Johan Fransen en zijn vrouw Hylle verklaren te hebben gekocht van de religieuze juffers van Trimunt een rentebrief ten laste van Christoffer van Euwsum en beloven hun best te zullen doen om de achterstallige rente van zes jaren ten behoeve van het convent in te vorderen uit het onderpand te Marum.

Johan Fransen, Hylle mijn huysfrowe bekennen mijt
desen unsen egen under tekende hant voer uns unde unsen
arfgenamen soe dat wij hebben ghecoft een versegelden rentbref in alles
naeluyde den transfyckx daer doerghetoegen holdende up den
erentfeste Chrystoffer van Eusum mijt ses jaeren achter-
stalych voer daetum den transfyckx als van dye relegoesen
jufferen van Trimunt walverstaede [sic] wes van dye verscreven
ses jaeren coemen can sall tot het convents besten syn.
Loeve ock vor uns unde unsen arfgenamen unse besten toe doen
om dije verscreven ses jaeren jaerlyckx negen daler mede in
toe forderen unde maenen uut het verscreven under pant lijggen
toe Maerum soe ock uut den verscreven under pant wij dije
verscreven rent nijet coenen bekoemen soelen nochtans /wij\ Johan
Fransen unde Hylle verscreven oft /unse\ naecoemelyngen daer van
ghefrijdet wesende. Loeve wij upghemelt ock voer uns unde
unsen naecoemelygen [sic] dye verscreven relegoese jufferen oft hoer nae-
coemelyngen mijt enijch recht oft sus anders antoe spreken
om enijge rente van datum den trasfijckx oft om den pryn-
sepaell bes nu ter tyt wij unse specijaelijcke under pant
eerste (hebben) op het uutterste hebben versocht unde daer nyet
uut coenen betaelt worden den rente mijt den prynsepall
als dan syck toe regeleren nae den transfyckx. Dyt sunder
argelyst in oerconde daer waerheijt soe hebbe wij dyt
myt unse hant under tekent. Achtum up den 23
november anno 85.
Johan Franssen [handtekening]
Hylle Fransen [handtekening].

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	92
Regestnr.	1143
Olim	Arch. Klooster Trimunt, inv.nr. 22, reg. 42. Reg. Feith 1585.92.
Jaar	1585
Datumcode	2311

x

x

Materiaal	papier

x