| Nummer:oar035 | Datum:21 maart 1389 | Overlevering:Origineel | Vindplaats:Omm. arch., inv.nr. 0008, reg. 035 |
C. Wy her Rippert, abbet ende ghemene oldermans des conventes van Adewaert Borghermestere ende raet van Groninghen doen kundick allen
luden myt dezen openen breve dat wy ziin overdraghen ende hebben onder ons begrepen dat wy malc myt anderen willen holden ganse stede
vaste vrenscap ende willen malc anderen recht ende bescheet doen so wie up den anderen to claghen hevet sunder vertrech ende willen malc
anderen rechtes helpen in manyren als hiir na ghescreven staet. Int eerste hevet jenich persoen vanden convente of van den vorwarken van
Adewart to claghen up jeneghen persoen bynnen Groninghen van pennincsculde so sal de clagher of ziin wisse bode dat claghen enen borghermestere to dreen tiden van den jaer: de eerste tiid sal wezen tuschen Vastelavent ende Palmezoendach, de ander tiid sal wezen tusche sente Vitisdach ende sente Jacobsdach, de derde tiid sal wesen tuschen sente Mycheelsdach ende sente Mertensdach in den winter. Ende waneer de clagher
of ziin wisse bode to dezen dreen tiden vorscreven komen claghende so sal de borghermester den hie dat claghet myt hem gaen of een van den
rade daer ene de borghermester to wyset to denghenen daer hie de claghe up hevet ende sal hem setten een ende twintich daghe. Ende waneer
de XXI daghe ummeghekomen ziin so sal hie hem reken of rechten. Ende ist sake dat hie des nyet en doet, so sal de clagher voert rechtes begheren
van den borghermester of van den raedmanne de hem de XXI daghe ghesat hevet ende de sal hem dan setten ene hoffaert ende so mach de clagher
eens nachtverst nemen ende daerna sal hie hem vredeloes legghen na onsen stadrechte. Ende wan hie vredeloes is so sal de borghermester
of de raedman myt hem gaen ende panden den clagher in de hand den derden penninc beter dan de scult draghen machalsoveer alse daer also
vele gudes is. Voert hevet jenich persone van Groninghe to claghen up ieneghen persone van den convente ende van horen vorwerken vorscreven van
pennincscult gaet de claghe up enen preyster so sal men dat beclaghen vor den pryor van Adewart. Ende gaet de claghe up enen convers so sal
men dat beclaghen vor den brodermestere. Ende de prior of de brodermester sollen den clagher of sinen wissen boden rechtes helpen to dreen
tiden van den jaer als vorscreven is bynnen XXI daghen na dien dat de claghe an ghesat is. Ende bynnen dezen dreen tiden vorscreven sal elc man zine
claghe an satten. Ende so wat daghe de prior of de brodermester den clagher dan setten weder to komen tot Adewart bynnen den XXI daghen of
wan de XXI daghe ummeghekomen ziin so sullen sie daer to mote daghen laten de ghene daer de claghe upgaet ende de sullen den clagher
reken of rechten als vorscreven is ende panden den clagher de scult uet als vorscreven is den derden penninc beter. Voertmer so wat sculde de dre kelres,
de sacristaen, de koepmester, de smydmester bynnen convente ende alle de hofmesters van al horen vorwarken sculdich ziin of wat sculde dat sie maken
daer sal dat convent vorscreven vol vor doen ende de scult sal men uet rechten als vorscreven is. Ende storve jenich of worde jenich van dezen vorscreven uet
sinen ampte ghesat so sal de ghene de na hem int ampt komet de sculde betalen ende recht ende vol daer vor doen als vorscreven is. Ende makede anders jenich conventesman of vorwerkesman jenighe sculde daer en wil dat convent nyet vor antwerden of vol vor doen, mer sie sullen de scult
uet rechten bynnen XXI daghen als vorscreven is of hie als so vele gudes hevet. Ende daer sal de prior of die brodermester tosegghen myt denghenen daer de claghe up gaet by siner consciencie dat daer negheen guet meer en is daer men de scult mede betalen mach -na siner witschap-. Ende aldusdanes rechtes en sal van beyden ziden nemen den anderen weygheren by siner conscientie. Ende deze vorscreven ponten love wy malc anderen to holden
alwantertiid dat wy myt manden rade een beter vinden ende ordineren moghen. Voert worde jenich twiist of schelinghe tuschen ons
van jeneghen saken de hiir nyet vorscreven en ziin dat sulle wy an beyden ziden vervolghen ende scheden na onsen olden breven. In oerkunde
so hebbe wy abbet ende mene oldermans vorscreven onses conventes zeghel ende wy Borghermestere ende raet vorscreven onses stades seghel an dezen
breef ghehanghen. Ghegeven int jaer ons heren dusent drehondert neghen ende tachtich up sente Benedictus dach.
AANTEKENINGEN: DORSO: Gronynghe unde Aedtwerdt.
Archiefaantekening XVII: Accoert tusschen Aedwert ende
Gronningen om an wedersijden
recht to verhelpen van anno
1389 op St Benedictus dagh.
Archiefaantekening XVIII: onleesbaar.
OVERLEVERING: origineel, perkament.
AUTHENTICERING: 1. zegel sur double queue
2. zegel sur double queue verloren.
INVENTARIS: RA GRONINGEN, OMMELANDEN 8 R 35.
RF 1389.01.
UITGAVE: OGD 793.
DRIESSEN p. 419.
??
luden myt dezen openen breve dat wy ziin overdraghen ende hebben onder ons begrepen dat wy malc myt anderen willen holden ganse stede
vaste vrenscap ende willen malc anderen recht ende bescheet doen so wie up den anderen to claghen hevet sunder vertrech ende willen malc
anderen rechtes helpen in manyren als hiir na ghescreven staet. Int eerste hevet jenich persoen vanden convente of van den vorwarken van
Adewart to claghen up jeneghen persoen bynnen Groninghen van pennincsculde so sal de clagher of ziin wisse bode dat claghen enen borghermestere to dreen tiden van den jaer: de eerste tiid sal wezen tuschen Vastelavent ende Palmezoendach, de ander tiid sal wezen tusche sente Vitisdach ende sente Jacobsdach, de derde tiid sal wesen tuschen sente Mycheelsdach ende sente Mertensdach in den winter. Ende waneer de clagher
of ziin wisse bode to dezen dreen tiden vorscreven komen claghende so sal de borghermester den hie dat claghet myt hem gaen of een van den
rade daer ene de borghermester to wyset to denghenen daer hie de claghe up hevet ende sal hem setten een ende twintich daghe. Ende waneer
de XXI daghe ummeghekomen ziin so sal hie hem reken of rechten. Ende ist sake dat hie des nyet en doet, so sal de clagher voert rechtes begheren
van den borghermester of van den raedmanne de hem de XXI daghe ghesat hevet ende de sal hem dan setten ene hoffaert ende so mach de clagher
eens nachtverst nemen ende daerna sal hie hem vredeloes legghen na onsen stadrechte. Ende wan hie vredeloes is so sal de borghermester
of de raedman myt hem gaen ende panden den clagher in de hand den derden penninc beter dan de scult draghen machalsoveer alse daer also
vele gudes is. Voert hevet jenich persone van Groninghe to claghen up ieneghen persone van den convente ende van horen vorwerken vorscreven van
pennincscult gaet de claghe up enen preyster so sal men dat beclaghen vor den pryor van Adewart. Ende gaet de claghe up enen convers so sal
men dat beclaghen vor den brodermestere. Ende de prior of de brodermester sollen den clagher of sinen wissen boden rechtes helpen to dreen
tiden van den jaer als vorscreven is bynnen XXI daghen na dien dat de claghe an ghesat is. Ende bynnen dezen dreen tiden vorscreven sal elc man zine
claghe an satten. Ende so wat daghe de prior of de brodermester den clagher dan setten weder to komen tot Adewart bynnen den XXI daghen of
wan de XXI daghe ummeghekomen ziin so sullen sie daer to mote daghen laten de ghene daer de claghe upgaet ende de sullen den clagher
reken of rechten als vorscreven is ende panden den clagher de scult uet als vorscreven is den derden penninc beter. Voertmer so wat sculde de dre kelres,
de sacristaen, de koepmester, de smydmester bynnen convente ende alle de hofmesters van al horen vorwarken sculdich ziin of wat sculde dat sie maken
daer sal dat convent vorscreven vol vor doen ende de scult sal men uet rechten als vorscreven is. Ende storve jenich of worde jenich van dezen vorscreven uet
sinen ampte ghesat so sal de ghene de na hem int ampt komet de sculde betalen ende recht ende vol daer vor doen als vorscreven is. Ende makede anders jenich conventesman of vorwerkesman jenighe sculde daer en wil dat convent nyet vor antwerden of vol vor doen, mer sie sullen de scult
uet rechten bynnen XXI daghen als vorscreven is of hie als so vele gudes hevet. Ende daer sal de prior of die brodermester tosegghen myt denghenen daer de claghe up gaet by siner consciencie dat daer negheen guet meer en is daer men de scult mede betalen mach -na siner witschap-. Ende aldusdanes rechtes en sal van beyden ziden nemen den anderen weygheren by siner conscientie. Ende deze vorscreven ponten love wy malc anderen to holden
alwantertiid dat wy myt manden rade een beter vinden ende ordineren moghen. Voert worde jenich twiist of schelinghe tuschen ons
van jeneghen saken de hiir nyet vorscreven en ziin dat sulle wy an beyden ziden vervolghen ende scheden na onsen olden breven. In oerkunde
so hebbe wy abbet ende mene oldermans vorscreven onses conventes zeghel ende wy Borghermestere ende raet vorscreven onses stades seghel an dezen
breef ghehanghen. Ghegeven int jaer ons heren dusent drehondert neghen ende tachtich up sente Benedictus dach.
AANTEKENINGEN: DORSO: Gronynghe unde Aedtwerdt.
Archiefaantekening XVII: Accoert tusschen Aedwert ende
Gronningen om an wedersijden
recht to verhelpen van anno
1389 op St Benedictus dagh.
Archiefaantekening XVIII: onleesbaar.
OVERLEVERING: origineel, perkament.
AUTHENTICERING: 1. zegel sur double queue
2. zegel sur double queue verloren.
INVENTARIS: RA GRONINGEN, OMMELANDEN 8 R 35.
RF 1389.01.
UITGAVE: OGD 793.
DRIESSEN p. 419.
??
x
| Archief | Groninger Archieven |
|---|---|
| Fonds | Omm. arch. |
| Toegangsnummer | 2 |
| Inventarisnr. | 0008 |
| Regestnr. | 035 |
| Register Feith | 1389.001 |
| Jaar | 1389 |
| Datumcode | Benedi |