| Nummer:ogd0394 | Datum:20 maart 1347 | Overlevering:Editie | Vindplaats:Oorkondenboek Groningen en Drenthe, nr. 394 |
Reynoud, heer van Coevorden, verklaart met Johan van Arkel, bisschop van Utrecht, een overeenkomst te hebben aangegaan omtrent het schoutambt in Twente en het kasteel te Goor.
Allen luyden, die dezen brieff sullen sien of hoeren lesen, doe ic Reynoud here van Koevorden te weten ende bekenne openbaer mit desen
tegenwoirdighe brieve, dat ic in een ghedinghen bin mit eenen eersamen vader in Goede mynen lieven here, heeren Johan van Arckel, bisscop
tUtrecht, alsulcker voorwaerden als hierna beschreven staen. In den eersten, dat hy my bevolen heeft ende ic aengenomen hebbe sijn scoutambocht
van synen lande van Twenthe mit alle, dat den voerseyden scoutambocht toebehoort, ende sijn huus te Goer te verwaren van sijnre weghen . . .
Ende wy Reynoud, heere van Koevoerden voirsz., Heinric heere van Borcklo, Johan van Kunien , ridders, ende Johan van den Cloester, knaep ,
gheloeven ende zeeckeren mit goeden trouwen onsen lieven heere van Utrecht voirsz. . . . dat ic Reynoud voirsz. ende mine erfname gebrake mijns
mynen heere voerghenoempt . . . dit voerseyde huys te Goer ende scoutambocht van Twenthe vri ende los opleveren sullen, so wanneer dat hy of si
des begheren ende my of mynen erfnamen betaelt is alsulc ghelt ende voldaen sijn alsulcke voorwairden, als voirscreven sijn tot goeder
reeckeninge. In oerconde ende in vestenisse aller deser voerwairden ende geloften, soo hebbe wy, Reynoud heere van Coeverden, Henrich heere van
Borchlo, Johan van Kunien ende Johan van den Clooster voirsz. onse segelen aen dezen brieff ghedaen. Ghegeven int jaer ons Heeren duysent
driehondert seven ende viertich des Dijnsdaghes na sinte Geertruyden dach.
tegenwoirdighe brieve, dat ic in een ghedinghen bin mit eenen eersamen vader in Goede mynen lieven here, heeren Johan van Arckel, bisscop
tUtrecht, alsulcker voorwaerden als hierna beschreven staen. In den eersten, dat hy my bevolen heeft ende ic aengenomen hebbe sijn scoutambocht
van synen lande van Twenthe mit alle, dat den voerseyden scoutambocht toebehoort, ende sijn huus te Goer te verwaren van sijnre weghen . . .
Ende wy Reynoud, heere van Koevoerden voirsz., Heinric heere van Borcklo, Johan van Kunien , ridders, ende Johan van den Cloester, knaep ,
gheloeven ende zeeckeren mit goeden trouwen onsen lieven heere van Utrecht voirsz. . . . dat ic Reynoud voirsz. ende mine erfname gebrake mijns
mynen heere voerghenoempt . . . dit voerseyde huys te Goer ende scoutambocht van Twenthe vri ende los opleveren sullen, so wanneer dat hy of si
des begheren ende my of mynen erfnamen betaelt is alsulc ghelt ende voldaen sijn alsulcke voorwairden, als voirscreven sijn tot goeder
reeckeninge. In oerconde ende in vestenisse aller deser voerwairden ende geloften, soo hebbe wy, Reynoud heere van Coeverden, Henrich heere van
Borchlo, Johan van Kunien ende Johan van den Clooster voirsz. onse segelen aen dezen brieff ghedaen. Ghegeven int jaer ons Heeren duysent
driehondert seven ende viertich des Dijnsdaghes na sinte Geertruyden dach.
x
| Fonds | Oorkondenboek Groningen en Drenthe |
|---|---|
| Nr | 394 |
| Olim | Naar een afschrift uit de eerste helft der 16de eeuw in het rijksarchief te Utrecht (Inv. bisschoppelijk archief, no. 90, fol. 671. Ook gedrukt bij Matthaeus ad Anonymum, p. 87; Van Idsinga, Staatsrecht, I, blz. 415 vlg. |
| Jaar | 1347 |
| Datumcode | MpGertru |