| Nummer:ogd0778 | Datum:6 dec. 1387 | Overlevering:Editie | Vindplaats:Oorkondenboek Groningen en Drenthe, nr. 778 |
Aernt en Johan van Steenwijk verklaren verkocht en bij stoklegging overgedragen te hebben aan Ludekin Meninghe een jaarlijkse opbrengst uit Benninghegoed te Holte.
Wy, Aernt van Steenwijc ende Johan van Steenwijc ghebroders, doen kenlijc ende openbaer allen luden, die
dessen brief zullen zyen of horen lesen, ende betughen in dessen openen breve, dat wy voer ons ende voer onse
rechte erfghenamen vercopen ende uplaten, vercoft hebben ende upghelaten Ludekine Meninghe ende sinen rechten erfghenamen tien stede Groninger
mudde, ses mudde rogghen ende vier mudde gheerstensmoltes, liggende to Holte, over Benninghe alinghe goet, welke tien mudde vors. van oldes
hebben gheweest vry tende ende sint nu ghecomen up stede mudde ende plach to te hoerene ende is van oldes ghecomen van Godekine van Echten, de
men heet de Greve ende lach to Holte over dat alinghe goet to Benninghe vors., um ene summe van gheldes, de ons ende onsen erfghenamen wittelike
ende wal betaelt is. Ende wy, Aernt ende Johan vors., sullen Ludekine vors. ende sinen rechten erfghenamen die tien Groninger mudde vors. waren
vry, ledich ende los, erflijc ende ummermeer voer ons, voer onse rechte erfghenamen ende voer al deghene , de des to rechte comen willen, sonder
yenigherhande arghelist, ende hebben voert to rechten lantrechte Ludekine vors. ende sinen rechten erfghenamen van den tien mudde vors. den stok
ghelecht under den buren to Holte voer ons ende voer onse rechte erfghenamen alse lantrecht is. Hier waren an ende over ende desen coep hebben
ghededingt Johan de Vos van Steenwijc, Coenret de Vos van Steenwijc, syn sone, Wycher Woerdinghe, Folkier Heynen sone des Blomers, Vrederic
Lebbelinghe, Lude Ludinghe ende anders vele goeder lude ghenoech; al arghelist, nye vonde, rasure des brieves, quessinghe der zeghele ende al
arghelist uytghesproken. In orkonde der waerheyt des coeps, der uplatinghe ende vorwaerden vors. so hebben wy, Aernt ende Johan vors., voer ons
(ende) voer onse rechte erfghenamen onse inghezeghele an dessen brief ghehanghen, ende omme meerre vestenisse willen coeps, uplatinghe ende
vorwaerden vors. so hebbe wy, Aernt ende Johan vors., ghebeden Johanne des Vos, onsen oem, ende Coenret den Vos, onsen neven, vors., dat se oere
inghezeghele mede an dessen breef wolden hanghen. Ende wy, Johan ende Coenret vors., om bede willen Aernts ende Johans, onser neven vors.,
hebben onse inghezeghele mede an dessen brief ghehanghen. Gegheven int jaer ons Heren dusent driehondert seven ende tachtentich up sunter
Clawesdach, eyns heyleghen bysscops, voer Myddewinter .
dessen brief zullen zyen of horen lesen, ende betughen in dessen openen breve, dat wy voer ons ende voer onse
rechte erfghenamen vercopen ende uplaten, vercoft hebben ende upghelaten Ludekine Meninghe ende sinen rechten erfghenamen tien stede Groninger
mudde, ses mudde rogghen ende vier mudde gheerstensmoltes, liggende to Holte, over Benninghe alinghe goet, welke tien mudde vors. van oldes
hebben gheweest vry tende ende sint nu ghecomen up stede mudde ende plach to te hoerene ende is van oldes ghecomen van Godekine van Echten, de
men heet de Greve ende lach to Holte over dat alinghe goet to Benninghe vors., um ene summe van gheldes, de ons ende onsen erfghenamen wittelike
ende wal betaelt is. Ende wy, Aernt ende Johan vors., sullen Ludekine vors. ende sinen rechten erfghenamen die tien Groninger mudde vors. waren
vry, ledich ende los, erflijc ende ummermeer voer ons, voer onse rechte erfghenamen ende voer al deghene , de des to rechte comen willen, sonder
yenigherhande arghelist, ende hebben voert to rechten lantrechte Ludekine vors. ende sinen rechten erfghenamen van den tien mudde vors. den stok
ghelecht under den buren to Holte voer ons ende voer onse rechte erfghenamen alse lantrecht is. Hier waren an ende over ende desen coep hebben
ghededingt Johan de Vos van Steenwijc, Coenret de Vos van Steenwijc, syn sone, Wycher Woerdinghe, Folkier Heynen sone des Blomers, Vrederic
Lebbelinghe, Lude Ludinghe ende anders vele goeder lude ghenoech; al arghelist, nye vonde, rasure des brieves, quessinghe der zeghele ende al
arghelist uytghesproken. In orkonde der waerheyt des coeps, der uplatinghe ende vorwaerden vors. so hebben wy, Aernt ende Johan vors., voer ons
(ende) voer onse rechte erfghenamen onse inghezeghele an dessen brief ghehanghen, ende omme meerre vestenisse willen coeps, uplatinghe ende
vorwaerden vors. so hebbe wy, Aernt ende Johan vors., ghebeden Johanne des Vos, onsen oem, ende Coenret den Vos, onsen neven, vors., dat se oere
inghezeghele mede an dessen breef wolden hanghen. Ende wy, Johan ende Coenret vors., om bede willen Aernts ende Johans, onser neven vors.,
hebben onse inghezeghele mede an dessen brief ghehanghen. Gegheven int jaer ons Heren dusent driehondert seven ende tachtentich up sunter
Clawesdach, eyns heyleghen bysscops, voer Myddewinter .
x
| Fonds | Oorkondenboek Groningen en Drenthe |
|---|---|
| Nr | 778 |
| Olim | Naar het origineel in het rijksarchief te Utrecht (Catal. archief van St. Pieter, no. 1005, Regesten van St. Pieter, no. 591), hoog 19,3, breed 25 cm. Ook gedrukt in de Algem. Konst- en Letterbode van 1845, no. 1, blz. 13. |
| Jaar | 1387 |
| Datumcode | Nicola |
x
| Commentaar | Aan het stuk hangen vier ronde zegels, in groene was. 1. vertoont in een gothieken vierhoek een driehoekig schild, met vijf rechterschuinbalken en een zoom, waarop acht penningen; randschrift : . .. RNT DE VOS V. STEN . . . 2. gelijk 1; randschrift : S. IOHANNIS DE VOS . . . 3. gelijk 1; randschrift : S. IOHANNI S. DE . . . WIC. 4. vertoont een driehoekig schild, met vijf linker schuinbalken en een zoom, waarop acht penningen; randschrift : . . . CONRADI . . . STEINWIC. |
|---|