| Nummer:mun016 | Datum: | Overlevering:Origineel | Vindplaats:F.A. Van Munster, inv.nr. 0043, reg. p |
Ic Aernt Mulert inder tyt Richter toe Hasselt van wegen roemscher keyserlicker maiestaet mynen alren gn.
dichsten lieven heren maeke kondich allen luyden vermyts dessen apenen brieve Dat voir my voir koernoeten ende gerichts
luyde naebescreven gekomen sintt in enen gehegeden gerichte Hinrick Johan Geertssoen ende Johanna syn echte huysfrouwe mitt
Henrick voirscr. oeren gekoeren monbaer tot desen saeken oir mitt rechte gegeven Ende becanden voir hem ende oeren erffgenamen
dat sie verkoft hadden ende verkoften in enen steden vasten erffkoip erffelicken ewelicken ende ummermeer om een somme
geldes die sie alinge all ende wall ter noege ontfangen hadden als sie becanden Den Erentfesten ende vrommen Joncker
Berent van Munster heer toe Runen Joffer Annen synre huysfrouwe ende oeren erffgenamen oft holder sbreefs mitt synen
willen vyff goldenen gulden van gewichte des jairs uut ende aver dat Achtendeell vanden Erve toe Hesselinge mitt allen
synen toebhoir soe dat gelegen mach wesen onder der clocken ende gerichte van Staphorst soe Henrick voirscr. dat angeervet
is van syn zelige moeder voert als Henrick voirscr. oft syn erffgenamen noch anden guede toe Hesselinge voirscr. beervet mach worden
Te betalen alle jair toe Sancte Marten komende inden winter tot pacht rechte acht dage nae oft voir onbehaelt commer
vry opten alden hoff Ende weert saeke dat die betalinge alsdan neet en gescheede als voirscr. is Soe mogen Joncker Beernt
ende Joffer Anna syn huysfrouwe ende oeren erffgenamen oft holder des breefs mitt oeren wille dair voir panden uut den voirscr.
guede ende mitten panden voert te vaeren gelyck men mitt pande plecht voert te varen die von heren pacht gepan
det sintt Ende Hinrick ende Johanna voirscr. lieten hem ende droegen desse vyff goldenen gulden van gewichte jairlicxe rente
voirscr. voir my voir koernoeten ende gerichtsluyde nabescreven op inden selven gerchte ende gingen des uuth ende vertegen dair aff
als recht was tot behoeff ende erffelicken gebruykinge Joncker Beernts ende Joffer Annens voirscr. ende oerer erffgenamen off holder sbreefs18. by oeren wille Ende gelaifden hem ende oeren erffgenamen desse vyff goldenen gulden van gewichte des jairs te waren ende rechte
waerssceep dair van te doene nae den lantrechte in allen manyren voirscr. voir hem voir oeren erffgenamen ende voirt voir all den
genen die des toe rechte komen mogen ende willen tot ewigen dagen. Sonder Argelist hyr hebben an ende aver gewest als koerno
ten ende gerichtsluyde Egbert Backer ende Wycher Janssoen mitt meer gueder luyden genoich In oirkunde der waerheyt heb ick Aernt
Richter voirscr. myn segell beneden an dessen breef gehangen. Geschiet int jair van onsen heren geboerte Duysent vyffhundert
Twe ende veertich des vrydaechs nae aller onnoselen kynderen dach.
dichsten lieven heren maeke kondich allen luyden vermyts dessen apenen brieve Dat voir my voir koernoeten ende gerichts
luyde naebescreven gekomen sintt in enen gehegeden gerichte Hinrick Johan Geertssoen ende Johanna syn echte huysfrouwe mitt
Henrick voirscr. oeren gekoeren monbaer tot desen saeken oir mitt rechte gegeven Ende becanden voir hem ende oeren erffgenamen
dat sie verkoft hadden ende verkoften in enen steden vasten erffkoip erffelicken ewelicken ende ummermeer om een somme
geldes die sie alinge all ende wall ter noege ontfangen hadden als sie becanden Den Erentfesten ende vrommen Joncker
Berent van Munster heer toe Runen Joffer Annen synre huysfrouwe ende oeren erffgenamen oft holder sbreefs mitt synen
willen vyff goldenen gulden van gewichte des jairs uut ende aver dat Achtendeell vanden Erve toe Hesselinge mitt allen
synen toebhoir soe dat gelegen mach wesen onder der clocken ende gerichte van Staphorst soe Henrick voirscr. dat angeervet
is van syn zelige moeder voert als Henrick voirscr. oft syn erffgenamen noch anden guede toe Hesselinge voirscr. beervet mach worden
Te betalen alle jair toe Sancte Marten komende inden winter tot pacht rechte acht dage nae oft voir onbehaelt commer
vry opten alden hoff Ende weert saeke dat die betalinge alsdan neet en gescheede als voirscr. is Soe mogen Joncker Beernt
ende Joffer Anna syn huysfrouwe ende oeren erffgenamen oft holder des breefs mitt oeren wille dair voir panden uut den voirscr.
guede ende mitten panden voert te vaeren gelyck men mitt pande plecht voert te varen die von heren pacht gepan
det sintt Ende Hinrick ende Johanna voirscr. lieten hem ende droegen desse vyff goldenen gulden van gewichte jairlicxe rente
voirscr. voir my voir koernoeten ende gerichtsluyde nabescreven op inden selven gerchte ende gingen des uuth ende vertegen dair aff
als recht was tot behoeff ende erffelicken gebruykinge Joncker Beernts ende Joffer Annens voirscr. ende oerer erffgenamen off holder sbreefs18. by oeren wille Ende gelaifden hem ende oeren erffgenamen desse vyff goldenen gulden van gewichte des jairs te waren ende rechte
waerssceep dair van te doene nae den lantrechte in allen manyren voirscr. voir hem voir oeren erffgenamen ende voirt voir all den
genen die des toe rechte komen mogen ende willen tot ewigen dagen. Sonder Argelist hyr hebben an ende aver gewest als koerno
ten ende gerichtsluyde Egbert Backer ende Wycher Janssoen mitt meer gueder luyden genoich In oirkunde der waerheyt heb ick Aernt
Richter voirscr. myn segell beneden an dessen breef gehangen. Geschiet int jair van onsen heren geboerte Duysent vyffhundert
Twe ende veertich des vrydaechs nae aller onnoselen kynderen dach.
x
| Archief | Drents Archief |
|---|---|
| Fonds | F.A. Van Munster |
| Toegangsnummer | 334 |
| Inventarisnr. | 0043 |
| Regestnr. | p |
| Jaar | 1542 |
| Datumcode | VpOmnInn |