Arnoldus de Hoesden, notarius te Utrecht, verklaart, dat de ingezetenen van Loon hebben verklaard de aan de proostdij en het kapittel van St. Pieter toekomende tienden over hun erven in erfpacht te hebben genomen onder de verplichtingen, uitgedrukt in de daarvan vervaardigde brieven, en maakt daarvan een acte op.

In Dei nomine amen. Noverint universi tam posteri quam presentes presens publicum instrumentum seu presentes litteras inspecturi, quod in
venerabilium et discretorum virorum domini Adulphi, curati ecclesie in Rotlo, ac mei notarii publici subscripti et testium infrascriptorum
presentia
personaliter constitutis discreto viro domino Egberto van den Ghore, alias dicto van Steenwyc, rectori ecclesie in Westerhessleen, reddituario
et procuratore venerabilium virorum dominorum Suederi Uter Loe, prepositi, necnon Roberti, decani et totius capituli ecclesie sancti Petri
Trajectensis, nomine procurato
rio pro eisdem et dicta eorum ecclesia parte ex una, necnon domicelle Femie de Deutinchuus et honestis viris Reynero de Osebrinchuus, Johanni
Hont de Toltinchuus, Rodolpho Landicken de Toltinchuus, Johanni Baninch et Rodolpho Dysing de Baninchuus, Reynero de Wollinchuus, Hillegunge,
Wilhelmo Tessing, Aelberto Fokerney, Wilhelmo, Johanni et Hugoni de Zeverdinchuus, civibus in Loen, laycis partium Drenthie Trajectensis
diocesis, ex altera, dicti domicella Femia, Reynerus, Johannes Hont, Rodolphus Landicken, Johannes Baning et Rodolphus Dysing, Reynerus,
Hillegungis, Wilhelmus Tessing, Aelbertus Fokerney, Johannes et Hugo, layci, sponte, libere et scienter et non vi nec dolo inducti, et quilibet
ipsorum pro se suisque veris et legitimis heredibus successive dixerunt, confessi fuerunt et sunt et legitime recognoverunt et quilibet ipsorum
omnes et singulas decimas, in infrascriptis litteris dictorum dominorum prepositi, decani et capituli contentas et expressatas, et fructus
earundem ad eosdem, dominos et prefatam eorum ecclesiam sancti Petri Trajectensis pertinentes et spectantes, pro certis annuis pactis
seu pecuniarum summis, videlicet ipsa domicella Femia dicte domus de Deutinchuus prediorum, agrorum et possessionum ipsius pro annuo pacto
duorum et dimidio grossorum Turonensium antiquorum monete regis Francie, ipsa Femia domicella decimas dicte domus de Deutinchuus
prediorum, agrorum et possessionum earundem pro certo annuo pacto duos et dimidium grossos antiquos Turonenses eis singulis annis certo
termino, videlicet in festo beati Petri ad Cathedram, persolvendos a prefatis dominis locantibus titulo conductionis recepisse sub
modo, conditionibus, forma, conven tionibus, in ipsis litteris predictis, sigillis dictorum dominorum prepositi et capituli sigillatis,
ibidem ostensis, contentis et expressatis et contenta in dictis litteris fore vera. Quarum quidem litterarum tenores de verbo ad
verbum sunt et dinoscuntur esse tales: Volgen nos. 492, 493, 494, 495, 496, 497 en 498. Insuper dicti domicella
Femia de Deutinchuus, Reynerus de Osebrinchuus, Johannes Hont de Toltinchuus, Rodolphus Landicken de Toltinchuus,
Johannes Baninch et Rodolphus Dysing de Baninchuus, Reynerus de Wollinchuus, Hillegungis, Wilhelmus Tessing, Albertus Fokerney,
Wilhelmus, Johannes et Hugo de Zeverdinchuus confessi fuerunt et recognoverunt et quilibet ipsorum dictas decimas ad
prefatos dominos et eorum ecclesiam sancti Petri pertinere et spectare, seque easdem pro se suisque veris et legitimis heredibus pro tempore
successive, dumtaxat a dictis dominis preposito, decano et capitulo sub annuis pactis, modo, conditionibus, penis et forma in
prefatis litteris expressatis et contentis recepisse et conduxisse necnon se suosque veros et legitimos heredes post ipsos
successive prefatis dominis preposito, decano et capitulo et eorum ecclesia occasione dictarum decimarum et fructuum earundem in omnibus
pactis annuis modo, conditionibus et formis in dictis litteris contentis fore obligatos et se suosque heredes pro tempore successive in eisdem
prefato domino Egberto, procuratori dicto dominorum, procuratorio nomine pro eisdem et eorum ecclesia stipulanti et
recipienti et mihi, notario publico, tamquam persone auctentice cum eodem obligaverunt et omnia et singula in dictis litteris contenta et
expressata facere, observare et adimplere promiserunt bona fide et exceptionibus et defensionibus in prefatis litteris eciam
contentis renunciaverunt. Acta sunt hec in domo habitationis domini Adolphi, curati in Rotlo, anno Domini MCCCLX,
indictione XIII, mensis Novembris die ultima, hora vesperarum vel quasi, presentibus ibidem discretis viris domino Adolpho curato in
Rotlo, Johanne dicto Woltman et Henrico dicto Spyart, laycis, testibus ad premissa vocatis specialiter et rogatis.
In quorum eciam testimonium omnium premissorum et ad majorem roboris firmitatem ego Adolphus, curatus in Rotlo
predictus, ad preces dictarum partium sigillum meum presentibus duximus apponendum. Et ego, Arnoldus de Hoesden, clericus Trajectensis
dyocesis, publicus imperiali auctoritate notarius, quia premissis confessis recognitionibus et promissionibus ac omnibus aliis
et singulis, prout superius per me scripta sunt, posita et narrata, dum ea fierent et agerentur una cum domino Adolpho, curato in Rotlo, et
aliis testibus prenominatis, presens interfui eaque vidi et audivi et in hanc publicam formam redegi meoque signo
solito et consueto signavii, rogatus specialiter et requisitus in testimonium omnium premissorum .

x

x

Fonds	Oorkondenboek Groningen en Drenthe
Nr	500
Olim	Naar het origineel in het rijksarchief te Utrecht, (Archief van het kapittel van St. Pieter. Inv. no. 1003; reg. lijst no. 360), hoog 67, breed 64 cm.
Jaar	1360
Datumcode	3011

x

x

Commentaar	Aan het stuk hangt een rond zegel in bruine was, vertonende drie arenden in vlucht, geplaatst 2, 1 en in het midden de letter A; randschrift: S. ADOLFI DE ANSEN.

x

Materiaal	papier

x

Edities	P.J. Blok e.a., Oorkondenboek van Groningen en Drente, I (Groningen 1896), nr. 500.