Burgemeesters en raad te Groningen geven vidimus van de akte van een overeenkomst (7 juli 1457) tussen de ministerse en gemene zusters van het Olde Convent in Groningen en een aantal bewoners van de Ebdingestrate over een wetering.

Wy Borgermesteren ende Raedt In Groeningen betuegen mit desen openen brieve, dat wij hebben geseen unde gelesen een francijnen
brieff mitt unnsen stadtz uuthangende Segell in groeneme wasse versegelt, gantz, heell, ongecancelleert ongeradeert ende sunder allenn
gebreecke Luedende vann woorde tutt woorde soe ende als hijr naevolgett. Wij Borgermestere ende Raed In Groningen bekennen
ende tugen myt dessen openen breve dat voer ons sint ge-komen de Mynistersche ende gemene zusteren vanden olden convente In onser Stad ande ene zyd de
Ersame Abbt van Zelwart Albert Syssinge de Abbt to Rottum Clare Thyens Clawes Hopenbinder ende Roloff Reyltingk desse sess persone myt oren huusen
gelegen ande westerzyd In Ebdinge strate ande ander zyd Samentlike bekennende voer em ende oeren erffgenamen ende nakomelingen dat sie lieffliken myt
malkanderen sint overdragen van eenre wateringe vijff holt-vote breet to maken na des Raedes gebott die tusschen des vors. convents mure ende
der ses voers. personen arve leget In dusdane manieren So dat de mynistersche ende zusteren voergen. hebben gegund ende tegenwoerdich tostaen den vors. personen
ende oeren erffgenamen ende nakomelingen den vors. gang ende wateringe to bruken tot oeren huusen ende erven tot ewigen dagen Des so sullen desse vors. ses persone ende
oere erffgenamen ende nakomelingen de halve wateringe ma-ken ende staende holden ande oester zijde Ende de vors. zusteren ande wester zyde tot ewigen da-
gen Ende desse vors. persone ende oere nakomelingen en sullen gene secreete noch verkenscote up de vors. wateringe hebben noch maken Nochniess
daer up slaen ende liggen laten Ende sullen ene poerte ge-like maken laten ende staende holden Int noerde tusschen
des convents mure ende Roloff Wil-
tinges tijmmer Ock hebben desse vors. zustere geghunt Ro-love ende Clawes vors,, een secreet onder der vors. wate-ringe to maken an oere mure Men
weert sake dat des vors. convents mure hiir namaels hinder vanden secreete lede dat sullen Roloff ende Clawes vors. offte oere nakomelingen de aere
huuse bruken den vors. convente up richten ende betalen buten des convents scade sunder argelist Dat orkonde wy myt onser Stad segell Ghegeven Inden Jaer ons heren dusent
vierhundert sovenendevyfftich des donredages na translationis Martini Doe Henric Baroldes Otto Giant Otto ter Hanzow ende Gosen van Dulk borger
mestere waeren onser Stad -- In Oercunde der waerheit hebben wij unnser Stadt Segell wietentlich beneden an desen Transsumpt ofte vidimus
brieff doen hangen Gegeven inden Jaere unnses heren du-sent sesshundert den twintichsten dach Julij Doe Mello Conders, Harman Wif-
ringk, Abell Conders ende Johan Clandt Borgermesteren ren unnser Stadt.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	385
Regestnr.	1165
Olim	Arch. Olde Convent, inv.nr. 15, reg. 102.
Jaar	1600
Datumcode	2007

x

x

x

Commentaar	Met het stadszegel

x

Materiaal	perkament