| Nummer:ogd1027 | Datum:31 maart 1399 | Overlevering:Editie | Vindplaats:Oorkondenboek Groningen en Drenthe, nr. 1027 |
Wicbolt Vrydema, bisschop van Pherae, en zijn oom Albrecht Vrydema ontslaan de stad Groningen van alle verplichtingen wegens Verydemagoed en land.
Wy, Wicbolt Vrydema, by Gods ghenaden biscop to Phere, ende mester Albrecht Vridema, onze lieve oem, doen kundich allen lueden ,
de dezen openen breef sullen zien of horen lezen, dat wy met gueden vorzinne ende met beradenen moede hebben vrij, quiit ,
ledich ende loes gheschulden vor ons ende vor onse erfghenamen de eersame, wyze ende bescheden luede borghermestere, raet ende ghemene stad van Groninghen van alre ansprake, de wy van onser weghen ende van Elteken Wicboldes ende Wichers Verydema, onser omen ende broders weghen, den God ghenedich zie, up de vors. stad van Groninghen ghehad hebben vor dezen daghe to als van Verydema lande ende guedes weghen, also dat wy of onse erfghenamen of negheen man van onser weghen, de van Groninghe bed anspreken en sullen of en moghen van der vors. sake weghen. Ende weerd sake dat daer jeneghe processe of mandata gheghaen weren teghen de van Groninghen van dezer sake weghen, de en sullen ghene macht hebben, ende de schelde wy vrij ende quiit ende loven met dezen breve de van Groninghen daer al schadeloes van to holden. Hiir is to gheseghet, weert sake dat de van Groninghe hiirnamaels breve mochten vinden, daer zie claerlike mede bewizen mochten, dat wy met rechte neghene sprake up de van Groninghen ghehad en hadden, so solden de sestien olde schilde rente quiit wezen, de zie ons biscop Wicbolde vors. bewyest hebben jaerlikes to nemen uet horen raedhues tot onsen lyve ende nyet langher, mer wes van der vors. rente dan gheboerd ware, dat solde ghebord bliven. Al arghelist uetghesproken. In orkunde der waerheyt so hebbe wy, biscop Wicbolt ende mester Albrecht Vrydema vors., onze seghele an dezen breef ghehanghen vor ons ende vor onse erfghenamen. Ghegheven in den jaer ons Heren duzend drehondert neghen ende neghentich des Maendaghes to Paeschen .
de dezen openen breef sullen zien of horen lezen, dat wy met gueden vorzinne ende met beradenen moede hebben vrij, quiit ,
ledich ende loes gheschulden vor ons ende vor onse erfghenamen de eersame, wyze ende bescheden luede borghermestere, raet ende ghemene stad van Groninghen van alre ansprake, de wy van onser weghen ende van Elteken Wicboldes ende Wichers Verydema, onser omen ende broders weghen, den God ghenedich zie, up de vors. stad van Groninghen ghehad hebben vor dezen daghe to als van Verydema lande ende guedes weghen, also dat wy of onse erfghenamen of negheen man van onser weghen, de van Groninghe bed anspreken en sullen of en moghen van der vors. sake weghen. Ende weerd sake dat daer jeneghe processe of mandata gheghaen weren teghen de van Groninghen van dezer sake weghen, de en sullen ghene macht hebben, ende de schelde wy vrij ende quiit ende loven met dezen breve de van Groninghen daer al schadeloes van to holden. Hiir is to gheseghet, weert sake dat de van Groninghe hiirnamaels breve mochten vinden, daer zie claerlike mede bewizen mochten, dat wy met rechte neghene sprake up de van Groninghen ghehad en hadden, so solden de sestien olde schilde rente quiit wezen, de zie ons biscop Wicbolde vors. bewyest hebben jaerlikes to nemen uet horen raedhues tot onsen lyve ende nyet langher, mer wes van der vors. rente dan gheboerd ware, dat solde ghebord bliven. Al arghelist uetghesproken. In orkunde der waerheyt so hebbe wy, biscop Wicbolt ende mester Albrecht Vrydema vors., onze seghele an dezen breef ghehanghen vor ons ende vor onse erfghenamen. Ghegheven in den jaer ons Heren duzend drehondert neghen ende neghentich des Maendaghes to Paeschen .
x
| Fonds | Oorkondenboek Groningen en Drenthe |
|---|---|
| Nr | 1027 |
| Olim | Naar het origineel in het rijksarchief te Groningen (Reg. 1399, no. 17), hoog 22, breed 32 cm. |
| Jaar | 1399 |
| Datumcode | LpPasche |
x
| Commentaar | Aan het stuk hangen twee zegels in groene was. Het ene, rond, vertoont drie gekroonde heiligenfiguren, elk onder een gothiek baldakijn, de eerste is de heilige Catharina met rad en zwaard, de tweede is de moeder Maria met het kind, de derde is de heilige Barbara met monstrans en zwaard, onder deze figuren een knielende bisschop met staf, geflankeerd door twee schilden in schuine houding, waarop een schuine balk met drie bollen; randschrift : . . . S. SEC . . . WICBOLDI VRYDAMA. Het andere is ovaal, vertonende Christus aan het kruis, aan de ene zijde Maria, aan de andere Magdalena, het geheel in een boogvormig versierde rand; randschrift : . . . MGR ALBERTI VRYDAMA PBRI. |
|---|