| Nummer:meh428 | Datum: | Overlevering:Origineel | Vindplaats:Arch. N.H. gem. Meppel, inv.nr. 0428 |
Wij Albert Holle, Herman Pauwelssoen ende Helmych Elenkyng inder tyt kerckvoechden van Meppel beken-
nen mit dessen openen breve dat wij mit consent ende wille des ghemenen kerspels van Meppel vercoft hebben
eerflyc ende ewelyc uut der kerken to Meppel om een somme van ghelde die ons tot onsen willen vol ende al
wal betaelt is den laesten pennyng mitten jeersten Gherberich vander Schere ende oeren erfgenamen neghen heren pont
pacht ghelts des jaers uut den kerken ende der kerken guede van Meppel als dit here vanden lande jaerlix boven
ende beneden voir sine pacht doet boren to bitalen alle jare bynnen Campen commervry in hoer seker byholt
inden vier hilligen daghen van midwinter sonder langer vertreck. Ende waert sake dat desse bitalinghe alle jare
nyet wal en geschiede op dach datum des breefs als voirscreven is, soe love wy Albert, Hermen ende Helmych voirscreven voir
ons ende onsen erfgenamen ende elckx ene voir al ende nyemant mit syn andeel quyt to wesen Gherberich voirscreven ende oeren
erfgenamen vervallen te wesen myt eenre take wijns alle dage soe manichen dach soe manich take sonder weder
seggen. Voertmeer soe love wy Albert, Herman ende Helmych voirscreven voir ons ende onsen erfgenamen waert sake dat desse
neghen pont voirscreven alle jare nyet wal bitaelt en worde, soe mach Gherberich voirscreven off oer erfgenamen off hoer
ghewaerde bode ter stont comen panden uut onsen husen ende erve daer wy nu ter tyt in wonen voer hoer negen
heren pont des jaers ende voer horen wyn die hoer alle dage verschenen ware ende daer toe voir sulken schaden
cost ende hinder als se daer by hadde mit enen dagelixschen richter off mit sinen ghewaerden boden ende mitten
panden voert te varen alsmen mit panden voert plecht te varen die voir rechte heren pacht ghepand syn ende myt
allen rechte uutgesleten ende verwonnen ende hier ghiene were tegens te doen off laten doen mit ghienen rechte
gheestlyc off waerlyc. Sonder argelyst In oirkunde der waerheit ende om bede willen des ghemenen kerspels van
Meppel soe hebbe wij Albert, Herman ende Helmych voirscreven als kerckvoechden voir ons ende onsen erfgenamen ende nacome
lingen onse segele samentlyc beneden an desen breeff gehangen. Ghegeven int jaer ons heren dusent vierhondert
eenendetachtentich des saterdaghes voer onser vrouwen lichtmissen daghe.
nen mit dessen openen breve dat wij mit consent ende wille des ghemenen kerspels van Meppel vercoft hebben
eerflyc ende ewelyc uut der kerken to Meppel om een somme van ghelde die ons tot onsen willen vol ende al
wal betaelt is den laesten pennyng mitten jeersten Gherberich vander Schere ende oeren erfgenamen neghen heren pont
pacht ghelts des jaers uut den kerken ende der kerken guede van Meppel als dit here vanden lande jaerlix boven
ende beneden voir sine pacht doet boren to bitalen alle jare bynnen Campen commervry in hoer seker byholt
inden vier hilligen daghen van midwinter sonder langer vertreck. Ende waert sake dat desse bitalinghe alle jare
nyet wal en geschiede op dach datum des breefs als voirscreven is, soe love wy Albert, Hermen ende Helmych voirscreven voir
ons ende onsen erfgenamen ende elckx ene voir al ende nyemant mit syn andeel quyt to wesen Gherberich voirscreven ende oeren
erfgenamen vervallen te wesen myt eenre take wijns alle dage soe manichen dach soe manich take sonder weder
seggen. Voertmeer soe love wy Albert, Herman ende Helmych voirscreven voir ons ende onsen erfgenamen waert sake dat desse
neghen pont voirscreven alle jare nyet wal bitaelt en worde, soe mach Gherberich voirscreven off oer erfgenamen off hoer
ghewaerde bode ter stont comen panden uut onsen husen ende erve daer wy nu ter tyt in wonen voer hoer negen
heren pont des jaers ende voer horen wyn die hoer alle dage verschenen ware ende daer toe voir sulken schaden
cost ende hinder als se daer by hadde mit enen dagelixschen richter off mit sinen ghewaerden boden ende mitten
panden voert te varen alsmen mit panden voert plecht te varen die voir rechte heren pacht ghepand syn ende myt
allen rechte uutgesleten ende verwonnen ende hier ghiene were tegens te doen off laten doen mit ghienen rechte
gheestlyc off waerlyc. Sonder argelyst In oirkunde der waerheit ende om bede willen des ghemenen kerspels van
Meppel soe hebbe wij Albert, Herman ende Helmych voirscreven als kerckvoechden voir ons ende onsen erfgenamen ende nacome
lingen onse segele samentlyc beneden an desen breeff gehangen. Ghegeven int jaer ons heren dusent vierhondert
eenendetachtentich des saterdaghes voer onser vrouwen lichtmissen daghe.
x
| Archief | Drents Archief |
|---|---|
| Fonds | Arch. N.H. gem. Meppel |
| Toegangsnummer | 365 |
| Inventarisnr. | 0428 |
| Jaar | 1481 |