Burgemeesters en raad van Groningen verklaren, dat Johan de Vischer een hofstede in erfpacht heeft ontvangen van het Vrouw Sijwenconvent.

Wy, borghermestere ende raet van Groninghen, bekennen ende betughen met dezen openen breve, dat Johan de
Vischer hevet ghehuerd ene hofstede met al horen tobehoren, daer ziin hues nu ter tiid up ghetimmerd
staet, to ewigher hure vor hem ende vor sine erfghenamen teghen de joncfrouwen van ver Ziwen convente elkes jaers vor vier scilde, tyen
scillinghe vor den schilt gherekend, paymentes als in Groninghen ganc ende gave is, to betalen jaerlixs als een stadrecht. Deze vors. hofstede
is gheleghen in de oesterzide van den Rechten Jate by Werfmer convente steenhues, dat an de noerdzide leghet, ende ver Meynolde conventes mure,
de an de zuedzide leghet, daer der vors. joncfrouwen mene wech entuschen gaet, ende daer hor wateringhe underhene gaet. Ende den vors. mene wech
mach Johan vors. mede bruken, mer hie en sal hem hor wateringhe nyet becummeren of bedammen ende hie sal westwerd an uetwateren to der strate.
Dat orkunden wy met onser stad seghele. Ghegheven int jaer ons Heren dusent drehondert dre ende neghentich up sente Pontianusdach, do Jarich
Coppiins zoen, Berent Hornekinc, Zweder van Winde ende Reynolt Hughinc borghermestere waren onser stad .

x

x

Fonds	Oorkondenboek Groningen en Drenthe
Nr	849
Olim	Naar het origineel in het rijksarchief te Groningen (Reg. 1393, no. 2), hoog 10, breed 24 cm. Gedrukt bij Driessen, blz. 737.
Jaar	1393
Datumcode	Pontia

x

x

x

Commentaar	Aan het stuk hangt het gewone zegel van de stad Groningen.

x

Materiaal	papier

x

Edities	P.J. Blok e.a., Oorkondenboek van Groningen en Drente, II (Groningen 1899), nr. 849.