Rolef Sickinge te Westerpe, Barolt Sickinge, Henrick Dillynge en Lucken Benynge verklaren verkocht en bij stoklegging overgedragen te hebben aan Ameloe Rengers en aan de gemene conventslieden van Essen een jaarlijkse rente, groot vijftien mudden rogge, gaande uit hun goederen onder de klokslag van Borger, welke rente afgekocht kan worden met 300 arnhemse groninger guldens.

Wy Rolef Sickinge to Westerpe ende Barolt Sickinge ende Henrick Dillynge ende Lucken Benynge to Druwen bekenne ende betu-
ghen eynpertliken mit dessen openen besegelden breve dat wi samentliken hebben vercoft ende vercopen vor ons ende onse rech-
to erfgenamen stedes vastes copes der eersame Ameloe Rengers ende den gemenen conventes lueden to Essen int cloester off oren na-
komenlyngen vijftijn mudde roggen des jars groninger mate alle jare to sunte Iacob to betalen ut al onsen gueden ende erven als de
gelegen sint onder der clocken slach to Borger off war de gelegen mogen wesen ende to Gronnige to leveren buten oren scaden gueden drue-
gen schonen merket roggen. Item, so heb wi verscreven samentliken den convents lueden verscreven den stock gelecht van desse vijftyn mudde rog-
gen des jars als eyn lant recht is inden lande van Drenthe vor erffachtigen buren to Westerpe Johan Mepsche ende Henrick Sickinge
buren to Druwen als bi namen Tyman Oleikynge ende Arent Hilbynge meer gueder manne genoech ende des willen wi verscreven den convents
lueden desse vyftyn mud waren vri ledich ende loes ende rechte warscap doen vor al de ghenne des to rechte komen willen. Item, mit vorworden
so mogen desse verscreven personen off ore rechte erfgenamen desse vijfftijn mudde roggen weer offlossen van den convents luden al jare to sunte Iacob
mit dre hundert arns groniger gulden den gulden als dan gange sint inder tyt der offlossinge inder stat Gronninge ende inden lan-
de van Drenthe ende de sulle vyftyn mudde roggen bi de dre hundert arns gulden als lantrecht is. Item, off de betalinge alle jare
also neet en geschede to sunte Jacob so mogen de convents luede mit allen rechte geesteliken off wartliken op allen steden war
em des belevet dar se ore betalinge eersten bekomen mogen bueten des convents hinder off scaden sunder enich weer
seggen van emande sunder al argelyst. In orkunde ende tuch de [sic] warheit so hebben wi Roleff Sickinge ende Barolt Sickinge
ende Henrick Dillinge ende Lucken Benynghe samentliken gebeden den eersamen Lambert Homynghe to Druwen dessen
breeff over ons to besegelen want wi gheen segel want wi geen segel [sic] en bruken so heb ick Lambert verscreven
omme bede willen desser gueder manne verscreven heb mynen segel seghel [sic] beneden witliken an dessen breff
gehangen. Ghegeven inden jare ons heren dusent vyff hundert ende twe twintich op sancthe
Jacobs avent hilghe apostoly.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	164
Regestnr.	1001
Olim	Arch. Klooster Essen, inv.nr. 2, reg. 121. Reg. Feith 1522.21.
Jaar	1522
Datumcode	vJacobi

x

x

x

x

Materiaal	perkament

x