Koert Conrades, ambtman van het gericht van Zelwaert, oorkondt dat Harman Stoekman, keldermeester van Essen, als gevolmachtigde van het klooster heeft verkocht en bij stoklegging overgedragen aan Johan Knotte te Dillicht de drie akkers land die het convent heeft in de kamp van Johan Knotte, geheten de Esch, terwijl het convent de tiende uit deze drie akkers behoudt; en dat Johan Knotte heeft verkocht en bij stoklegging overgedragen aan Harman een half mud land in de Nijenkamp in Harermarke.

Ick Koert Conrades amptman inder tyt des gherichtes van Zelwaert bekenne ende betuge myt dessen openen breve dat voer my ys ghekomen heer Harman
Stockman kelder ynder tyt tho Essen ende bekande als een vulmachtych van des ghemeyne convents wegen van Essen voer hem ende synen nakomelyngen dat
hee hefft vercoefft upgedraghen ende overghegeven van de convents weghen voerscreven myt guden vrien willen ende voerberaden mode Johan Knotte to Dillicht
ende synen erffgenamen sodane drey acker landes als dat voerscreven convent liggen hadde in Johan Knotten voerscreven kamp gheheyten den Esch daer hoer
beyder oelde scheydes breff van sprekende ys vry ende verdich to leveren, to holden ende tho waren als een landt recht ys yn den gherichte van
Zelwaert uuthghesecht dat voerscreven convent sullen holden ende hebben tot ewighen dagen uuth ende over de voerscreven drey acker landes den thynden vor een
summe gheldes de heer Harman voerscreven bekande hem de vull, all ende wall ys betaelt van Johan Knotten voerscreven. Soe hefft Johan Knotte voerscreven
heer Harman voerscreven tot behoff des convents voerscreven weder umme vercoefft, upgedragen ende overgegeven sodane halff mudde landes als Johan Knotte
voerscreven ghekoefft hadde van Luyken Knotte ende Oyken syn huusvrowe ende van horen erffgenamen dat welcke ghelegen ys yn den Nyenkamp den
dat convent voerscreven nyes ghemaket hebben de welcke ghelegen ys yn Harer marcket vry ende verdich tho leveren ende tho waren als een landt
recht ys yn den gherichte van Zelwaert. Ock synnen vorweerden dattet voerscreven convent sullen helpen holden staende ende begraven Johan Knotten
voerscreven dyck de gheleghen ys teghen de norder vloet daer dat convent voerscreven tot allen tyden de drey deelen sullen van bekostighen ende Johan
Knotte voerscreven dat veerde deell uuthghesecht sodane stucke dijkes so veer als Johan Knotte voerscreven allene kumpt tho te holden an den oester eende
up den voerscreven dyck. Ock syn vorwerden dattet voerscreven convent sullen holden up den voerscreven dyck up den wester eende eene schutte ende Jo-
han Knotte voerscreven upten oester eende een schutte dat daer ghyne beysten konnen up komen. Hyr mede sullen dat convent voerscreven ende Johan
Knotte voerscreven ewelick ghescheyden wesen ende alle schelinghe ende twyste see sus lange an beyden tzyden moghen ghehatt hebben sall
gansselyck doet ende tho nyt wesen ende een ytlyck an beyden tzyden sall syn landen ghebruyken so see to dessen dage to ghedaen hebben
onbecroent ende de olde scheydes breff ynder macht uutgesecht desse vorwerden voerscreven. Hyr van hefft heer Harman voerscreven van des con-
vents weghen voerscreven voer hem ende synen nakomelinghen Johan Knotte voerscreven ende synen erffgenamen den stock van ghelecht als een landt recht
ys yn den gherichte van Zelwaert voer soven buren van Helpman hyr na beschreven Evert Conrades, Derck Conrades, Galinck Knotte, Henrick
Knotte, Johan Tengnagell, Roe Johan ende Johan Roe Johans sone ende meer guder lude genoich. Weder umme hefft Johan Knotte voerscreven
voer hem ende synen erffgenamen heer harman voerscreven van des convents weghen voerscreven ende synen nakomelynghen den stock ock ghelecht
als een landt recht ys yn den gherichte van Zelwaert voer soven buren van Haren hyr nabeschreven van Meyster Harman Abbrinck doctoer,
Ghert Bunynck, Galinck Knotte, Berent Wolderinck, Lubbert Bunynck, Henrick Knotte Abelen sone ende Henrick Knotte Oykens sone ende
mer guder lude genoich so alst dat beyde parthen voerscreven yn allent voer my hebben bekandt sunder argelist. Des tho oerkonde
der waerheyt hebbe yck Koert Conrades amptman voerscreven myn seghell beneden an desse breeff ghehangen. Ghegeven inden jaren
ons heren dusent viffhundert ende negenendetwintych up sunte Lamberts dach.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	133
Regestnr.	1023
Olim	Arch. Klooster Essen, inv.nr. 4, reg. 125. Reg. Feith 1529.26.
Jaar	1529
Datumcode	Lamber

x

x

Commentaar	Met het zegel van Koert Conrades

x

Materiaal	perkament

x