| Nummer:ogd0941 | Datum:26 dec. 1396 | Overlevering:Editie | Vindplaats:Oorkondenboek Groningen en Drenthe, nr. 941 |
Frederik van Blankenheim, bisschop van Utrecht, verleent aan de drie steden Deventer, Kampen en Zwolle enige voorrechten met betrekking tot Coevorden en Drente.
Frederic van Blanckenhem, bij der ghenaden Godes bisscop tUtrecht, doen kondich allen luden, wantt onse hues, borgh ende stat tot Coeverden mit sinen
toebehoren ende onse land van Drenthe langhe tijt van onsen ghestichte vervreemt gheweest heft, dat wi van der genaden Godes ende bij rade ende
hulpe onser vriende weder an onse gestichte gebracht ende gheheelt hebben, ende wantt onse lieve getrouwe lude burgermeystere, scepen ende rade, ende onse burghers onser steden Deventer, Campen ende Zwolle ons daertoe gonstlic ende ghetrouwelic behulplic ende bijstandich gheweest hebben ende groten zwaren cost daertoe gedaen ende guetlic uytgheleghet hebben die vorghen. onse hues, borgh ende stat tot Coeverden mit al horen toebehoren ende onse land van Drenthe mit machte toe becrachtighen, in te wynnen ende weder an onse stichte te werven. Ende omme zulc groet onrecht ende ghewelt, alse onsen lande ende gestichte geschiet is vermids der verzettingen, dat dat vorghen. hues ende borgh verzat was van onsen gestichte, weer te verhueden, soe hebben wi hem geloeft ende laven vastlic mit dessen breve voer ons ende vor onse nacomelinge bisscope tUtrecht, dat wij onse vorghen. hues, borgh ende stat toe Coeverden ende land van Drenthe bi rade onser stede vorghen. ende der wijsheit slands van Drenthe zetten ende verzekeren solen mit gueder hoede ende bewaringhe eens amptmans uyt den lande van Drenthe of uyt onsen lande van Zalland, gheliic dat wij oec den Drenthen geloeft hebben sonder enigherhande upslach of guet up te lenen, die dit vorghen. hues, borgh, stat ende land trouweliken als een guet amptman ende castelleyn holden, hoeden ende waren sal bij rade ende consente ons ende onser steden vorghen. mit alsulker verzekernisse, als ons ende onsen steden vors. sal duncken, dat bescheidelic is. Voert soe zal diezelve amptman helpen beschudden ende beschermen onse land van Zalland voer roef, voer brant ende alle gheweldelike zaken mit denghenen, die hij daerbij bidden ende baden mach na siinre macht. Ende weert dat wij aflivich of ghetransfferiert worden in een ander ghestichte, soe sal die amptman dat hues, borgh ende stat toe Coeverden vors. in nyemans hand brenghen dan bij rade ende ghehiete onser steden vors. toe behoef onss ghestichts van Utrecht, thent dier tijt toe dat onse nacomelinge, bisscope tUtrecht, denselven steden breve ghegheven ende besegelt hadde van alle den punten ende in derselver formen alse dese brief begrepen heft. Ende wanneer dit geschiet is, soe sal die amptman onsen nacomelinge dat hues, die borgh ende stat toe Coeverden overleveren mit horen toebehoren daermede voert omme te ghane alse vors. is. Ende alle desse vors. punten zal die amptman zekeren ende zweren over den hilghen mit upgherichten vingheren ghestaefdes eeds ende des zine apene brieve ons ende onsen steden vorghen. daerup gheven mit der verzekernisse, die hij daerup doen sal, stede vast ende onverbreclic te holden ende te doene. Voert so moeghen wij ende onse nacomelingen, bisscope tUtrecht, den amptman vors. zetten ende ontzetten, alse vake als ons dat ghadet ende noet is bi rade onser steden vors. ende der wijsheit van Drenthe, ende die zal zweren ende verzekeringhe doen ende sine apene breve daerup gheven ons ende onsen steden vors. in aller formen alse vors. is. Voert soe soelen ghemeynlic onse lieve burghere van Deventer, Campen ende Zwolle mit horen guede tollevrij varen ende comen te water ende te lande ende des onrades van tolle ende wechgelde ontslaghen wesen in onsen lande ende doer onse land van Drenthe ende van Coeverde, want sie binnen onsen stichte ghene tolle schuldich en sin, sonder arghelist. In orconde des so hebben wij onse seghel an desen brief doen hanghen. Gegeven int jaer ons Heren dusent driehondert zesse ende tnegentich des zes ende twintichsten daghes in der maent van December. Presentibus de consilio dominis Wilhelmo de Renen, scolastico Trajectensi, Hermanno de Randenrade, milite, Swedero de Rechteren, Rutgero de Doernic et Henrico Zuer .
toebehoren ende onse land van Drenthe langhe tijt van onsen ghestichte vervreemt gheweest heft, dat wi van der genaden Godes ende bij rade ende
hulpe onser vriende weder an onse gestichte gebracht ende gheheelt hebben, ende wantt onse lieve getrouwe lude burgermeystere, scepen ende rade, ende onse burghers onser steden Deventer, Campen ende Zwolle ons daertoe gonstlic ende ghetrouwelic behulplic ende bijstandich gheweest hebben ende groten zwaren cost daertoe gedaen ende guetlic uytgheleghet hebben die vorghen. onse hues, borgh ende stat tot Coeverden mit al horen toebehoren ende onse land van Drenthe mit machte toe becrachtighen, in te wynnen ende weder an onse stichte te werven. Ende omme zulc groet onrecht ende ghewelt, alse onsen lande ende gestichte geschiet is vermids der verzettingen, dat dat vorghen. hues ende borgh verzat was van onsen gestichte, weer te verhueden, soe hebben wi hem geloeft ende laven vastlic mit dessen breve voer ons ende vor onse nacomelinge bisscope tUtrecht, dat wij onse vorghen. hues, borgh ende stat toe Coeverden ende land van Drenthe bi rade onser stede vorghen. ende der wijsheit slands van Drenthe zetten ende verzekeren solen mit gueder hoede ende bewaringhe eens amptmans uyt den lande van Drenthe of uyt onsen lande van Zalland, gheliic dat wij oec den Drenthen geloeft hebben sonder enigherhande upslach of guet up te lenen, die dit vorghen. hues, borgh, stat ende land trouweliken als een guet amptman ende castelleyn holden, hoeden ende waren sal bij rade ende consente ons ende onser steden vorghen. mit alsulker verzekernisse, als ons ende onsen steden vors. sal duncken, dat bescheidelic is. Voert soe zal diezelve amptman helpen beschudden ende beschermen onse land van Zalland voer roef, voer brant ende alle gheweldelike zaken mit denghenen, die hij daerbij bidden ende baden mach na siinre macht. Ende weert dat wij aflivich of ghetransfferiert worden in een ander ghestichte, soe sal die amptman dat hues, borgh ende stat toe Coeverden vors. in nyemans hand brenghen dan bij rade ende ghehiete onser steden vors. toe behoef onss ghestichts van Utrecht, thent dier tijt toe dat onse nacomelinge, bisscope tUtrecht, denselven steden breve ghegheven ende besegelt hadde van alle den punten ende in derselver formen alse dese brief begrepen heft. Ende wanneer dit geschiet is, soe sal die amptman onsen nacomelinge dat hues, die borgh ende stat toe Coeverden overleveren mit horen toebehoren daermede voert omme te ghane alse vors. is. Ende alle desse vors. punten zal die amptman zekeren ende zweren over den hilghen mit upgherichten vingheren ghestaefdes eeds ende des zine apene brieve ons ende onsen steden vorghen. daerup gheven mit der verzekernisse, die hij daerup doen sal, stede vast ende onverbreclic te holden ende te doene. Voert so moeghen wij ende onse nacomelingen, bisscope tUtrecht, den amptman vors. zetten ende ontzetten, alse vake als ons dat ghadet ende noet is bi rade onser steden vors. ende der wijsheit van Drenthe, ende die zal zweren ende verzekeringhe doen ende sine apene breve daerup gheven ons ende onsen steden vors. in aller formen alse vors. is. Voert soe soelen ghemeynlic onse lieve burghere van Deventer, Campen ende Zwolle mit horen guede tollevrij varen ende comen te water ende te lande ende des onrades van tolle ende wechgelde ontslaghen wesen in onsen lande ende doer onse land van Drenthe ende van Coeverde, want sie binnen onsen stichte ghene tolle schuldich en sin, sonder arghelist. In orconde des so hebben wij onse seghel an desen brief doen hanghen. Gegeven int jaer ons Heren dusent driehondert zesse ende tnegentich des zes ende twintichsten daghes in der maent van December. Presentibus de consilio dominis Wilhelmo de Renen, scolastico Trajectensi, Hermanno de Randenrade, milite, Swedero de Rechteren, Rutgero de Doernic et Henrico Zuer .
x
| Fonds | Oorkondenboek Groningen en Drenthe |
|---|---|
| Nr | 941 |
| Olim | Naar een origineel (A) in het gemeentearchief te Deventer (Inv. no. 48), hoog 23, breed 30 cm, vergeleken met een dito (B) in het gemeentearchief van Kampen (Reg. I, no. 319), hoog 21, breed 32 cm, en een dito (C) in het gemeentearchief van Zwolle, hoog 23, breed 30,5 cm. Afschrift in het Div. I Fred. de Blankenheim, fol. 95, en in het register Inv. no. 1607, fol. 11 te Deventer. Gedrukt bij Dumbar, Analecta, II, blz. 375, Kerkel. en Wereldl. Deventer, I, blz. 626; v. Mieris, Groot Charterboek, III, blz. 650 en v. Idsinga, Staatsrecht, II, blz. 17. |
| Jaar | 1396 |
| Datumcode | 2612 |
x
| Commentaar | Aan A hangt het ronde zegel van den Bisschop in roode was, vertoonende een schild beladen met een kruis en een middenschild, waarop een klimmende leeuw; randschrift : S. . . . EPISCOPI TRAIECTENSIS. Aan B hetzelfde zegel met randschrift : S. FREDERICI EPISCOPI TR AIECTENSIS. Aan C hetzelfde zegel met randschrift . . . FRED . . . COPI TRAJECTENSIS. |
|---|