jonkers van Ewsum als de stichters, beschermers en collatoren van het klooster, tevens schenken zij aan de jonkers van Ewsum vanwege hun verdiensten jegens het klooster alle heerlijkheden die het klooster bezit in Usquart, namelijk een aantal overrechten en de rechten van het klooster op de kerk aldaar.

Wy Rodolphus Horenkens Commelduer to Wytwert Gherardus prior Heer Tamme karchere toe Maerhusen Her-
men backmeyster myt onsen gemenen Capittelaeren preesteren geleerden ende ungeleerden bynnen ende buten die stemmen
mogen voeren in onsen convente bekennen unde betughen myt dessen jeghenwordigen breve voer uns unde unsen nacomelin-
ghe dat wy confirmeren in cracht unde macht dessen breffs den olden breeff die her Johan Munter onse voervader ghecon-
firmeert heefft welcker breff in holdende is vanden Erberen vromen ghestrengen heren unde junckeren van Ewsum ere over
olders onse fundatoeres unde beschermers unde verstenders synnen ghewest unde unse vorvaders dem vromen heren
ende junckeren van oldes ghegunt hebben Ere stemmen mede toe hebben in unsen convente als men sal kesen enen nijen
commelduer die dat convent nutte unde orber ys als unse vervaders breeff wal uutwiset Hyr om begheren
wy Rodolphus Horenkens myt onsen gemenen conventualen van onsen nacomelinghen dessen unsen breeff
oeck willen confirmeren unde holden noch voert em in Eren die edele stamme van Ewsum want die vrome
heren unde Junckeren uns dat bewyst hebben in dessen verleden jaeren in oerlich unde vede want hadden die vromen
heren ghedaen un.e cloester solde in groeter last unde verdarffnisse hebben gekomen [vanaf hier met andere hand] unde omme die waldaet
unde bescherminghe die unse convent vanden Eergemelten heren unde junckeren van Ewsum synt ghescheen Zoe gheve wy Rodol-
phus commelduer voorscr. myt unsen conventualen voer gheroert alsoedane heerlicheyden als unse convent heefft in Usqwart
als van Rechtingen inden Eersten een overrecht dat daer valt up die Lane Een overrecht dat daer valt toe Watwert
up Focken heert een half overrecht dat daer valt to Watwert up Rengers heert desse heerlicheyden unde Rechtinghe
wallen inden westerende toe Usqwart beth een over recht dat valt in dat oesterenden to Usqwart by dat karckhoff up
Hayingha heert daer Katers volck dat redge recht van toe hoort beth een over recht toe Uuthusen dat daer valt
up een heert gheheten Knols heert nae uutwysinghe breeff ende segel die Hilbrant toe Santweer besegelt heefft daer
thoe geven wy Rodolphus commelduer myt al unsen ghemenen conventualen voer gheroert demen walgeboeren heren
unde junckeren van Ewsum al unse stemmen unde heerlicheyden die wy hebben ander karcken toe Usqwart voer uns unde unsen
naecomelinghen daer nummer meer beth ansprake op toe hebben toe Ewighen daghen up die eerghemelte rechttinge
unde heerlicheyden sunder alle argelist unde quade in vonde unde die Eergemelte walgeboeren heren unde Junckeren van Ewsum
die heerlicheyden unde Rechtinge toe bruken toe ewighen daghen woe unde in wat maneren em des ghelevet myt oren
arffgenamen sonder weer seggen des ghemenen conventes Wytwert. In orkunde der waerheit soe hebben wy Rodolphus
myt onsen ghemenen conventualen voer gheroert een drachteliken unse segel ghehanghen an dessen breeff inden jare ons heren dusent
vierhundert ende XCVIII des sonendaghes nae sunte Laurentii martiris.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	237
Regestnr.	874
Olim	Arch. Klooster Wijtwerd, inv.nr. 1, reg. 100. Reg. Feith 1499.33.
Jaar	1499
Datumcode	DpLauren

x

x

Commentaar	Met het conventszegel

x

Materiaal	perkament