| Nummer:ogd0556 | Datum:18 aug. 1368 | Overlevering:Editie | Vindplaats:Oorkondenboek Groningen en Drenthe, nr. 556 |
Egbrecht, pastoor te Havelte en Beernt pastoor te Dwingeloo verklaren, dat Dyderic Borcgherdes het goed Enekinghe bij Meppel in gebruik heeft genomen op de in de ingelaste brief ogd0555 gestelde voorwaarden.
Wy, Egbrecht, cureit der kerken van Hesselt, ende Beernt, cureit tot Dwinghelo, capellaen heren Egbrechts
voerseit, maken cont ende kenlic allen luden, dat voer ons ziin comen Dyderic Borcgherdes, Wemme, ziin
echte wijf, Johan, Henric ende Woube, hoerre beider echte kiinder, dien wi toenden enen brief sprekende van den proest, deken ende eapitel der
kerken van zinte Peter tUtrecht in allen vorwarden ende manieren, alse hiernae bescreven staen, welken brief wi hem overlezen ende overghelevert
hebben ghans ende ghave sonder enigherhande toesegghen, ghebrec ende rasure, sprekende van worde te woerde aldus: Volgt no. 555. Ende doe
Dyderic, Wemmen, Johan, Henric ende Wouben voerghenoemt den voerseiden brief overlezen was ende openbaert ende zi hem wael verstaen hadden, doe
beleden zi ende bekenden mit hoeren vryen wille alle die vorwarden waer te wezen, also alse ghescreven staen in dezen voerghenoemden brief,
ende dat si dit voerghenoemde goet hebben ende bezitten van den heren proest, deken ende capitel der kerken tsinte Peter voerghenoemt in allen
vorwarden ende manieren, alse hiervoer bescreven staen in dezen voerseiden brieve der heren proest, deken ende capitel voerghenoemt, ende
geloveden mede in goeden trouwen dezen voerseiden heren proest, deken ende capitel vol te doen nae den zinne ende houdenisse des briefs
voerscreven zonder enich vertrec ende wederzegghen. Hier hebben over gheweest alse tuuchslude, doe dit gesciede in dierre stede, her Johan van
Sleen ende her Johan van Compestelle, canonics der kerken tsinte Peter voerseyt, Sweder Hellebreker ende Elyas van Woudegghen. In orconde deser
voerghenoemder zaken bezeghelt mit onsen zeghel. Ghegheven int jaer ons Heren duzent driehondert acht ende tsestich des Vriedaghes nae onser
Vrouwen dach Assumptio .
voerseit, maken cont ende kenlic allen luden, dat voer ons ziin comen Dyderic Borcgherdes, Wemme, ziin
echte wijf, Johan, Henric ende Woube, hoerre beider echte kiinder, dien wi toenden enen brief sprekende van den proest, deken ende eapitel der
kerken van zinte Peter tUtrecht in allen vorwarden ende manieren, alse hiernae bescreven staen, welken brief wi hem overlezen ende overghelevert
hebben ghans ende ghave sonder enigherhande toesegghen, ghebrec ende rasure, sprekende van worde te woerde aldus: Volgt no. 555. Ende doe
Dyderic, Wemmen, Johan, Henric ende Wouben voerghenoemt den voerseiden brief overlezen was ende openbaert ende zi hem wael verstaen hadden, doe
beleden zi ende bekenden mit hoeren vryen wille alle die vorwarden waer te wezen, also alse ghescreven staen in dezen voerghenoemden brief,
ende dat si dit voerghenoemde goet hebben ende bezitten van den heren proest, deken ende capitel der kerken tsinte Peter voerghenoemt in allen
vorwarden ende manieren, alse hiervoer bescreven staen in dezen voerseiden brieve der heren proest, deken ende capitel voerghenoemt, ende
geloveden mede in goeden trouwen dezen voerseiden heren proest, deken ende capitel vol te doen nae den zinne ende houdenisse des briefs
voerscreven zonder enich vertrec ende wederzegghen. Hier hebben over gheweest alse tuuchslude, doe dit gesciede in dierre stede, her Johan van
Sleen ende her Johan van Compestelle, canonics der kerken tsinte Peter voerseyt, Sweder Hellebreker ende Elyas van Woudegghen. In orconde deser
voerghenoemder zaken bezeghelt mit onsen zeghel. Ghegheven int jaer ons Heren duzent driehondert acht ende tsestich des Vriedaghes nae onser
Vrouwen dach Assumptio .
x
| Fonds | Oorkondenboek Groningen en Drenthe |
|---|---|
| Nr | 556 |
| Olim | Naar het origineel in het rijksarchief te Utrecht (Kapittelarchief van St. Pieter, Inv. no. 982, Reg. no. 436), hoog 30, breed 26,5 cm. |
| Jaar | 1368 |
| Datumcode | VpAssMar |
x
| Commentaar | Aan het stuk hangt nog slechts het tweede zegel, zeer klein, rond in groene was, vertonende een roos (?), randschrift: S . . . RNERDI . |
|---|