Roloff Huynghe, drost in den olden Ampte oorkondt, dat llemmo Dokenn te Winschoten heeft verkocht aan het convent van ter Apel een ‘brede landes’ en een ‘acker landes’ op de Gast in Winschoten gelegen, met recht van werafkoop tegen 20 hertog Philips guldens plus volle rente ten bedrage van l dito gulden, voorts met 't recht om dit voorschreven land in huur te houden voor l Ph. gulden jaarl. huur, de huur te betalen op Sint Michiel, terwijl de jaarmalen duren zo lang als de huurders de huur betalen.

Roleff Huynghe droste yn den Olden Ampte Bekenne unde betuge overmyds desszen
mynen openen besegelden breve als dat voer my ys ghekomen Hemmo Dokens tho
Winschote unde bekande voer hem unde syne erffgenamen dat he hefft vorkofft den Eerwerdygen unde religiosen heren unde Convente van der Apelen eene brede landes up de
Gast to Winschote unde een acker landes ook gelegen up der Gast by welcke bree lan-
des her Heuwe naest ys ghezwettet by den wester zydt unde Benneke up de oester zydt
unde Hynryck Backer ys naest gheswettet by den vorscr. acker up de wester szydt
unde Liupke Mellens up der oester szydt voer eene summe van ghelde de Hemmo
vorscr. bykande hem vull unde all weer wall betaelt den eersten pennynck myt
den laesten beholdelyck Hemmo vorscr. offte syne erffgenamen de vorscr. brede lan
des unde den vorscr. Acker tot allen yaren so wanneer hem des best belevet
Off syne erffgenammen weder aff kopen unde aff lossen myt twyntich hartich
philips gulden off payment dat daer guet voer ys unde myt vuller renthe als
naemptlyke eenen philips gulden Ock ys hyr ynghesecht dat Hemmo vorscr. offt
syne erffgenamen mogen dyt vorscr. landt yn de hure hollden voere eenen
philips gulden yaerlyks hure unde de hure hollden voere eenen
philips gulden yaerlyks hure unde de hure yaerlyx to betalen vry scadelos tho
sunte Mychaell unde der yaermalen durende so lange als Hemmo vorscr.
off syne arffgenamen de hure bytalen als vorscr. ys Unde ock so lovet Hemmo
vorscr. vor hem unde syne erffgenamen den Cloester vorscr. desse brede unde acker
landes boven gescr. vry scadelos to leveren voer alle ansprake uuut alle syne
guderen se synnen ghelegen voer se ock gelegen mogen weren replyck off unreplyck
dyt allen sunder argelyst Hyer hebben by om unde over gewest als tugeslude
Hayszen Tammens unde Johan Clauuszen In oerkunde unde merer vestenisse
desser waerheyt hebbe yck Roloff Huynghe droste eergemaellt myn szegell
aen dessen breeff gehangen In den yaer unses heren dusent vyffhundert
unde twyntich des wundesdagen nae Bernardi Abbatis.
DORSO : litere de floreno philippensi annue ex uno agro et uno brede landes in Wynscotte up de Gast ab Hemmo Dokens.

x

x

Archief	Groninger Archieven
Fonds	Klooster Ter Apel
Toegangsnummer	1373
Inventarisnr.	37
Regestnr.	186
Register Feith	1520.027
Jaar	1520
Datumcode	EpBernar

x

x

x

Commentaar	Met het zegel van genoemden drost in groene was

x

Commentaar	N.B. Vermeld Feith Reg. 1520 no. 27.