| Nummer:oar059 | Datum:28 juni 1419 | Overlevering:Afschrift | Vindplaats:Omm. arch., inv.nr. 0758, fol. 290r, reg. 059 |
Ick Ocke van den Broecke, tot Awerck ende tot
Emeden in Oestvrieslandt hoestlinge [sic] make kont
allen luden dat ick voer mij ende mijn naecomelingen ende erffgenamen bij rade ende guetduncken mijnre
vriende om nutticheijt ende orbaer mijnre lande, lude ende
undersaten mitten eerweerdigen in Godt vader ende heer
heeren Frederick van Blanckenhem bijder genaden
Goodts bisschop tot Utrecht mijnen genedigen lieven
heere om mit hem ende mit sijnen naekomelingen bisschopen
to Utrecht ende mit synen landen, luden, steden ende
undersaten ende sunderlinge mit synen lande van
Drenthe ende sijnre stadt van Gronningen
daerin gelegen in meerre vrientschappen ende
vreeden te staen ende te blijven een vriendelike
dedinge ende overdracht gemaket ende gesloten
hebbe in allen vorwerden ende manieren als hijr nae
beschreven staet: Inden eersten soe en sal ick noch
mijn erffgenamen ende naecomelingen -den voerscreven mynen genedigen heer noch syn nakomelingen- bisschopen
to Utrecht in zijnen heerlicheiden, landen ende
luden soe als he die huden op desen dach van Goidts
genaden heeft ende besitt ende sunderlinge inder vrient-
schap ende huldinge die he mit sijnre stadt van
Groeningen die hem nu als se doch van recht schuldich waeren gehuldet ende hem tot hoeren rechten
lantshere ontfangen heeft ende in der vrientschap
ende overdracht die he mitten lande Ommelande
als Hunsinge ende Fivelgelande, Hummerse, Langewolt
ende Fredewolt gemaket heeft niet hinderlick
wesen. Item, soe zal ick ende myn naecomelingen ende
erffgenamen dat alsoe besorgen nae unsen vermogen
dat mijnen genedigen heer van Utrecht ende zijnen
nacomelingen bisschopen to Utrecht ende zijnen landen
luden, steden ende undersaten gheen schade en geschie
in mijnen lande noch doer mijnen lande. Ende weert
dat ijemant mijnen heer off sijnen nacomelingen off
undersaten voerscreven schade dede in mijnen lande -off doer mynen landen- dat sullen
ick ende mijn nacomelingen ende erffgenamen keren
ende berichten nae unsen vermogen off dat unsen undersaten geschieden ende angecomen weer. Ende weert dat
eenich gebreck aen eenijger zijden geschiede, dat Godt
verbieden moet dat salmen doen berichten nae rechten
zeeden ende gewoenten der lande daer dat geschiede
alsmen dat in voertijden voer datum des brieffs plach te
berichten dese punten nochtant in hoere vulre macht
te blyven. Welcke punten voerscreven ende elck bijsonder
ick Ocke vanden Broeck voerscreven voir mij ende voer
mijn naecomelingen ende erffgenaemen gelove vast ende
stede te holden sonder argelist. Ende des tot eenen
oirkond ende eenre ewiger stedicheijt zoe heb ick
voer mij ende voer mijn naecomelingen ende erffgenamen
mijn segel an aen desen brieff doen hangen. Gegeven int
jaer ons Heeren dusent vierhondert ende negentien
op sant Peters ende sant Paulus avent der heijliger
apostelen.
AANTEKENINGEN:
Ende was bezegelt met een uuijthangende
zegel van rooden wassche aen een dubbelde staerte.
m.a.h.
Ende under stundt geschreven: gecollationiert iegens syne
principale geschreven in francijn bezegelt als boven berustende under die Chartres vande Graefflicheit van Holland
is daermede bevonden taccordieren upten XXIIIsten Novembris
XVc vier ende tnegentich bij mij alss Registermeester vanden leenhove der voerscreven Graefflickheit van Hollandt mitzgaders
by mij Joseph van Maerhout notario publico by den hove van
Hollandt geadmittiert ende klerck vanden gryphyr van den voerscreven
leenhove. leger stundt: Jan vander Doess ende van Noert
wijck, J.Meerhout Notarius met fijn streken.
Gecollationiert tegens sekere copie
woe voerscreven geautentiziert ende is daer mit
bevonden te accordieren by mij
Johannes Genni? per manum propriam
subscripsit.
Emeden in Oestvrieslandt hoestlinge [sic] make kont
allen luden dat ick voer mij ende mijn naecomelingen ende erffgenamen bij rade ende guetduncken mijnre
vriende om nutticheijt ende orbaer mijnre lande, lude ende
undersaten mitten eerweerdigen in Godt vader ende heer
heeren Frederick van Blanckenhem bijder genaden
Goodts bisschop tot Utrecht mijnen genedigen lieven
heere om mit hem ende mit sijnen naekomelingen bisschopen
to Utrecht ende mit synen landen, luden, steden ende
undersaten ende sunderlinge mit synen lande van
Drenthe ende sijnre stadt van Gronningen
daerin gelegen in meerre vrientschappen ende
vreeden te staen ende te blijven een vriendelike
dedinge ende overdracht gemaket ende gesloten
hebbe in allen vorwerden ende manieren als hijr nae
beschreven staet: Inden eersten soe en sal ick noch
mijn erffgenamen ende naecomelingen -den voerscreven mynen genedigen heer noch syn nakomelingen- bisschopen
to Utrecht in zijnen heerlicheiden, landen ende
luden soe als he die huden op desen dach van Goidts
genaden heeft ende besitt ende sunderlinge inder vrient-
schap ende huldinge die he mit sijnre stadt van
Groeningen die hem nu als se doch van recht schuldich waeren gehuldet ende hem tot hoeren rechten
lantshere ontfangen heeft ende in der vrientschap
ende overdracht die he mitten lande Ommelande
als Hunsinge ende Fivelgelande, Hummerse, Langewolt
ende Fredewolt gemaket heeft niet hinderlick
wesen. Item, soe zal ick ende myn naecomelingen ende
erffgenamen dat alsoe besorgen nae unsen vermogen
dat mijnen genedigen heer van Utrecht ende zijnen
nacomelingen bisschopen to Utrecht ende zijnen landen
luden, steden ende undersaten gheen schade en geschie
in mijnen lande noch doer mijnen lande. Ende weert
dat ijemant mijnen heer off sijnen nacomelingen off
undersaten voerscreven schade dede in mijnen lande -off doer mynen landen- dat sullen
ick ende mijn nacomelingen ende erffgenamen keren
ende berichten nae unsen vermogen off dat unsen undersaten geschieden ende angecomen weer. Ende weert dat
eenich gebreck aen eenijger zijden geschiede, dat Godt
verbieden moet dat salmen doen berichten nae rechten
zeeden ende gewoenten der lande daer dat geschiede
alsmen dat in voertijden voer datum des brieffs plach te
berichten dese punten nochtant in hoere vulre macht
te blyven. Welcke punten voerscreven ende elck bijsonder
ick Ocke vanden Broeck voerscreven voir mij ende voer
mijn naecomelingen ende erffgenaemen gelove vast ende
stede te holden sonder argelist. Ende des tot eenen
oirkond ende eenre ewiger stedicheijt zoe heb ick
voer mij ende voer mijn naecomelingen ende erffgenamen
mijn segel an aen desen brieff doen hangen. Gegeven int
jaer ons Heeren dusent vierhondert ende negentien
op sant Peters ende sant Paulus avent der heijliger
apostelen.
AANTEKENINGEN:
Ende was bezegelt met een uuijthangende
zegel van rooden wassche aen een dubbelde staerte.
m.a.h.
Ende under stundt geschreven: gecollationiert iegens syne
principale geschreven in francijn bezegelt als boven berustende under die Chartres vande Graefflicheit van Holland
is daermede bevonden taccordieren upten XXIIIsten Novembris
XVc vier ende tnegentich bij mij alss Registermeester vanden leenhove der voerscreven Graefflickheit van Hollandt mitzgaders
by mij Joseph van Maerhout notario publico by den hove van
Hollandt geadmittiert ende klerck vanden gryphyr van den voerscreven
leenhove. leger stundt: Jan vander Doess ende van Noert
wijck, J.Meerhout Notarius met fijn streken.
Gecollationiert tegens sekere copie
woe voerscreven geautentiziert ende is daer mit
bevonden te accordieren by mij
Johannes Genni? per manum propriam
subscripsit.
x
| Archief | Groninger Archieven |
|---|---|
| Fonds | Omm. arch. |
| Toegangsnummer | 2 |
| Inventarisnr. | 0758 |
| Fol.nr. | fol. 290r |
| Regestnr. | 059 |
| Register Feith | 1419.009 |
| Jaar | 1419 |
| Datumcode | vPetPau |