| Nummer:ogd1088 | Datum:23 nov. 1400 | Overlevering:Editie | Vindplaats:Oorkondenboek Groningen en Drenthe, nr. 1088 |
Burgemeesters en raad van Groningen roepen in hun twist met bisschop Frederik van Blankenheim de bemiddeling in van de geestelijkheid en de regering van de stad Keulen.
Erwardighe, waelgheminde heren ende lieven vriende. Uwer beschedenheyt ziin ghenoechlich to weten, dat ons
groet noet is u ende allen heren, steden unde erbaren lueden to kronen ende to claghen de grote ghewelt, overlast ende
onrecht, de ons doet de hoechgeborne here her Frederic van Blankenhem, biscop tUtrecht, boven breve, ende is onse viant gheworden met ,zinen
steden ende ghestichte onvervolghet, aleer wy wisten, waervore hie ons ansprac ende scult gaf, ende wil ons dringhen hem to hulden, des zine
vorvaders biscope tUtrecht nye ghedaen en hebt, ende to treden van onsen olden rechten ende vriheden, de wy hiirto ghehad hebben , dat ons zwaer
to lyden waer , daer wy dat keren mochten boven alsodane breve als hie ons selven gegeven ende beseghelt hevet ende den menen lande van
Vreesland , ende boven alsodane breve als ons de heerscap van Covorde ende dat land van Drenthe ghegheven ende beseghelt hebt , de hie
gheconfirmeret ende ghestedighet hevet tot ewighen daghen , daer wy uwer beschedenheyt copien van sanden by dezen bode ende bidden uwer
erbarheyt , dat ghy de lezen wilt ende copien daeruet nemen wilt , oft es u ghenoghet , ende den bode de copie wedergheven , updat ghy de
claerliker moghen weten onse recht ende de ghewelt , de ons ghesceet. Ende daerto so hevet hie ons roef, brand ende vanghenscap ghedaen ende een
slod vor onser stad ter were by Nordlaren upgheslaghen boven de vors. breve ende hevet de vrie koningstrate togeslaghen allen gueden koepluden ,
de onse markede pleghen to versoken , to hinder ende to schade ende teghens mene nutticheyt ende verbedet onsen boden , dat se met onsen breven
in ziin ghestichte ende daerdore nyet lopen moten , dat ons donket kranke reden wezen. Ende want wy deze ghewelt, overlast ende onrechte gheerne
wederstaen solden na onsen vermoghen , hiirum so bidde wy uwer erbare beschedenheyt , dat ghy den erwerdighen here , den biscop van Utrecht
vors. , daeran guedliken onderwisen wilt , als sich dat also ghevalt, dat hie ons onrechtes verdraghe; ende wilt ons gonstich ende vorderlich
wezen tot onsen rechte, want wy anders nyet en gheren dan hem altoes to doen, des wy hem met rechte sculdich ziin to doen na herkomst ende na
breven , ende desghelike daghe met hem to holden , indyen dat ons desghelikes weder van hem ghescheen moghe. God onze lieve Here beware u
altoes. Ghescreven onder onser stad secreet up sente Clemensdach in den jaer van 1400. Borghermestere ende raet in Gronninghen .
groet noet is u ende allen heren, steden unde erbaren lueden to kronen ende to claghen de grote ghewelt, overlast ende
onrecht, de ons doet de hoechgeborne here her Frederic van Blankenhem, biscop tUtrecht, boven breve, ende is onse viant gheworden met ,zinen
steden ende ghestichte onvervolghet, aleer wy wisten, waervore hie ons ansprac ende scult gaf, ende wil ons dringhen hem to hulden, des zine
vorvaders biscope tUtrecht nye ghedaen en hebt, ende to treden van onsen olden rechten ende vriheden, de wy hiirto ghehad hebben , dat ons zwaer
to lyden waer , daer wy dat keren mochten boven alsodane breve als hie ons selven gegeven ende beseghelt hevet ende den menen lande van
Vreesland , ende boven alsodane breve als ons de heerscap van Covorde ende dat land van Drenthe ghegheven ende beseghelt hebt , de hie
gheconfirmeret ende ghestedighet hevet tot ewighen daghen , daer wy uwer beschedenheyt copien van sanden by dezen bode ende bidden uwer
erbarheyt , dat ghy de lezen wilt ende copien daeruet nemen wilt , oft es u ghenoghet , ende den bode de copie wedergheven , updat ghy de
claerliker moghen weten onse recht ende de ghewelt , de ons ghesceet. Ende daerto so hevet hie ons roef, brand ende vanghenscap ghedaen ende een
slod vor onser stad ter were by Nordlaren upgheslaghen boven de vors. breve ende hevet de vrie koningstrate togeslaghen allen gueden koepluden ,
de onse markede pleghen to versoken , to hinder ende to schade ende teghens mene nutticheyt ende verbedet onsen boden , dat se met onsen breven
in ziin ghestichte ende daerdore nyet lopen moten , dat ons donket kranke reden wezen. Ende want wy deze ghewelt, overlast ende onrechte gheerne
wederstaen solden na onsen vermoghen , hiirum so bidde wy uwer erbare beschedenheyt , dat ghy den erwerdighen here , den biscop van Utrecht
vors. , daeran guedliken onderwisen wilt , als sich dat also ghevalt, dat hie ons onrechtes verdraghe; ende wilt ons gonstich ende vorderlich
wezen tot onsen rechte, want wy anders nyet en gheren dan hem altoes to doen, des wy hem met rechte sculdich ziin to doen na herkomst ende na
breven , ende desghelike daghe met hem to holden , indyen dat ons desghelikes weder van hem ghescheen moghe. God onze lieve Here beware u
altoes. Ghescreven onder onser stad secreet up sente Clemensdach in den jaer van 1400. Borghermestere ende raet in Gronninghen .
x
| Fonds | Oorkondenboek Groningen en Drenthe |
|---|---|
| Nr | 1088 |
| Olim | Naar het origineel op papier zonder watermerk, in het Stadtarchiv te Keulen (Hanze Pap. Or. no. 162), hoog 23, breed 30 cm. |
| Jaar | 1400 |
| Datumcode | Clemen |