| Nummer:ogd0119 | Datum:maart 1253 | Overlevering:Editie | Vindplaats:Oorkondenboek Groningen en Drenthe, nr. 119 |
Henricus, bisschop van Utrecht, geeft op verzoek van abdis en convent van Marienkamp bij Coevorden verlof dit convent naar Balderhaar en Sibculo over te brengen.
Henricus, Dei gratia Trajectensis episcopus, omnibus praesens scriptum inspecturis salutem in Domino sempiternam. Accedentes ad praesentiam
nostram abbatissa conventus sanctae Mariae de Campe juxta Covorde Cisterciensis ordinis in Christo dilecti et devoti nobis de statu paupertatis
sui monasterii seriatim et efficaciter exposuerunt, inter caetera dolenter conquerentes et referentes, quod propter agrorum suorum paucitatem et
nimiam sterilitatem necnon aquarum frequentem inundantiam in eodem loco de manuum suarum laboribus nullatenus commode valeant sustentari,
propter quod super eorum necessitatibus nostrae providentiae consilio in hac parte sibi misericorditer subveniri supplicarunt, postulantes
humiliter et devote, quatenus ipsis ob eorum necessitates et angustias evidentes conventum loci supradicti ad loca, quae dicuntur Berlehare et
Sebekeloe, transferendi licentiam concedere dignaremur, sperantes ibidem tam sanctam et Deo dilectam congregationem fortuna pinguiori debere
salubrius in posterum pullulare. Nos vero, divini nominis cultum semper augere cupientes, piis et justis precibus abbatissae et conventus
praedictorum inclinati, in locis nominatis ab eisdem optatis et quam plurimum desideratis aedificandi monasterium in omnibus suis officinis
monasterio necessariis ad laudem Domini nostri Jesu Christi et honorem virginis Mariae Dei genitricis in memoriam perpetuam et salutem nostrae,
parentum nostrorum dilectissimorum Henrici comitis et Margaretae comitissae Vienensis animarum, liberam concessimus facultatem sine praejudicio
juris alieni, concedentes eisdem, ut eorum aedificium melius valeat consummari in perpetuum, decimas minutas et grossas, quae de cultura
praedictarum terrarum in futuro quibuscunque modis poterunt provenire, proviso ut ex nunc in antea in saepedicto monasterio per conventum loci
singulis ebdomadibus unus dies, quem conventus elegerit, in vigiliis et missis animarum in nostri et praelibatorum parentum nostrorum remedium
et salutis aeternitatem cum omni humilitate et devotione studiosius excolatur, abbatissam et conventum memoratos in nostram recipientes
protectionem specialem, mandantes in virtute sanctae obedientiae et per poenam excommunicationis districte praecipiendo, ne quis personas
memoratas rebus suis ecclesiasticis et mundanis, mobilibus et immobilibus, locis nominatis, decimis, pascuis et veno usque Venebrugge
circumjacentibus contra hanc nostram nostrae concessionis gratiam aliquatenus praesumat molestare. In cujus rei testimonium et robur perpetuum
praesens scriptum sigilli nostri munimine consignivimus et venerandorum praelatorum necnon dilectissimorum capitulorum Trajectensium sigillis
petivimus et fecimus roborari praesenti testimonio literarum. Actum et datum Gore anno Domini MCCLII mense Martio, praesentibus Hermanno de
Salmis, praeposito sancti Pauli Leodiensis, Johanne, Hermanno canonicis Trajectensibus, Daniele nostro capellano, Henrico de Almelo, Frederico
de Arret, Hetselo de Ockenbroke, Hermanno de Satersloo, Arnoldo de Rothem, Nicolao et Jacobo fratribus de Thya militibus et aliis pluribus.
nostram abbatissa conventus sanctae Mariae de Campe juxta Covorde Cisterciensis ordinis in Christo dilecti et devoti nobis de statu paupertatis
sui monasterii seriatim et efficaciter exposuerunt, inter caetera dolenter conquerentes et referentes, quod propter agrorum suorum paucitatem et
nimiam sterilitatem necnon aquarum frequentem inundantiam in eodem loco de manuum suarum laboribus nullatenus commode valeant sustentari,
propter quod super eorum necessitatibus nostrae providentiae consilio in hac parte sibi misericorditer subveniri supplicarunt, postulantes
humiliter et devote, quatenus ipsis ob eorum necessitates et angustias evidentes conventum loci supradicti ad loca, quae dicuntur Berlehare et
Sebekeloe, transferendi licentiam concedere dignaremur, sperantes ibidem tam sanctam et Deo dilectam congregationem fortuna pinguiori debere
salubrius in posterum pullulare. Nos vero, divini nominis cultum semper augere cupientes, piis et justis precibus abbatissae et conventus
praedictorum inclinati, in locis nominatis ab eisdem optatis et quam plurimum desideratis aedificandi monasterium in omnibus suis officinis
monasterio necessariis ad laudem Domini nostri Jesu Christi et honorem virginis Mariae Dei genitricis in memoriam perpetuam et salutem nostrae,
parentum nostrorum dilectissimorum Henrici comitis et Margaretae comitissae Vienensis animarum, liberam concessimus facultatem sine praejudicio
juris alieni, concedentes eisdem, ut eorum aedificium melius valeat consummari in perpetuum, decimas minutas et grossas, quae de cultura
praedictarum terrarum in futuro quibuscunque modis poterunt provenire, proviso ut ex nunc in antea in saepedicto monasterio per conventum loci
singulis ebdomadibus unus dies, quem conventus elegerit, in vigiliis et missis animarum in nostri et praelibatorum parentum nostrorum remedium
et salutis aeternitatem cum omni humilitate et devotione studiosius excolatur, abbatissam et conventum memoratos in nostram recipientes
protectionem specialem, mandantes in virtute sanctae obedientiae et per poenam excommunicationis districte praecipiendo, ne quis personas
memoratas rebus suis ecclesiasticis et mundanis, mobilibus et immobilibus, locis nominatis, decimis, pascuis et veno usque Venebrugge
circumjacentibus contra hanc nostram nostrae concessionis gratiam aliquatenus praesumat molestare. In cujus rei testimonium et robur perpetuum
praesens scriptum sigilli nostri munimine consignivimus et venerandorum praelatorum necnon dilectissimorum capitulorum Trajectensium sigillis
petivimus et fecimus roborari praesenti testimonio literarum. Actum et datum Gore anno Domini MCCLII mense Martio, praesentibus Hermanno de
Salmis, praeposito sancti Pauli Leodiensis, Johanne, Hermanno canonicis Trajectensibus, Daniele nostro capellano, Henrico de Almelo, Frederico
de Arret, Hetselo de Ockenbroke, Hermanno de Satersloo, Arnoldo de Rothem, Nicolao et Jacobo fratribus de Thya militibus et aliis pluribus.
x
| Fonds | Oorkondenboek Groningen en Drenthe |
|---|---|
| Nr | 119 |
| Olim | Naar J. Lindeborn, Historia episcopatus Daventriensis, 167o, p. 442, die een vidimus van 22 juli 1312 gebruikte. |
| Jaar | 1253 |
| Datumcode | --03 |