Johannes, abt van Dikninge, verklaart voor zich en voor het klooster van alle aanspraken op Johannes, heer van Ruinen, af te zien.

Universis Christi fidelibus praesentia visuris seu audituris nos, Johannes, Dei permissione abbas, et prior et priorissa ac totus conventus
monasterii beate Marie virginis in Dickeninge, cupimus fore notum, quod, cum dominus Johannes de Rhunen, miles, cum suis heredibus omni juri seu
impetitioni, quibus nos molestando saepius impetiit, renunciaverit, nos pro nobis et successoribus nostris eidem dignam cupientes rependere
vicissitudinem pro bono pacis et ut omnis inter nos in posterum materia discordie dematur, universo juri ac impetitioni, quod vel quae nobis in
ipsum competierit, presentibus renunciare decrevimus; etiam si litteras ab antiquo confectas habeamus, quibus ipsum molestare poterimus,
renunciamus, nec eidem Johanni domino de Rhunen militi seu suis haeredibus in rebus suis ac in exercenda jurisdictione in personas ac res
seculares, quocunque locorum fuerit oportunum, faciemus impedimentum, salvis nobis universis bonis hactenus habitis et possessis et decimis tam
grossis quam minutis, quocumque locorum situatis, quos cum predicto domino Johanne habere dignoscimur conjunctim pariter et divisim. Ut autem
haec renunciatio etc. Conclusio ut in precedentibus Verder als no. 525.

x

x

Fonds	Oorkondenboek Groningen en Drenthe
Nr	526
Olim	Naar een afschrift uit de 17de eeuw in het rijksarchief in Drenthe (Inv. I A 2, VC).
Jaar	1363
Datumcode	vOmnSan

x

x

x

Materiaal	papier

x

Edities	P.J. Blok e.a., Oorkondenboek van Groningen en Drente, I (Groningen 1896), nr. 526.