| Nummer:ogd0897 | Datum:18 juli 1395 | Overlevering:Editie | Vindplaats:Oorkondenboek Groningen en Drenthe, nr. 897 |
Frederik van Blankenheim, bisschop van Utrecht, en de overheden van Drente sluiten een overeenkomst met Tyable Yeldrix als bestuurder van Westerwolde.
Frederic van Blanckenheim, bi der genaden Goits bisscop tUtrecht, maken kont allen luden, dat wy ende die wijssheit unss lants van Drinthe mit
gantsen berade ende guden voirsijnne eendrechtlic averdragen sijn mit Tyabbe Yeldrix, hoeftding in den Ham ende verwaerre des lants van
Westerwolde, alsoe dat wy malcanderen veiligen sullen in unsen landen nae unser macht sunder argelist, ende sullen malcanderen rechts helpen
ellic in sinen lande in dusdanen voirwerden als hiernae bescrheven staet. Int ierst weert dat enich man te clagen hadde an desen vurscreven
landen malc up den anderen van erffachtigen guden, die sollen hom des gueds enkennen, ofte hy solde hom untgaen mit soeven zekeren erffachtigen
bueren. Voirt hadde enich man upten anderen te spreken van slechter schult, die solde hem der schult bekennen, off hy solde hem untgaen mit
sijnre vijffter hant, offte wes hy hem bekande, dat solde hy hom betalen mit reeden gelden bijnnen drien weken off doin hem dair pande voir, die
den derden penning beter weren, die hy vlutten ende vueren mocht. Voirtmeer weert dat enich man upten anderen te clagen hadde, men solde hem
richten over diewersnacht nae voirwerde, die hijrvoer geschreven stain. Oick sijnt voirwerden, weert dat enich doitslach viel
tusschen desen tween landen, dat Got verbiede, den doiden solde men beteren ende gelden malcanderen voir XXIIII marck Volmerssch offte voir
alsoeveel anders payments, dat voir alsoeveel gelts guet weer. Weert oick dat enige wondinge dair geschiede tusschen desen tween landen als van
leemten offte een oge uut, dat solde men beteren mit XII marcken gelts als vurscreven steet. Mer slechte wondinge, die vallen tusschen desen
tween landen, die sal men beteren tusschen vier lude seggene, die men uut desen tween landen dairtoe satte. Voirt sijnt voirwerde, weer sake dat
enich landman van Drinthe broeke dede in Westerwoldelande, die solde dat den gericht beteren als dair een lantrecht is, ende die solde unse
amptman van Drinthe uutwijnnen bijnnen drien weken tot behoeff des richters van Westerwoldelant. Alle argelist hierijnne uutgeseecht. In
oirkunde des hebben wy, Frederic, bisscop tUtrecht vurscreven , desen brieff voirbesegelen doin mit unsen segel. Ende wy, wijsheit ende gezwaren
des lants van Drinthe, bekennen, want dese punten um oirber des lants overdragen sijn, dat wy unsen gemeynen landssegel van Drinthe mit segel
unss genedigen heren van Utrecht vurg. an desen brieff hebben doin hangen um die meerre vestenisse alre punten vurscreven. Gegeven in den jaren
unss Heren MCCCXCV des XVIII dages in die maent Julius.
gantsen berade ende guden voirsijnne eendrechtlic averdragen sijn mit Tyabbe Yeldrix, hoeftding in den Ham ende verwaerre des lants van
Westerwolde, alsoe dat wy malcanderen veiligen sullen in unsen landen nae unser macht sunder argelist, ende sullen malcanderen rechts helpen
ellic in sinen lande in dusdanen voirwerden als hiernae bescrheven staet. Int ierst weert dat enich man te clagen hadde an desen vurscreven
landen malc up den anderen van erffachtigen guden, die sollen hom des gueds enkennen, ofte hy solde hom untgaen mit soeven zekeren erffachtigen
bueren. Voirt hadde enich man upten anderen te spreken van slechter schult, die solde hem der schult bekennen, off hy solde hem untgaen mit
sijnre vijffter hant, offte wes hy hem bekande, dat solde hy hom betalen mit reeden gelden bijnnen drien weken off doin hem dair pande voir, die
den derden penning beter weren, die hy vlutten ende vueren mocht. Voirtmeer weert dat enich man upten anderen te clagen hadde, men solde hem
richten over diewersnacht nae voirwerde, die hijrvoer geschreven stain. Oick sijnt voirwerden, weert dat enich doitslach viel
tusschen desen tween landen, dat Got verbiede, den doiden solde men beteren ende gelden malcanderen voir XXIIII marck Volmerssch offte voir
alsoeveel anders payments, dat voir alsoeveel gelts guet weer. Weert oick dat enige wondinge dair geschiede tusschen desen tween landen als van
leemten offte een oge uut, dat solde men beteren mit XII marcken gelts als vurscreven steet. Mer slechte wondinge, die vallen tusschen desen
tween landen, die sal men beteren tusschen vier lude seggene, die men uut desen tween landen dairtoe satte. Voirt sijnt voirwerde, weer sake dat
enich landman van Drinthe broeke dede in Westerwoldelande, die solde dat den gericht beteren als dair een lantrecht is, ende die solde unse
amptman van Drinthe uutwijnnen bijnnen drien weken tot behoeff des richters van Westerwoldelant. Alle argelist hierijnne uutgeseecht. In
oirkunde des hebben wy, Frederic, bisscop tUtrecht vurscreven , desen brieff voirbesegelen doin mit unsen segel. Ende wy, wijsheit ende gezwaren
des lants van Drinthe, bekennen, want dese punten um oirber des lants overdragen sijn, dat wy unsen gemeynen landssegel van Drinthe mit segel
unss genedigen heren van Utrecht vurg. an desen brieff hebben doin hangen um die meerre vestenisse alre punten vurscreven. Gegeven in den jaren
unss Heren MCCCXCV des XVIII dages in die maent Julius.
x
| Fonds | Oorkondenboek Groningen en Drenthe |
|---|---|
| Nr | 897 |
| Olim | Naar een afschrift in het Div. I. Fred. de Blankenheim, fol. 39, in het rijksarchief te Utrecht. |
| Jaar | 1395 |
| Datumcode | 1807 |