Wolterus Gherardi, commandeur, Gherardus van der Elborch, priester, Harmen, bakmeester, en de gemene conventslieden van Wijtwert verklaren in het klooster te hebben opgenomen Gheese van Munster en haar zoon Thomas, waarbij bepaald wordt dat Gheese, Bertolt en Thomas mogen wonen op Wijtwerdeveen en dat Thomas de Hornstede houdt voor zijn levensonderhoud.

Wy Wolterus Gherardi Commenduer, Gherardus van der Elborch ordenspreester,
Harmen Backer ordensbroeder, voert myt den ghemeenen convents lueden des hillighen
huoses Wytwert ordens Sunte Johannes baptiste Jherusalem, bekennen ende betughen voor ons
unde unsen nakoemelynghen hoe dat wy myt vryen willen unde wall berade
moede hebben anghenoemen ende neemen an in kracht des breeffs Gheese van Münster
ende oeren soen Thomas voor convents luedendes opghemelts hillighen huueses den to
besoerghen tameden ende noet, ende na oer beyder doet als men Conventes lueden
synnen schuldich tho doen voer een summe gheldis ende ander waer daer ons Co-
nventes lueden vorgescreven wall an ghenoeget. Des saell Gheese vorscreven myt Bertolt woe-
nen up Wytwerde veen soe langhe als hem dat ghelevet ende dem Convente vorscreven
best nuet is, want dan Gheese ende Bertolt vorscreven in dat cloester tho Wytwert quamen ende
soellen, soe hebben oer leevent lanck eenen vryen kamer daer tho alle broulyck
ten halve tunne beers ende jaerlixs een halve schute toerves. Daer tho soellen
Bertolt ende Gheese vorscreven oer guedt brucken oer leevent lanck ende dat niet unnut-
telyck ende nae der doet saell dat blyven reppelick eer onreppelyck eewelyck unde
arfflyck by Sunte Johannes tho Wytwert. Des saell Thomas vorscreven myt syn moeder
Gheese woenen up dat vorscreven veen soelanghe als syn moeder vorscreven unde Bertolt
des belevet, unde want Thomas in dat cloester vorscreven woert koemende saell hee
hebben eenen vryen kamer daer tho jaerlixs een halve schute torves ende alle
browlyck een forndel beers. Ende Thomas vorscreven saell dan doen in dat cloester voergenoemd
een ampt was den commenduer in der tyt ende syne moeder vorscreven dan best belevet
unde wall doen kan. Daer tho soellen aan conventes lueden vorscreven Thomas vorscreven hol-
den in warme kleederen. Ende saell hoelden tot syne lyve die hornstee de daer
nutertyt Arent Backer up woent ende dat all dat syne in syne levent neet ver-
brenghen ende nae syner doet oek blyven reppelick ende unreppelyck. By Sunte
Johannes tho Wytwert all dinck sunder alle arch unde lysten. In oerkunde der waerheit
ende meer festynghe des breeves, hebben wy conventes lueden vorscreven unse conventes
seeghel an dessen breff ghehanghen. Int jaer onzes heeren dusent vyffhondert ende
achtyne op Sunte Katherinen dach des hillighen junffers.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	248
Regestnr.	981
Olim	Arch. Klooster Wijtwerd, inv.nr. 4, reg. 116. Reg. Feith 1518.21.
Jaar	1518
Datumcode	Cathar

x

x

Commentaar	Met het conventszegel

x

Materiaal	perkament