Het domkapittel te Münster bevestigt de verkoop van de goederen te Holtgast en Winsum aan het klooster der Johannieten te Steinfurt.

Nos Walramus Dei gracia prepositus, nos Brunstenus decanus totumque capitulum ecclesie Monasteriensis omnibus presentia visuris notum esse
cupimus, quod nos venditionem curtis in Holtgest et omnium prediorum et possessionum in Wintzum cum omnibus ipsorum attinentiis et translationem
juris patronatus ecclesiarum in Holtgest et in Wintzum dicte curti prediis et possessionibus annexi, factam per venerabilem dominum nostrum
Everhardum, Dei gracia Monasteriensem episcopum, viris religiosis .... commendatori sacre domus hospitalis Jherosolimitani sancti Johannis in
Stenvordia et fratribus ejusdem domus in Gemmegum et in Werfum gratam et ratam habemus et presentibus confirmamus, renunciantes super venditione
dictorum bonorum pro nobis et nostris successoribus omni exceptioni et auxilio juris, per quod effectus presentium posset impediri vel aliquo
modo irritari seu retractari. In cujus testimonium sigillum capituli nostri presentibus est appensum. Datum Monasterii anno Domini MCCLXXX
quinto, sabbato quo cantatur Karitas Dei.

x

x

Fonds	Oorkondenboek Groningen en Drenthe
Nr	169
Olim	Naar Friedländer, I, no. 36 (oub0036).
Jaar	1285
Datumcode	CarDei

x

x

Commentaar	Friedländer deelt mede, dat aan het stuk het tamelijk goed bewaarde zegel van het domkapittel hangt.

x

Materiaal	papier

x

Edities	P.J. Blok e.a., Oorkondenboek van Groningen en Drente, I (Groningen 1896), nr. 169.