| Nummer:ogd0194 | Datum:9 maart 1295 | Overlevering:Editie | Vindplaats:Oorkondenboek Groningen en Drenthe, nr. 194 |
Johannes, bisschop van Utrecht, richt het kapittel der St. Clemenskerk te Steenwijk op en benoemt tot eerste deken de priester Wigherus van Steenwijk.
Universis et singulis tam presentibus quam futuris presens scriptum visuris Joannes , Dei et apostolice sedis gratia episcopus Trajectensis,
salutem et rei subscripte cognoscere veritatem. Etsi pastoralis officii cura circa utilitatem, tranquillitatem et pacem personarum et locorum
nobis subditorum continue nos invigilare sollicitet, ad ea tamen, que cultum divinum augmentant, animarum salutem procreant et Christi fidelium
devotionem excitant, precipue et summopere nos invitat, hinc est, quod ad opidum nostrum Steenwyck et ejus incolas terramque circumjacentem
eisdem paterne dilectionis gerentes affectum et ex hoc eorum saluti gaudere volentes, deliberacione matura et consilio salubri prehabitis,
statuimus et ordinamus ac perpetuo observari volumus, quod ecclesia dicti opidi nostri in Steenwyck, cujus collatio ad nos pertinet, exnunc in
antea sit et habeatur ab omnibus collegium clericorum saecularium, ut ibidem Deo servientium augmentetur numerus et Christi fidelium devocio
augeatur, ita tamen quod provisio seu collacio canonicatuum et prebendarum necnon dignitatum personatuum et officiorum ipsius ecclesie seu
collegii non ad ipsum collegium vel personas canonicorum ejusdem sed ad nos et successores nostros, episcopos Trajectenses, qui fuerint pro
tempore, nunc et in perpetuum solum spectet. Instituimus autem et ordinamus in hac ecclesia seu collegio quoad presens numerum duodecim
canonicatuum et totidem prebendarum, decanatum, custodiam et scolastriam, unientes exnunc ipsi decanatui perpetuo ecclesiam de Ijzelhamme, cujus
collacio similiter ad nos spectat, ita videlicet quod dominus Wigherus de Steenwick, presbiter, quem nunc decanum dicte ecclesie seu collegii in
Steenwyck creamus, et ejus successores decani, qui erunt pro tempore, in ipsa ecclesia de Steenwick residentiam personalem faciant et ecclesiam
de IJzelhamme praedictam per idoneum vicarium et perpetuum deserviant, competenti portione eidem vicario de fructibus ipsius ecclesie assignata.
Insuper ob reverentiam et honorem beati Clementis martiris et pontificis ipsius ecclesie in Steenwyck patroni et pro remedio anime nostre
conferimus et donamus nunc inantea eidem ecclesie in Steenwyck et canonicis in eadem deservientibus decimas novalium in parrochia de Steenwyck
presentes et futuras, item falcones de tribus ecclesiis, scilicet Beylen, Vrese et Anlo , nobis et ecclesie Trajectensi debitos annuatim, item
mansum Pluchonis in Steenwyck integraliter cum suis attinentiis habendum et possidendum perpetuo, pacifice et quiete. Item volumus et ordinamus,
quod domus seu aree, circa ecclesiam in Steenwyck predictam site, quas canonici ejusdem ecclesie pro eorum habita-cione emerint seu
acquisierint, sint libere et quite a censu seu redditu, si quem nobis et ecclesie nostre debent. Preterea, ut eo melius et citius dicta ecclesia
in structura et redditibus sumat augmentum, adicimus, ordinamus et volumus, quod fructus prebendarum canonicorum decedentium in eadem ecclesia
primo anno obitus cedant ipsis defunctis pro solutione debitorum et legatis eorum, per alios autem duos annos continues et immediate sequentes
cedant iidem fructus ecclesie ad structuram et ornamenta seu redditus perpetuos acquirendos. Item volumus et quod ejusdem ecclesie canonici
presentes et futuri in eadem ecclesia residentiam personalem faciant, alias de fructibus et redditibus prebendarum suarum nihil omnino
percipiant sed ipsi ecclesie cedant in augmentum reddituum, quamdiu iidem canonici fuerint absentes, nisi forsitan causa necessitatis et de
nostra licentia abessent ad tempus. In quorum omnium testimonium et certitudinem perpetuam presentes litteras conscribi fecimus et ex certa
scientia nostro sigillo duximus roborandas. Datum et actum in Vollenhoe castro nostro feria quarta ante Dominicam, qua cantatur Letare
Jherusalem, anno Domini MCC nonagesimo quinto.
salutem et rei subscripte cognoscere veritatem. Etsi pastoralis officii cura circa utilitatem, tranquillitatem et pacem personarum et locorum
nobis subditorum continue nos invigilare sollicitet, ad ea tamen, que cultum divinum augmentant, animarum salutem procreant et Christi fidelium
devotionem excitant, precipue et summopere nos invitat, hinc est, quod ad opidum nostrum Steenwyck et ejus incolas terramque circumjacentem
eisdem paterne dilectionis gerentes affectum et ex hoc eorum saluti gaudere volentes, deliberacione matura et consilio salubri prehabitis,
statuimus et ordinamus ac perpetuo observari volumus, quod ecclesia dicti opidi nostri in Steenwyck, cujus collatio ad nos pertinet, exnunc in
antea sit et habeatur ab omnibus collegium clericorum saecularium, ut ibidem Deo servientium augmentetur numerus et Christi fidelium devocio
augeatur, ita tamen quod provisio seu collacio canonicatuum et prebendarum necnon dignitatum personatuum et officiorum ipsius ecclesie seu
collegii non ad ipsum collegium vel personas canonicorum ejusdem sed ad nos et successores nostros, episcopos Trajectenses, qui fuerint pro
tempore, nunc et in perpetuum solum spectet. Instituimus autem et ordinamus in hac ecclesia seu collegio quoad presens numerum duodecim
canonicatuum et totidem prebendarum, decanatum, custodiam et scolastriam, unientes exnunc ipsi decanatui perpetuo ecclesiam de Ijzelhamme, cujus
collacio similiter ad nos spectat, ita videlicet quod dominus Wigherus de Steenwick, presbiter, quem nunc decanum dicte ecclesie seu collegii in
Steenwyck creamus, et ejus successores decani, qui erunt pro tempore, in ipsa ecclesia de Steenwick residentiam personalem faciant et ecclesiam
de IJzelhamme praedictam per idoneum vicarium et perpetuum deserviant, competenti portione eidem vicario de fructibus ipsius ecclesie assignata.
Insuper ob reverentiam et honorem beati Clementis martiris et pontificis ipsius ecclesie in Steenwyck patroni et pro remedio anime nostre
conferimus et donamus nunc inantea eidem ecclesie in Steenwyck et canonicis in eadem deservientibus decimas novalium in parrochia de Steenwyck
presentes et futuras, item falcones de tribus ecclesiis, scilicet Beylen, Vrese et Anlo , nobis et ecclesie Trajectensi debitos annuatim, item
mansum Pluchonis in Steenwyck integraliter cum suis attinentiis habendum et possidendum perpetuo, pacifice et quiete. Item volumus et ordinamus,
quod domus seu aree, circa ecclesiam in Steenwyck predictam site, quas canonici ejusdem ecclesie pro eorum habita-cione emerint seu
acquisierint, sint libere et quite a censu seu redditu, si quem nobis et ecclesie nostre debent. Preterea, ut eo melius et citius dicta ecclesia
in structura et redditibus sumat augmentum, adicimus, ordinamus et volumus, quod fructus prebendarum canonicorum decedentium in eadem ecclesia
primo anno obitus cedant ipsis defunctis pro solutione debitorum et legatis eorum, per alios autem duos annos continues et immediate sequentes
cedant iidem fructus ecclesie ad structuram et ornamenta seu redditus perpetuos acquirendos. Item volumus et quod ejusdem ecclesie canonici
presentes et futuri in eadem ecclesia residentiam personalem faciant, alias de fructibus et redditibus prebendarum suarum nihil omnino
percipiant sed ipsi ecclesie cedant in augmentum reddituum, quamdiu iidem canonici fuerint absentes, nisi forsitan causa necessitatis et de
nostra licentia abessent ad tempus. In quorum omnium testimonium et certitudinem perpetuam presentes litteras conscribi fecimus et ex certa
scientia nostro sigillo duximus roborandas. Datum et actum in Vollenhoe castro nostro feria quarta ante Dominicam, qua cantatur Letare
Jherusalem, anno Domini MCC nonagesimo quinto.
x
| Fonds | Oorkondenboek Groningen en Drenthe |
|---|---|
| Nr | 194 |
| Olim | Naar het afschrift in het Registrum bon. Steenwick, fol. 1. |
| Jaar | 1295 |
| Datumcode | EaLetare |