| Nummer:ogd0235 | Datum:17 febr. 1311 | Overlevering:Editie | Vindplaats:Oorkondenboek Groningen en Drenthe, nr. 235 |
Ghie, bisschop van Utrecht, doet nadere uitspraak in de twist tussen Ludolf van Selwerd en zijn partij en de Westerpartij.
Wi . . Ghie, bi der ghenaden Goits bisscop toit Utert, maken kont allen lieden, dat dit onse verclaringhe is van der settinghe, die is tvisken
haren Ludolf van Zelewarde, des kints monbaer van Groningen, ende sine partie op die iene zide ende die Westerpartie op die ander zide, alse van
acht ende testich marken ende vier scillinge brunre enghels, die die Westerpartie betaelt soude hebben des anders Sonendages na Onser Vrouwen
Lichtmisse naestgheleden, ende om ontsegginghe ende maninghe, die der Westerpartie ghesciet was van haren Ludolfs helper, van doeden, wonden
ende scaden, die haer Ludolf stillet zoude hebben ende stillen ende zaten sal, dat haer Ludolf ende zine partie des Sonendages voir Midvasten
ofte daerbevoren, wilke tyt hi wil ende mach, setten sal in onse hant te Deventer, zijn wi daer, ende en zien wi daer niet, in haren Gerts hant
Heynx, des persoenres van Groninghen, zes goede borghen, die loeven ende zekeren sullen in goeden trouwen, waer dat haer Ludolf ende zine partie
niet stilleden ende si settenden alle hare helpers van doeden, wonden ende scaden, die ghesciet zijn in haren orloghe onder scilde tvisken hijr
ende sente Martijnsmisse, die coemt in den winter. Ofte sciede hierentvisken der Westerpartie oft der mente van Groninghen eneghe pandinghe oft
enich scade daerof, dat sel haer Ludolf ende zine partie ofdoen te seggene haren Wichgheers van Vreiske ende des dekens van Drenthe. Ende en
ghesciede des niet, dat haer Ludolf ende zine partie niet en daden, so zouden haren Ludolfs borghen incomen te Deventer toit onser maninghe oft
toit ons ghewarden boden binnen acht daghe na dien, dat si ghemaent werden te legghene daer ende te leisten, ende niet daer te sceiden, haer
Ludolf ende zine partie en hadden verbetert ende vervollet alle dat ghebrecht, dat an haren Ludolf ende zine partie is, te segghene haren
Wijchgers, als hijrvoir ghescreven staet. Ende des ghelikes hevet ons die Westerpartie zes borghen gheset te stillen ende te zaten alle hare
helpers van doeden, wonden ende scaden onder scilde, in alre manieren als hijrvoir ghescreven staet. Ende dese zijn borghen bi namen: haer
Steven van Routenberg, haer Reineer die Ridder, Henric van Wise, Engbert van Steenre, Harman Polleman ende Gert Sicking, met zamender hant. Ende
set haer Ludolf ende zine partie die borghen, als hijrvoir ghescreven is, so sel him die Westerpartie betalen LXVIII marc ende IIII scillinge
brunre enghels binnen acht dage na dien daghe, dat haer Ludolf betoghen mach ende betoghet met onsen openen letteren oft haren Gerts Heynx, des
personres van Groninghen, dat hi borghen gheset hevet, also als hijrvoir ghescreven staet. Ende en set haer Ludolf ende zine partie dese borghen
niet, also als hijrvoir ghescreven staet, so sel die Westerpartie dat ghelt onderhouden toit der tijt, dat hys beraden si, dat hyt doe. Ende
boven dat so sellen wine manen bi zinen eede ende bi den banne, also als hi ghesuoren ende ghelovet hevet, doe wi onse zoene eerst zeiden, dat
hi die zoene leeste, also als wi se gheseghet hebben. Ende dese ses borghen voirnoemt, alse haer Steven van Routenbergh ende zine vijf
medeborghen, die die Westerpartie gheset hevet, die scelden wi boven dat quite, want wi niene willen die iene partie meer verbonden hebben dan
die ander. Ende op dese voirwarde te vervolghen so hebben wi haren Ludolfs borghen ende zine partie verste ghegheven toit des Sonendages toe na
Midvasten van leggen ende van leesten alse voir LXVIII marc ende IIII scillinge brunre enghels, die ons haer Ludolf betaelt zoude hebben des
anders Sonendages na Lichtmisse naestgheleden in deser manieren. En betaelt men ons dat voirseide ghelt niet voir den Sonendach na Midvasten,
dat haren Ludolfs borghen incomen sullen te Deventer, also als si ons ghesekert hebben, deszelves Sonendages na Midvasten onghemaent. Ende dat
is bevoirwaert, dat dese voirnoemde borghen ende haren Ludolfs borghen, die hi setten sal, ellic enen man voir him leggen mach in zine stat.
Ende dit is al ghesproken in goeden houwen ende zonder alrehande argheit vol te varen ende te doene. Ghegheven anno Domini MCCCXI des
Dijnsdaghes na sente Valentijnsdage.
haren Ludolf van Zelewarde, des kints monbaer van Groningen, ende sine partie op die iene zide ende die Westerpartie op die ander zide, alse van
acht ende testich marken ende vier scillinge brunre enghels, die die Westerpartie betaelt soude hebben des anders Sonendages na Onser Vrouwen
Lichtmisse naestgheleden, ende om ontsegginghe ende maninghe, die der Westerpartie ghesciet was van haren Ludolfs helper, van doeden, wonden
ende scaden, die haer Ludolf stillet zoude hebben ende stillen ende zaten sal, dat haer Ludolf ende zine partie des Sonendages voir Midvasten
ofte daerbevoren, wilke tyt hi wil ende mach, setten sal in onse hant te Deventer, zijn wi daer, ende en zien wi daer niet, in haren Gerts hant
Heynx, des persoenres van Groninghen, zes goede borghen, die loeven ende zekeren sullen in goeden trouwen, waer dat haer Ludolf ende zine partie
niet stilleden ende si settenden alle hare helpers van doeden, wonden ende scaden, die ghesciet zijn in haren orloghe onder scilde tvisken hijr
ende sente Martijnsmisse, die coemt in den winter. Ofte sciede hierentvisken der Westerpartie oft der mente van Groninghen eneghe pandinghe oft
enich scade daerof, dat sel haer Ludolf ende zine partie ofdoen te seggene haren Wichgheers van Vreiske ende des dekens van Drenthe. Ende en
ghesciede des niet, dat haer Ludolf ende zine partie niet en daden, so zouden haren Ludolfs borghen incomen te Deventer toit onser maninghe oft
toit ons ghewarden boden binnen acht daghe na dien, dat si ghemaent werden te legghene daer ende te leisten, ende niet daer te sceiden, haer
Ludolf ende zine partie en hadden verbetert ende vervollet alle dat ghebrecht, dat an haren Ludolf ende zine partie is, te segghene haren
Wijchgers, als hijrvoir ghescreven staet. Ende des ghelikes hevet ons die Westerpartie zes borghen gheset te stillen ende te zaten alle hare
helpers van doeden, wonden ende scaden onder scilde, in alre manieren als hijrvoir ghescreven staet. Ende dese zijn borghen bi namen: haer
Steven van Routenberg, haer Reineer die Ridder, Henric van Wise, Engbert van Steenre, Harman Polleman ende Gert Sicking, met zamender hant. Ende
set haer Ludolf ende zine partie die borghen, als hijrvoir ghescreven is, so sel him die Westerpartie betalen LXVIII marc ende IIII scillinge
brunre enghels binnen acht dage na dien daghe, dat haer Ludolf betoghen mach ende betoghet met onsen openen letteren oft haren Gerts Heynx, des
personres van Groninghen, dat hi borghen gheset hevet, also als hijrvoir ghescreven staet. Ende en set haer Ludolf ende zine partie dese borghen
niet, also als hijrvoir ghescreven staet, so sel die Westerpartie dat ghelt onderhouden toit der tijt, dat hys beraden si, dat hyt doe. Ende
boven dat so sellen wine manen bi zinen eede ende bi den banne, also als hi ghesuoren ende ghelovet hevet, doe wi onse zoene eerst zeiden, dat
hi die zoene leeste, also als wi se gheseghet hebben. Ende dese ses borghen voirnoemt, alse haer Steven van Routenbergh ende zine vijf
medeborghen, die die Westerpartie gheset hevet, die scelden wi boven dat quite, want wi niene willen die iene partie meer verbonden hebben dan
die ander. Ende op dese voirwarde te vervolghen so hebben wi haren Ludolfs borghen ende zine partie verste ghegheven toit des Sonendages toe na
Midvasten van leggen ende van leesten alse voir LXVIII marc ende IIII scillinge brunre enghels, die ons haer Ludolf betaelt zoude hebben des
anders Sonendages na Lichtmisse naestgheleden in deser manieren. En betaelt men ons dat voirseide ghelt niet voir den Sonendach na Midvasten,
dat haren Ludolfs borghen incomen sullen te Deventer, also als si ons ghesekert hebben, deszelves Sonendages na Midvasten onghemaent. Ende dat
is bevoirwaert, dat dese voirnoemde borghen ende haren Ludolfs borghen, die hi setten sal, ellic enen man voir him leggen mach in zine stat.
Ende dit is al ghesproken in goeden houwen ende zonder alrehande argheit vol te varen ende te doene. Ghegheven anno Domini MCCCXI des
Dijnsdaghes na sente Valentijnsdage.
x
| Fonds | Oorkondenboek Groningen en Drenthe |
|---|---|
| Nr | 235 |
| Olim | Naar het Registrum Guydonis episcopi, p. 54, in het rijksarchief te Utrecht (Suppl. Inv. Utr. Prov. Arch., no. 4). |
| Jaar | 1311 |
| Datumcode | MpValent |