| Nummer:ogd0470 | Datum:1 mei 1359 | Overlevering:Editie | Vindplaats:Oorkondenboek Groningen en Drenthe, nr. 470 |
Reynalt, heer van Coevorden, Jacob van Sleen, deken van Drenthe, en Aelf, pastoor van Rolde, verklaren, dat Roelf en Bole Altinghe en diens kinderen de halve hof te Anloo ander zekere voorwaarden in meierrecht hebben ontvangen van de Bisschop van Utrecht.
Wy, . . Reynalt heer van Covorde, . . Jacob van Sleen, deken van Drenthe, ende . . Aelf, kerchere van Roelde, maken cond allen luden,
die desen. brief zullen siin of horen lesen, dat ons witliic ende condiich is, dat . . Roelf Altinghe, . . Bole Altinghe, . . Johan ende . .
Barolt, Bolen kijnderen, voerscreven ende hore rechte erfghenamen hebben in meygers rechte ontfangen ende anghenomen vermiddes hande heren . . Berendes Heyinc, scolasters toe Deventer, amptmans ons heren van Utrecht in den lande van Drenthe van ons heren weghen van Utrecht voerseyt, den halven hof tot Anloe, ghelegen in den kerspel van Anlo, dien . . Egbert Herwerdingh van onsen heren van Utrecht plach te hebben ende sine voervaren, tot twijntiich jaren toe nae date des briefs dienzelve hof te bouwen buerghelike, jaerlixs hem daervan te gheven viertiich garven van der vijmmen van al den zade, dat sy daer verbouwet, hem dat jaerlixs te bitalen ende te leveren te Groenynghen ofte binnen die pale van Drenthe. Voert sint vorwarde, dat . . Roelf, . . Bole, . . Johan, . . Barolt ende hore erfghenamen voerseyt zullen brukende wesen binnen denzelven jaeren voerseyt eenre waere van dorderhalver waere, die horende siin tot den halven have tot Anlo voerseyt. Ende voert van der anderhalver ware zullen sy hebben bast ende toeghere van den bomen, behaeldeliic onsen heren van Utrecht dat verval van den akeren ende die zelfboemte. Voert sint vorwarde, wert zake dat sy dat zaet, dat comen mochte van den gharven als van den halven have tot Anlo voerseyt, tieghen onsen heren van Utrecht ofte sinen amptluden voerscreven verdingden omme ene summe van zade ende hem dan in der tijd der betalinghen drie, vier ofte viif modde zaeds ende niet hogher ontbrake, die mochten sy tot den anderen jare naestcomende mit nyen zade betalen sonder argheliist. Voert waert dat des noet dede in den lande, dat men waken zoelde tot des ghemeynes landes behoef van des halven haves wegen voerscreven, daer zoelde ons here van Utrecht voerseyt sine meygheren voerseyt in te hulpe comen, ghelike dat die ghemiene lude, die gheguet sijt in den lande van Drenthe, horen meygheren van rechte doet. Voert soe hebben sy hem verbonden, dat sy alle jare zullen tve vymen dakes legghen to des hoefs behoef vorseyt, waer hys best te doene heeft. Voert soe zullen sy hoelden over tander jaer van der helfte van den have, die sy onder hebben, enen vaer ende enen beer, alst hiertoe woenliic heeft ghewest. Hier weren over ende an beschiedene lude, her . . Dyderiic, een vicarius tot Roelde, . . Roelf Assinghe, costere van Anlo, . . Clawes Hovinghe, . . Sweder Campinghe ende anders vele goeder lude. In oerconde des briefs hebbe wy omme bede willen . . Roelfs, Bolen, Johans ende Barolds vorscreven onse zeghele an desen brief ghehangen. Gegeven int jaer ons Heren dusent driehondert neghen ende vieftiich op dach sente . . Jacobs ende Phylips der apostelen.
die desen. brief zullen siin of horen lesen, dat ons witliic ende condiich is, dat . . Roelf Altinghe, . . Bole Altinghe, . . Johan ende . .
Barolt, Bolen kijnderen, voerscreven ende hore rechte erfghenamen hebben in meygers rechte ontfangen ende anghenomen vermiddes hande heren . . Berendes Heyinc, scolasters toe Deventer, amptmans ons heren van Utrecht in den lande van Drenthe van ons heren weghen van Utrecht voerseyt, den halven hof tot Anloe, ghelegen in den kerspel van Anlo, dien . . Egbert Herwerdingh van onsen heren van Utrecht plach te hebben ende sine voervaren, tot twijntiich jaren toe nae date des briefs dienzelve hof te bouwen buerghelike, jaerlixs hem daervan te gheven viertiich garven van der vijmmen van al den zade, dat sy daer verbouwet, hem dat jaerlixs te bitalen ende te leveren te Groenynghen ofte binnen die pale van Drenthe. Voert sint vorwarde, dat . . Roelf, . . Bole, . . Johan, . . Barolt ende hore erfghenamen voerseyt zullen brukende wesen binnen denzelven jaeren voerseyt eenre waere van dorderhalver waere, die horende siin tot den halven have tot Anlo voerseyt. Ende voert van der anderhalver ware zullen sy hebben bast ende toeghere van den bomen, behaeldeliic onsen heren van Utrecht dat verval van den akeren ende die zelfboemte. Voert sint vorwarde, wert zake dat sy dat zaet, dat comen mochte van den gharven als van den halven have tot Anlo voerseyt, tieghen onsen heren van Utrecht ofte sinen amptluden voerscreven verdingden omme ene summe van zade ende hem dan in der tijd der betalinghen drie, vier ofte viif modde zaeds ende niet hogher ontbrake, die mochten sy tot den anderen jare naestcomende mit nyen zade betalen sonder argheliist. Voert waert dat des noet dede in den lande, dat men waken zoelde tot des ghemeynes landes behoef van des halven haves wegen voerscreven, daer zoelde ons here van Utrecht voerseyt sine meygheren voerseyt in te hulpe comen, ghelike dat die ghemiene lude, die gheguet sijt in den lande van Drenthe, horen meygheren van rechte doet. Voert soe hebben sy hem verbonden, dat sy alle jare zullen tve vymen dakes legghen to des hoefs behoef vorseyt, waer hys best te doene heeft. Voert soe zullen sy hoelden over tander jaer van der helfte van den have, die sy onder hebben, enen vaer ende enen beer, alst hiertoe woenliic heeft ghewest. Hier weren over ende an beschiedene lude, her . . Dyderiic, een vicarius tot Roelde, . . Roelf Assinghe, costere van Anlo, . . Clawes Hovinghe, . . Sweder Campinghe ende anders vele goeder lude. In oerconde des briefs hebbe wy omme bede willen . . Roelfs, Bolen, Johans ende Barolds vorscreven onse zeghele an desen brief ghehangen. Gegeven int jaer ons Heren dusent driehondert neghen ende vieftiich op dach sente . . Jacobs ende Phylips der apostelen.
x
| Fonds | Oorkondenboek Groningen en Drenthe |
|---|---|
| Nr | 470 |
| Olim | Naar het origineel in het rijksarchief te Utrecht (Charters van den Dom, 1e afd., no. 458), hoog 22, breed 33 cm. |
| Jaar | 1359 |
| Datumcode | PhiJac |
x
| Commentaar | Aan het stuk hangen drie zegels in groene was: 1. rond, vertoonende in een cirkel een schild met aanzienden helm en helmteeken op een a jour gewerkt vlak; op het schild 3 arenden, waarop in het midden een sleutel met den baard naar beneden; helmteeken een blokje; randschrift: S' RENOLDI DNI DE . . . 2. gebroken, rond, vertoonende in een cirkel een kromstaf, geflankeerd door 2 bloemen (3 en 5 bladerig); randschrift: S' DECANATVS DRENTHIE. 3. rond, vertoonende in een cirkel 3 arenden, waarop in het midden A; randschrift: . . . DOLFI DE ANSEN. |
|---|