Jacob Prengher richter in Bellingwolde, oorkondt, dat tusschen Gerard Hasselt, prior en gezamenlijke conventualen van ter Apel eenerzijds en Koylers kinderen anderzijds oneenigheid is geweest over het graven bijlangs het land van 't convent gelegen bij Alekengast en dat door scheidslieden de afhaling der wederzijdsche landen is tot stand gekomen.

Ick Jacob Prenger Richter im Bellinckwolt wegen des Edelen waelgeborenen heren heren Kaerll Schenck vry
geheren to Toutenborch und Wedde doen kundt overmydts dessen mynen openen versegelden breve woe sych twist
unde unenichhet tusschen demen vromen unde Religiosen heren Gerardo Hasselt priori
unde semplichen conventualen in
Apel Ensdeels unde Edseke Koijlers volmechtich syner susteren unde broderen sampt dem
vormunderen Koijlers
kynderen anderdeels een tytlanck sich entstaen herkomende dat vorscreven convent
itlich landt by Alekengast vormals
gehadt unde nu meer van Johan Symons kynderen vormunderen gekofft welck vorscreven
Convent to oren profite ge-
dachten umme langes her tho graven Daer in nu Edseko sampt Jacop Engelkens unde alle
vormunderen inne
befromden sich dat vorscreven Convent nicht solde moegen koemen aen die herde gast welck urre ende harde sandt
dat die gast alleningen solde behoeren Ist der halven dorch benoeginge gueder vromer
lueden op dat
alle boese saeken mochten genedert worden vorgen. saeken unde landes affpalinge loeff-
lich unde vruntlich aen beyden
zijden gescheen daer in vorscreven Jacop Engelkens lyfflich bewyllet doch nicht per-
soenlick Erschenen koenen dan
dem Erbaren heren Wermolt praebendaet vulmachtich in scryfften toegestalt myt Edseken
unde Eltken Haiens
daer en tegens vorgen. Convent genomen Udo Tiabbens, Hero Ubbens welck vorscreven
gast unde vorscreven Conventes
landt nae der verzegelder tuychnisse unde langen unde olden gebruijke hebben seen
dorch dat Convent affsteken woe
let en dat Convent duen wederpardt gegundt dan nicht an wollen nemen oever dorch unde nae der tuychnisse
myt rypen beraede gelycker hant van beyden parthen unde myns vorscreven Richters mede
Raedt unde vulbordt
enen driboem upgericht teindes umme die gast unde andere naebuer landen her dat yder
genoech unde vul
voer dat syn erlangen konde daer nu alsoe nae gegraven is worden unde dat sulvige
bestadet tho
Ewygen daegen soe toe blyven welck alle parthen liefflich uunde wyllich geconsenteert
Uunde daer by tho blyven
vredich geweest Doch is tem lesten allen parthen daer om her liggende up dat nyemans
unrecht geschege
vurgundt offt yemans beter konschup liggende offte levendich konde overkomen dat die bepalinge yemants
tho nae were solde hie binnen een maendt voer Recht brengen wellick ick vorscreven Richter bekenne nicht
gescheen tho wesen dan hebben dat alsoe gelyck gegraven blyven laeten unde nicht ge-straffet De wyle dan
dit een doer gegraeven umbestraffinge bepalinge die loefflich Ingegaen van allen
parthen nycht
wederlacht hebbe ick Jacop Prenger Richter als een mede vormunder toe Engelen Koelers
kynderen myn
gewoentliche zegell under aen dessen breeff gehangen by wesent Hermen up die Gast
unde Nanno Sibrans
Int Jaer dusent vyffhundert soeven unde viertich dach naest Bartholomei Apostoli,
DORSO l D.

x

x

Archief	Groninger Archieven
Fonds	Klooster Ter Apel
Toegangsnummer	1373
Inventarisnr.	35
Regestnr.	236
Register Feith	1547.025
Jaar	1547
Datumcode	cBartho

x

x

x

x

Commentaar	Met het zegel van Jacob Prengher in groene was

x

Commentaar	N.B. Vermeld Feith Reg. 1547 no. 25.