| Nummer:ogd0020 | Datum:29 dec. 1040 | Overlevering:Editie | Vindplaats:Oorkondenboek Groningen en Drenthe, nr. 20 |
Hermannus, bisschop van Münster, verklaart, dat keizer Hendrik III tienden in Friesland schenkt aan het klooster Ueberwasser of St. Maria te Münster.
In nomine sancte et individue Trinitatis. Nota sint omnibus fidelibus tam presentibus quam futuris ea, que in his intitulavimus litteris.
Sicut imperatoria dignitas omnes in hoc mundo antecedit honores cum magna virtutum excellentia, ita nimirum necesse est ipsius gesta cum maxima
observari diligentia, ut non sit quisquam ubivis gentium, qui ulla presumptuosa temeritate audeat regale infringere sacramentum. Herimannus
igitur, venerande memorie Mimigardefordensis episcopus, peracta edificatione templi in honore videlicet sancte et perpetue virginis Marie ad
dedicationem ipsius ecclesie domnum suum Heinricum piissimum ac invictissimum imperatorem invitavit et reverentissima, ut talem decuit virum,
accuratione cum multorum episcoporum necnon et principum nobilium comitatu sustentavit. Sed predictus imperator ob promerendam Dei omnipotentis
sueque sacratissime matris gratiam, consentiente et collaudante regni sui principatu, eandem ecclesiam nobilissimo dotavit munere, eo scilicet,
ut decima, que in Frisia dari debet ex debito, quod regium dicitur, eidem ecclesie pro sui memoria annuatim fideli persolvatur amministratione.
Unde quidem sanctorum patrum verissima diffinitum est auctoritate hunc fuisse reum majestatis illius summi et eterni imperatoris, quicunque
hujusmodi largitionem irritam fecerit vel aliquid ab ea injuste subtraxerit, ipsumque indissolubili obligari examinatione, nisi digna resipuerit
emendatione. Acta vero est hec consecratio et traditio anno Dominice incarnationis millesimo XLI, indictione VIIII, IIII Kalendas Januarii,
regnante Domino nostro Jhesu Christo, cui laus et gloria per cuncta secula. Amen.
Sicut imperatoria dignitas omnes in hoc mundo antecedit honores cum magna virtutum excellentia, ita nimirum necesse est ipsius gesta cum maxima
observari diligentia, ut non sit quisquam ubivis gentium, qui ulla presumptuosa temeritate audeat regale infringere sacramentum. Herimannus
igitur, venerande memorie Mimigardefordensis episcopus, peracta edificatione templi in honore videlicet sancte et perpetue virginis Marie ad
dedicationem ipsius ecclesie domnum suum Heinricum piissimum ac invictissimum imperatorem invitavit et reverentissima, ut talem decuit virum,
accuratione cum multorum episcoporum necnon et principum nobilium comitatu sustentavit. Sed predictus imperator ob promerendam Dei omnipotentis
sueque sacratissime matris gratiam, consentiente et collaudante regni sui principatu, eandem ecclesiam nobilissimo dotavit munere, eo scilicet,
ut decima, que in Frisia dari debet ex debito, quod regium dicitur, eidem ecclesie pro sui memoria annuatim fideli persolvatur amministratione.
Unde quidem sanctorum patrum verissima diffinitum est auctoritate hunc fuisse reum majestatis illius summi et eterni imperatoris, quicunque
hujusmodi largitionem irritam fecerit vel aliquid ab ea injuste subtraxerit, ipsumque indissolubili obligari examinatione, nisi digna resipuerit
emendatione. Acta vero est hec consecratio et traditio anno Dominice incarnationis millesimo XLI, indictione VIIII, IIII Kalendas Januarii,
regnante Domino nostro Jhesu Christo, cui laus et gloria per cuncta secula. Amen.
x
| Fonds | Oorkondenboek Groningen en Drenthe |
|---|---|
| Nr | 20 |
| Olim | Naar de originele bevestigtng (zie noot a), hoog 30, breed 38 1/2 cm in het Staatsarchiv te Münster (Urkunden-Archiv,, Kloster Ueberwasser, no. 2). Gedrukt bij Wilmans, Die Kaiserurkunden der Provinz Westfalen II, S. 250. Ook gedrukt bij Niesert, Münst. Urk., S. 320 en Erhard, Codex diplomaticus hist. Westf. I, no. 136. |
| Jaar | 1040 |
| Datumcode | 4KalJan |