| Nummer:ogd0894 | Datum:2 juli 1395 | Overlevering:Editie | Vindplaats:Oorkondenboek Groningen en Drenthe, nr. 894 |
Jyde van Selwert sluit een overeenkomst met haar schulte Heyne van der Brugen.
lek, Jyde, jonffer van Selwert, bekenne ende betuge mijt dessen open breffe vor my ende mijn erffghenamen, dat ick ontffangen hebbe een
rekenschup, bescreven up sunt Processi ende Martynaensdach tue hijlge martelaeren, van Heyne van der Brugen, onsen schulten, van allen
updraegen, dat he ons opghedraegen hefft ende dat he ons gesant hefft ende darto van reden gelde, dat he onss ghelent heff ende ock dar he vor
onss to borge stet ende darto de schulte, de Harmen, mijn leve man, ende ick Wijgbolt Maeryssynge schuldich sijnt van wande ende vort van allen
upborge ende wederuutghevenge, up ende affgheslagen, daer Barleheerre an ende offer waes, blijffde ick hem schuldijch verhondert Gronijnger
schijlden. voer welke verhondert Gronijnger schijlden vors. ick Heynen vors. up dat nye gheset hebbe ende sette to eennen onderpant de sestijch
graesen landes, de he nu ter tijt bruyckket, de hem Herman van Kofferde, mynen leffen maen, den Goed ghenaedijch sy, vortydes ghesaet heff mijt
synen opnen besseden breffen, daer de somme van holt tuehondert ende dartijchsten-halffen olden Vranschen schijlt, welke verhondert Gronijnger
schylden vors. ende tuehondert ende dertijchstenhalffen olden Vransche schijlden loffe ick, Jyde van Selwert vors., vor my ende mijn
erffghenamen Heynen ter Brugen ende synen arffghenamen weder tho gheven ende wal to betallen to hoeren wijllen bijnnen tualff jaeren na dattom
des breff. Vortmer sijnt vorworden, wer dat saeke dat ick, Jyde vors., off myne arffghenamen desse vors. verhondert Gronijnger schijlden ende
tuehondert ende dartijchstenhalffen olden Vranschen schijlden vors. nijch een betalde bijnnen desse vors. tualff jaeren, soe maech Heyne vors.
ende syne erffghenamen desse vors. sestijch graesen landes erfflycken ende eewlijck beholden ende vry ghebruckken voer my ende vor mynen
arffghenamen to ewygen daeghe, gene anspraeke mer hebben moegen off ende sollen up desse vors sestijch graessen landes, ende sollen se hem
waerren vor eemmes maens anspraekke. Sonder argelijst. Desse vors. sestijch graessen landes sijnt gheleghen by Gronijnger hemrycken in
Honssijngelanden aldernast Schultijngelande, daer een maer eentusschen lijcht, dat sijck streckt ost ende west, ende ghehetten is de Zijlrijth .
In een orkonde der warijt soe hebbe ick, Jyde jonckvrowe van Selwert, vor my ende vor mijn erffghenamen mynen seghel an dessen breff ghehanghen.
Ghegheven int jaer onss Heren dusent drehondert vijff ende tnetijch up sunte Processy ende Martynyaensdach, tue hijlge martelaeren.
rekenschup, bescreven up sunt Processi ende Martynaensdach tue hijlge martelaeren, van Heyne van der Brugen, onsen schulten, van allen
updraegen, dat he ons opghedraegen hefft ende dat he ons gesant hefft ende darto van reden gelde, dat he onss ghelent heff ende ock dar he vor
onss to borge stet ende darto de schulte, de Harmen, mijn leve man, ende ick Wijgbolt Maeryssynge schuldich sijnt van wande ende vort van allen
upborge ende wederuutghevenge, up ende affgheslagen, daer Barleheerre an ende offer waes, blijffde ick hem schuldijch verhondert Gronijnger
schijlden. voer welke verhondert Gronijnger schijlden vors. ick Heynen vors. up dat nye gheset hebbe ende sette to eennen onderpant de sestijch
graesen landes, de he nu ter tijt bruyckket, de hem Herman van Kofferde, mynen leffen maen, den Goed ghenaedijch sy, vortydes ghesaet heff mijt
synen opnen besseden breffen, daer de somme van holt tuehondert ende dartijchsten-halffen olden Vranschen schijlt, welke verhondert Gronijnger
schylden vors. ende tuehondert ende dertijchstenhalffen olden Vransche schijlden loffe ick, Jyde van Selwert vors., vor my ende mijn
erffghenamen Heynen ter Brugen ende synen arffghenamen weder tho gheven ende wal to betallen to hoeren wijllen bijnnen tualff jaeren na dattom
des breff. Vortmer sijnt vorworden, wer dat saeke dat ick, Jyde vors., off myne arffghenamen desse vors. verhondert Gronijnger schijlden ende
tuehondert ende dartijchstenhalffen olden Vranschen schijlden vors. nijch een betalde bijnnen desse vors. tualff jaeren, soe maech Heyne vors.
ende syne erffghenamen desse vors. sestijch graesen landes erfflycken ende eewlijck beholden ende vry ghebruckken voer my ende vor mynen
arffghenamen to ewygen daeghe, gene anspraeke mer hebben moegen off ende sollen up desse vors sestijch graessen landes, ende sollen se hem
waerren vor eemmes maens anspraekke. Sonder argelijst. Desse vors. sestijch graessen landes sijnt gheleghen by Gronijnger hemrycken in
Honssijngelanden aldernast Schultijngelande, daer een maer eentusschen lijcht, dat sijck streckt ost ende west, ende ghehetten is de Zijlrijth .
In een orkonde der warijt soe hebbe ick, Jyde jonckvrowe van Selwert, vor my ende vor mijn erffghenamen mynen seghel an dessen breff ghehanghen.
Ghegheven int jaer onss Heren dusent drehondert vijff ende tnetijch up sunte Processy ende Martynyaensdach, tue hijlge martelaeren.
x
| Fonds | Oorkondenboek Groningen en Drenthe |
|---|---|
| Nr | 894 |
| Olim | Naar het afschrift in een ms. uit de 15de eeuw op papier in het rijksarchief te Groningen (Reg. 1395, no. 4). Ook gedrukt bij Driessen, blz. 742. |
| Jaar | 1395 |
| Datumcode | ProMar |