Engele, weduwe van Johan Symens te Vlachtwedde en Engelbertus Walslaeger, pastoor te Vlachtwedde Elzo then Venhues, richter te Westerwoldt, Albert Koenink, Ymele Engels ‘gehoeen gesette voermunders’ over Johan Symens ' kinderen verklaren dat zij als zoodanig hebben verkocht aan het klooster ter Apel 6 deimaten ‘medtlandes’ gelegen in 't gericht van Bellingwolde.

Copia littere de septem graminatis circa Blyham ab Bngele
Symons tho Vlachtwedde.
Ick Engele nagelaeten weduwe Salige Johan Symons tho
Vlachtwedde unde Engelbertus Walslager pastor tho Vlachtwedde
Elzo then Venhues Richter tho Vesterwoldt Albert
Koeninck Ymele Engels gekoeren unde gesette voermunders Salige
Johan Symens tho Vlachtwedde die uns vulstendich syner
vyff synnen unde Rechte wetenscap by synen levende daer thoe
geseeth geeschet geroepen unde gebeden syner nageblevene kynderen
dat best tho doene gelick wy dat voer god den heren then lesten ge
richte bekandt wolden syn unde verdedynge hebbe wy ock die
sulvyge voermunderscap nae synen doede unde des yaemerdaels
affscheydynghe voerscreven vrouwen unde kynderen in unser ver
dedynghe unde voerplichtynge angenoemen Soe bekenne wy
verscreven Engele unde voermunders geystelick unde waertlick eyn
drachtlick unde eyn yder voer sick by verscreven unser verstreckynge
unde aennement verscreven kynderen unde vrouwen dat uns uuth
groeter merckliker unde bewechliker oerzaeken die godtlick kent
lick noet daer hen gevordert unde gedrungen dat wy tho be
hoeff verscreven vaederloese kynderen eyn afflygghent stucke landes
bueten dern Erve gelegen voerkoepen unde verlaeten moetten
daer mede dat guedt unde Erve tho Vlachtwedde unde ander
landen besculdet gevryet unde gereddet woerden mochten up dat sie
nicht semptlick verkoemen unde in die schulderen handt gerichtet
mochten woerden soe bergeb als uns up onser zaelicheit mochlick
oek soe hoege unde upt uuterste gedreven dat wy van ghenen vrunden unde vremeden erlangen unde oeverkoemen konden
bekenne daer umme in macht unde chrafft yegenwoerdiges brevs
dat wy uuth kentliker noeth dem werdigen Religiosen heren
Gerdt van Hasseldt prior unde gemeynen Convent ther Apell
verkoefft unde ewych verkoepen stediges ewyges unverbroekens
Erffkoepes soeffe deymaedt medtlandes in deme gerichte van
Byllynckwoldt gelegen daer van die zwette verscreven Conventes
landt up die westerzydt unde Hayo Habbens twe deymaedt
up die oesterzydt strekende an beyden enden up Aelken gaest unde
die Olde Ae als dat van oldes gewontlick unde hebben dath
tho behoeff van groeter noeth verscreven kynder verkoefft verlaeten
unde vertegen voer eyne Summe van penninge die uns verscreven
Convent deger vull all vernoegedt den eersten penninck mydt
den lesten den lesten mydt den eersten die wy tho behoeff der
aermen kynderen alzoe bestaedet unde aengelacht als wy voer
godt almechtich bekandt wyllen wesen alzoe dat wy verscreven Con
vent bedancken gueder entrichtynge unde wullenkoemen betae
lynge unde loeven daer umme verscreven prior unde Convent verscreven soeffe
deymaedt landes guede stede vaste unverbroekenne waerscup
unde leverynge tho doene unde tho holdene bueten alle verscreven Con
vendt hynder kost unde schaeden nae die wyle wy verscreven Engele
unde voermunderen verscreven landt tho behoeff der kynderen verkoefft
wyllen wy hem dat aelynck stede vast unverschuldet holden
unde waeren bueten oeren unkost unde soe syck dat tho yeni
ger tydt begeven mochte dat verscreven Convent van verscreven lande
woerde aengesocht. Soe wyllen wy semptlick unde yder by
sunder guede ewyge leverynghe holden unde waeren soe veer
der kynderen gueden strecken wandt doch eyn updrachtich
Erffkoep Indt ewych blyven sall geschege daer umme Convent
yenyge besperinge indt kleyn offte groet in verscreven leverynge
dat sollen unde wyllen wy verkoeperen tho verscreven ewygen erff
koepe umme trecken unde verscreven Convent ewyghe waerscup uuth
all unse guederen bynnen unde bueten landes waer die gelegen
holden unde waeren doch allendt verscreven Convent oere naedeell
bueten bescheiden alle argelyst unde boesheidt affgesproeken unde
bueten gesloeten Syndt hyr mede by aen unde over gewest
unde yegenwoerdigen Erffkoep aengehoert unde verstonden
die Ersaeme Yayo Nonnens Eelticko Hayens unde meer
vroeme luede genoch unde die wyle de verscreven landen in gerichte
van Byllynckwoldt gelegen hebben wy verscreven Engele pastoer
unde Richter sampt alls voermunders gebeden deme Erbaeren
Jacob Prenger nu ther tydt Richter in Byllynckwolde dussen
breff over uns unde uns erffgenamen als voermummers der voer
benoempter weduwen unde kynderen tho verseggelen Soe
bekenne ick Jacob Prenger Richter dat ick doerch fruntlicken
bede unde begerte der weduwen unde voermummers verscreven up
gescreven breff voerseggeldt unde myn gewontlick zeggell
under aengehangen in bywesen verscreven tuegen Indt iaer uns
heren duesendt vyffhundert unde vyff unde viertich des
daeges nae Martini episcopi Noch in mererwestenisse der waer
heidt hebben wy voermummers ergenoempt yder synen naemen
mydt syner eygenen handt hyr under up dussen breff getekent
Engelbertus Walslaeger pastoer tho Vlachtwedde bekenne als
verscreven.
Elzo then Venhues Richter tho Westerwolde bekenne als boven gen.
Ymele Engels tho Vlachtwedde bekenne als gescreven ys.
Alberth Koeninck bekenne als boeven gescreven.

x

x

Archief	Groninger Archieven
Fonds	Klooster Ter Apel
Toegangsnummer	1373
Inventarisnr.	1
Fol.nr.	fol. 095r
Regestnr.	230
Jaar	1545
Datumcode	cMartin

x

x