Tadeko, pastoor te Uithuizen, en Yptatus, pastoor te Uithuizermeeden, doen als scheidsrechters uitspraak in de twisten tussen het klooster te Rottum en de bewoners van Uithuizen over rechten op het eiland Rottummeroog.

Universis Christi fidelibus presentia visuris seu audituris, quorum interest vel interesse poterit de infrascriptis,
ecclesiarum rectores Tadeko de Uthusum, Yptatus de Pratis ejusdem, arbitri in causa, quam movent et dudum moverunt religiosus vir et
venerabilis dominus abbas ordinis sancti Benedicti in Rotthum suusque conventus ibidem civibus communitatis consulatus Uthusum super articulis
infra annotatis, salutem et rei geste cognoscere veritatem. Suborta discutio est infra partes supradictas super bonis inventis et inveniendis in
insula, que vulgariter dicitur Ach , cui jam dicta cedere debeant, item ex eo de fructibus crescentibus vulgariter dictis helm in locis
nominatis duna, item super nutrimentis jumentorum dictorum civium ad dictam insulam vehectorum pro pastu eorundem, quantum sit dandum pro
nutrimentis dictorum animalium et in cujus periculo existere jam debeant tempore jam dicto. Nos vero Dei nomine invocato consilio discretorum
habito sententiando pronunciamus de primo articulo, quod quicquid invenitur in insula supradicta vel in litore ejusdem, cedet jure suo primitus
occupanti, relinquentes conscientiis partium predictarum, ut sic faciant et disponant secundum arbitrium sui confessoris, sicuti noverint suis
animabus et eorum, qui premissa bona amiserunt et perdiderunt, salubrius expedire, salva proprietate heredibus mortuorum seu ipsis naufragis, si
superstites fuerint. De secundo articulo eodem modo diffinimus, quod cives habentes predia in consulatu supradicto licite poterint abscindere
supradictum fructum, sed contradicimus nullatenus evellere sed quod abscisum fuerit ad propria deportare. De tercio vero articulo sententiando
diffinimus, quod jumentum unius anni a festo Waldburgis ad Exaltationem sancte Crucis et interim debet pasci pro tribus stuphe[ris] coronatis;
si vero fuerit duorum annorum, pro quatuor denariis jam predictis. Periculum vero predictorum animalium a termino predicto usque ad terminum
prefatum maneat sepedicti abbatis et conventus secundum consuetudinem terre Hunsgonie actenus observatam et ulterius observandam, adjudicantes
omnem proprietatem et possessionem sepedicte insule, preter partem bonorum domini abbatis Premonstratensis ordinis in Merna et sui conventus,
monasterio sancte Juliane in Rotthum perpetuo jure possidendam, prefatis civibus perpetuum silentium imponentes. Si quis autem hanc paginam in
toto vel in aliqua sui parte viciaverit vel ausu temerario infringere presumpserit, penam viginti marcarum sterlingorum Osnaburgensium, sicut in
arbitrio extitit convallatum, se noverit incursurum. Si tunc deinceps altercaverint partes supradicte, per venerabiles dominum abbatem in
Rotthum diffinientur ecclesiarumque rectores in Uthusum et partis ejusdem, quicquid fuerit discentionis inter eos, ita tamen quod sententia non
viget, nisi omnes concordaverint in eandem. In cujus rei testimonium sigilla predictorum dominorum Wygkonis abbatis in Rotthum, Tathekonis
curati in Uthusum, Yptati in Pratis ejusdem, necnon termini nostri Asteromth et totius terre Hunsgonie presentibus sunt appensa. Datum anno
millesimo CCC quinquagesimo quarto, ipso die Annuntiationis beate et gloriose semper Virginis Marie.

x

x

Fonds	Oorkondenboek Groningen en Drenthe
Nr	429
Olim	Naar eene 16de eeuwsch afschrift in het rijksarchief te Groningen (Reg. 1354, no. 4).
Jaar	1354
Datumcode	AnnMar

x

x

x

Materiaal	papier

x

Edities	P.J. Blok e.a., Oorkondenboek van Groningen en Drente, I (Groningen 1896), nr. 429.