| Nummer:mun006 | Datum: | Overlevering:Origineel | Vindplaats:F.A. Van Munster, inv.nr. 0027, reg. f |
Ic Heyne Alinge bekenne in dessen openen breve dat ic vercoft hebbe voir my ende myne erffgenamen stedes
erffcopes Roloff den Vos van Steenwyc ende synen erffgenamen een mudde roggen des jaers zwolscher mate over
ende uut myn huus ende hoff toe Lede gheheten Alinge dair ic nu ter tyt inne woene ende voirt over al
myn guet als ic upden dach datum des breeffs liggende hebbe inder marcken toe Lede onder der clocken
van Dwingelo om ene summe gheldes de my witlic ende wal bitaelt is Ende ic Heyne voirscr. hebbe voir
my ende myne erfgenamen vertichnisse ende uplatinge gedaen ende den stoc geleghet voir den bueren van
Lede hyr nae bescreven als lantrecht is Ende dair mede over ghegeven Rolove voirscr. ende synen erffgenamen
dit voirscr. mudde jaerlix te bruken in te manen ende up te boeren sunder yements weder seggen Ende ic
Heyne voirscr. ende myne erffgenamen sullen Rolove voirscr. ende syne erffgenamen van dit voirscr. mudde rechte waerscap
doen vry ledich ende onbekummert waeren voir al de gene de dair up spreken mogen Ende weert zake dat
Roloff voirscr. of sine erffgenamen hyr enigen hinder of scaden by hadden overmids dat hem of synen erffgenamen
dit voirscr. muddn (sic) roggen alle jaer nyet witlick ende wal bytaelt en woirde als men stede mudde inde
lande van Drenthe plecht toe bytalen off in enigen punten den scaden myt den hovetstoel love ic
Heyne voirscr. voir my ende myne erffgenamen toe richte Rolove voirscr. of sine erffgenamen tot hoeren sympelen woir
den sonder argelyst Ende over dyt stoc leggen hebben gewesen als buer toe Lede Wessel de Blomer
ende Gheert Dykinge In oirkunde der waerheit want ic Heyne voirscr. selven gheen segel en bruke ende
om der meerre vestenisse wille soe heb ic gebeden Wessel de Blomer inder tyt sculte toe Dwingelo dessen
breff voir my toe besegelen Ende ic Wessel schulte voirscr. soe heb ic myn segel beneden an dessen breeff
ghehangen Ghegeven int jaer onss heren dusent vierhundert een ende tsestich des vrydages nae onser
liever vrouwen dach Nativitas.
erffcopes Roloff den Vos van Steenwyc ende synen erffgenamen een mudde roggen des jaers zwolscher mate over
ende uut myn huus ende hoff toe Lede gheheten Alinge dair ic nu ter tyt inne woene ende voirt over al
myn guet als ic upden dach datum des breeffs liggende hebbe inder marcken toe Lede onder der clocken
van Dwingelo om ene summe gheldes de my witlic ende wal bitaelt is Ende ic Heyne voirscr. hebbe voir
my ende myne erfgenamen vertichnisse ende uplatinge gedaen ende den stoc geleghet voir den bueren van
Lede hyr nae bescreven als lantrecht is Ende dair mede over ghegeven Rolove voirscr. ende synen erffgenamen
dit voirscr. mudde jaerlix te bruken in te manen ende up te boeren sunder yements weder seggen Ende ic
Heyne voirscr. ende myne erffgenamen sullen Rolove voirscr. ende syne erffgenamen van dit voirscr. mudde rechte waerscap
doen vry ledich ende onbekummert waeren voir al de gene de dair up spreken mogen Ende weert zake dat
Roloff voirscr. of sine erffgenamen hyr enigen hinder of scaden by hadden overmids dat hem of synen erffgenamen
dit voirscr. muddn (sic) roggen alle jaer nyet witlick ende wal bytaelt en woirde als men stede mudde inde
lande van Drenthe plecht toe bytalen off in enigen punten den scaden myt den hovetstoel love ic
Heyne voirscr. voir my ende myne erffgenamen toe richte Rolove voirscr. of sine erffgenamen tot hoeren sympelen woir
den sonder argelyst Ende over dyt stoc leggen hebben gewesen als buer toe Lede Wessel de Blomer
ende Gheert Dykinge In oirkunde der waerheit want ic Heyne voirscr. selven gheen segel en bruke ende
om der meerre vestenisse wille soe heb ic gebeden Wessel de Blomer inder tyt sculte toe Dwingelo dessen
breff voir my toe besegelen Ende ic Wessel schulte voirscr. soe heb ic myn segel beneden an dessen breeff
ghehangen Ghegeven int jaer onss heren dusent vierhundert een ende tsestich des vrydages nae onser
liever vrouwen dach Nativitas.
x
| Archief | Drents Archief |
|---|---|
| Fonds | F.A. Van Munster |
| Toegangsnummer | 334 |
| Inventarisnr. | 0027 |
| Regestnr. | f |
| Jaar | 1461 |
| Datumcode | VpNatMar |