Otto, bisschop van Münster, bericht aan enige geestelijken, dat hij het vonnis van zijn officiaal heeft bekrachtigd en daarmede Peya Aylirdisma in het bezit van Walkamahuis met toebehoren bevestigd.

Otto, Dei et apostolice sedis gracia episcopus Monasteriensis, dilectis nobis in Christo dominis abbati in Bure, Ellardo, preposito medie
prepositure in Usquard ac plebano in Middelstum,
Reynero et Hinrico, ecclesiarum curatis Uuthusum et Medum, ceterisque universis abbatibus, prepositis, viceprepositis, clericis, curatis et non
curatis per nostram dyocesim constitutis et ad
infrascripta publicanda et exequenda requisitis salutem in Domino sempiternam. Quia con-firmacionem nostri officialis Frisie factam pro Peya
Aylirdisma uxore Meynconis Bernama super castro, bonis ac prediis Walkamahues et eidem castro pertinentibus et processum domini Hinrici,
prepositi Hummercensis, super dictis castro, bonis ac prediis pro eadem Peya factum, virtute et auctoritate dicte confirmacionis adjudicantem
dictum castrum cum bonis et prediis predictis eidem Peye debite inspiciendo et examinando undique reperimus justam, juste et canonice factam et
factum. Quare et nos presentibus dicte Peye antedictum castrum cum universis bonis et prediis sibi spectantibus auctoritate nostra
episcopali adjudicamus secundum tenorem processus predicti factum super confirmacione nostri officialis antedicti, et precipimus vobis et
cuilibet vestrum in solidum, quum ad presencia exequenda requirimini in virtute sancte obedientie et sub pena excommunicacionis late sentencie,
trium tamen dierum canonica previa monicione, quatenus vobis conjunctim vel divisim ad presencia publicanda et exequenda requisitis omnibus
utriusque sexus hominibus publicetis et precipiatis, ubi fuerit optimum, quibus et nos presentibus precipimus , ut quita et libera permittant
seu quiscunque nobis subjectus in juris-dictione ratione eciam premissorum permittat dictam Peyam predia, castrum et bona predicta possidere
immediate post execucionem et publicacionem factam se intromittentibus de dictis castro, bonis et prediis sepedictis sub penis et sentenciis, in
processu et confirmacione dictorum officialis nostri et prepositi Hummercensis contentis, et sub pena centum scudatorum aureorum monete Francie,
nobis per quoscunque seu quemcunque in premissis rebelles seu rebellem solvendorum. Alioquin et nos de novo contrarium facientes vel
contrafacientem in hiis scriptis excommunicamus, trium tamen dierum canonica monicione premissa, quos vel quem excommunicatos vel excommunicatum
publice nuncietis et teneatis. Et nos eciam, Otto, episcopus ecclesie Monasteriensis antedicte, dictam confirmacionem nostri officialis cum
processu dicti domini Hinrici, prepositi Hummercensis, factam super dictis castro, bonis et prediis presentibus confirmamus, ratificamus et
approbamus, quam taliter approbatam, ratificatam et confirmatam publice nuncietis et teneatis, et teneri ab omnibus precipimus nostris subditis
et mandamus sub penis et sentenciis supradictis, illud adicientes, quod omnes penas et sentencias prolatas in confirmacione nostri officialis
Frisie et processu prepositi antedicti presentibus contra rebelles, ut prefertur, innovamus, gravamus et aggravamus, quas innovatas, gravatas et
aggravatas publice nuncietis et teneatis. Datum Monasterii anno Domini M trecentesimo nonagesimo secundo feria quarta proxima post festum beati
Mychaelis archangeli, curia Monasteriensi majori sub sigillo hiis presentibus inpenso .

x

x

Fonds	Oorkondenboek Groningen en Drenthe
Nr	838
Olim	Naar het origineel in het rijksarchief te Groningen (Reg. 1392, no. 12), hoog 16, breed 34 cm.
Jaar	1392
Datumcode	EpMichae

x

x

x

Commentaar	Het zegel is afgevallen.

x

Materiaal	papier

x

Edities	P.J. Blok e.a., Oorkondenboek van Groningen en Drente, II (Groningen 1899), nr. 838.