| Nummer:ogd1023 | Datum:27 febr. 1399 | Overlevering:Editie | Vindplaats:Oorkondenboek Groningen en Drenthe, nr. 1023 |
Frederik, bisschop van Utrecht, verklaart, dat het bezegelen van de overeenkomst met de stad Groningen na de steden van Overijsel, de stad Amersfoort in haar oude voorrechten zal schaden.
Frederic, bi der genade Gods bisscop tUtrecht, maken kond ende kenlic allen luden, want wij vermids onse rade ende bi vriende ende
deputaten der eerbare besceyde hide onss capittels van Utrecht, onss stat ende stede gededingt hebben mit ons
stat van Groeningen seker vorwaerden, daer brieve af gemaect siin, besegelt mit onsen segelen van beiden tsiden, welke brieve onse capittel van
den Doem, onse stat van Utrecht ende onse stede van Amersforde, van Deventer, van Campen ende van Zwolle om bede wille onss ende onser stad van
Groeningen om der meerre oirconde willen mede besegelt hebben, ende want onse stad van Amersfoirde in denselven brieven laetste van den steden
gescreven staen, ende after gesegelt hebben, daer sij doch off menen, dat sij mit rechte ende van olden heercomen voer onse stede van Overijsel
staen ende segelen soelden, soe bekennen wij , dat onse stad van Amersforde voirs. toe deser tijt om onss, onss capittels ende onss stat van
Utrecht bede wille die brieve besegelt hebben, behoudelic hem al hoere vordele, oude heercomen ende rechte, dat sij van ouds gehadt hebben. Ende
loven mede voir onss ende onse nacomelingen, dat sij tot anderen tiden, als dat meer gevalt, segelen en staen soelen op die stede, daer hem dat
gebuert van oude heercomen ende van rechte, soe dat hem dese voirg. segelinge van Groeningen nerghent ynne an horen vordel, ouder gewoente ende
rechte con scaden ofte te hinder en sal comen. In oirconde der waerheyt hebben wij onse segel an desen brieff gehangen. Gegeven int jaer ons
Heren dusent driehondert negen ende tnegentich des Donredages na sinte Mathiisdach apostels.
deputaten der eerbare besceyde hide onss capittels van Utrecht, onss stat ende stede gededingt hebben mit ons
stat van Groeningen seker vorwaerden, daer brieve af gemaect siin, besegelt mit onsen segelen van beiden tsiden, welke brieve onse capittel van
den Doem, onse stat van Utrecht ende onse stede van Amersforde, van Deventer, van Campen ende van Zwolle om bede wille onss ende onser stad van
Groeningen om der meerre oirconde willen mede besegelt hebben, ende want onse stad van Amersfoirde in denselven brieven laetste van den steden
gescreven staen, ende after gesegelt hebben, daer sij doch off menen, dat sij mit rechte ende van olden heercomen voer onse stede van Overijsel
staen ende segelen soelden, soe bekennen wij , dat onse stad van Amersforde voirs. toe deser tijt om onss, onss capittels ende onss stat van
Utrecht bede wille die brieve besegelt hebben, behoudelic hem al hoere vordele, oude heercomen ende rechte, dat sij van ouds gehadt hebben. Ende
loven mede voir onss ende onse nacomelingen, dat sij tot anderen tiden, als dat meer gevalt, segelen en staen soelen op die stede, daer hem dat
gebuert van oude heercomen ende van rechte, soe dat hem dese voirg. segelinge van Groeningen nerghent ynne an horen vordel, ouder gewoente ende
rechte con scaden ofte te hinder en sal comen. In oirconde der waerheyt hebben wij onse segel an desen brieff gehangen. Gegeven int jaer ons
Heren dusent driehondert negen ende tnegentich des Donredages na sinte Mathiisdach apostels.
x
| Fonds | Oorkondenboek Groningen en Drenthe |
|---|---|
| Nr | 1023 |
| Olim | Naar een afschrift vervaardigd door de heer W. F. N. van Rootselaar, waarnemend archivaris te Amersfoort, van het origineel in het gemeentearchief te Amersfoort, hoog 14, breed 25,3 cm. Ook gedrukt bij Matthaeus de Nobilitate, blz. 895; v. Idsinga, Staatsrecht, II, blz. 29. |
| Jaar | 1399 |
| Datumcode | JpMatthi |