| Nummer:ogd0862 | Datum:5 dec. 1393 | Overlevering:Editie | Vindplaats:Oorkondenboek Groningen en Drenthe, nr. 862 |
Burgemeesters en raad van Groningen verklaren, dat Ghelmer Storm aan Rodetyde land in Lieuwerderwolde heeft verkocht en overgedragen.
Wij, borghermestere ende raet van Groninghen, bekennen ende betughen met dezen openen breve, dat vor ons
quam Ghelmer Storm ende becande, dat hie heft vercoft Rodetyden vyertyendehalf gras landes
met al horen tobehoren vor ene summe gheldes, de Ghelmer vors. vol ende al betaelt is. Ende deze vyertyendehalf gras landes vors. droech Ghelmer
vors. up Rodetyden vors. ende sinen erfghenamen vrij ende quiit met allen rechte ende eghendome eweliken to bruken ende to besitten. Dit vors.
land is gheleghen in Lywerderwolt up de noerdzide van den Woltgrave, daer viif grase landes van gheleghen ziin by Rodetyden erve vors., dat an
de oesterzide leghet, ende viif graze landes, daer Tette Mellens erve by gheleghen is an de oesterzide, ende vyerdehalf gras landes in de
noerdzide van den vors. viif grasen, daer een sloet entuschen gaet. Dat orkunde wy met onser stad seghel. Ghegheven int jaer ons Heren dusent
drehondert dre ende neghentich up sente Nycholaus avond, do Wicbolt Everdes, Everd Sickinc, Johan van den Berghe ende Jacob Schelleghe
borghermestere waren onser stad .
quam Ghelmer Storm ende becande, dat hie heft vercoft Rodetyden vyertyendehalf gras landes
met al horen tobehoren vor ene summe gheldes, de Ghelmer vors. vol ende al betaelt is. Ende deze vyertyendehalf gras landes vors. droech Ghelmer
vors. up Rodetyden vors. ende sinen erfghenamen vrij ende quiit met allen rechte ende eghendome eweliken to bruken ende to besitten. Dit vors.
land is gheleghen in Lywerderwolt up de noerdzide van den Woltgrave, daer viif grase landes van gheleghen ziin by Rodetyden erve vors., dat an
de oesterzide leghet, ende viif graze landes, daer Tette Mellens erve by gheleghen is an de oesterzide, ende vyerdehalf gras landes in de
noerdzide van den vors. viif grasen, daer een sloet entuschen gaet. Dat orkunde wy met onser stad seghel. Ghegheven int jaer ons Heren dusent
drehondert dre ende neghentich up sente Nycholaus avond, do Wicbolt Everdes, Everd Sickinc, Johan van den Berghe ende Jacob Schelleghe
borghermestere waren onser stad .
x
| Fonds | Oorkondenboek Groningen en Drenthe |
|---|---|
| Nr | 862 |
| Olim | Naar het origineel in het rijksarchief te Groningen (Reg. 1390, no. 2), hoog 9,5, breed 21 cm, zijnde een eerste transfix bij no. 808. |
| Jaar | 1393 |
| Datumcode | vNicola |