De pastoor en overheden van Zuidwolde verklaren, dat Wicboldus Veridema, bisschop van Pherae, Aijleko Spylman en Diedeke, zijn vrouw, Roelvesmagoed aan Gherardus Entes hebben verkocht en overgedragen.

Nos, Wilhelmus curatus, Wybrandus, Tadeko et Focko, consules, in Zuetwolde Mona-steriensis dyocesis, notum facimus universis per presentes
litteras publice
protestando, quod in nostra constituti presencia venerabilis vir Wicboldus Veridema, episcopus Ferensis, necnon Ayleko Spylman et Diedeke, uxor
sua
legitima. Idem dominus Wicboldus recognovit se de voluntate, consensu et assensu predictorum Aylekonis et Diedeke vendidisse Gherardo Entes,
alias dicto Ghode Gheert, et heredibus suis unam domum lapideam cum area sua ac unam domum ligneam huic adjacenti cum area sua necnon
septuaginta graminata terre penes dictas domos et areas circumjacentia cum omnibus pertinenciis suis, quam vendicionem idem Ayleko et Diedeke in
presencia nostra pro omni jure suo approbaverunt et ratificaverunt. Et idem dominus Wicboldus de expressa voluntate dictorum conjugum premissas
domos et areas ac predicta septuaginta graminata terre cum suis pertinenciis prefato Gherardo et heredibus suis cum omni jure possessions ,
proprietatis et dominii resignavit perpetue possidenda. Que domus , aree et predia suprascripta situata sunt in predicta parrochia de Zuetwolde
et sunt vulgariter nuncupata bona Roelvesma. Et pro premissis bonis idem Gherardus ratione emptionis sue recognovit se teneri et obligatum fore
predicto domino episcopo in sexcentis scudatis monete Groninghensis , que sibi ad voluntatem suam solvere promisit , preter centum florenos
Ghelrenses tredecim grossos Flandrenses pro quolibet floreno computando , quos idem Gherardus de voluntate predicti domini Wicboldi episcopi
solvere promisit predictis Aylekoni et Diedeke infra duodecim dies, festum Nativitatis Christi proxime futurum immediate sequentes, in
defalcacionem predictorum sexcentorum scudatorum. Et idem Gherardus tradidit et resignavit predictis Aylekoni et Diedeke ad usum vite sue,
quamdiu unus eorum vixerit, usufructum unius domus lignee cum area sua , site in Groninghen a parte occidentali porte , que vocatur
Botteringepoerte , ex opposita muri opidi Groninghen Trajectensis dyocesis juxta predia Bernardi Slochters , que sunt versus occidentem. Et
ipsam domum idem Gherardus vel heredes sui, quamdiu dicti conjuges vixerint vel unus eorum vixerit, in omnibus firmam conservabunt. In quorum
testimonium ego, Wilhelmus, curatus premissus, pro me et pro prefatis Wybrando, Tadekone et Fockone, consulibus, sigillum meum presentibus duxi
appendendum. Et nos , Wibrandus , Tadeko et Focko , quia sigillis caremus , sigillo predicti domini Wilhelmi , curati nostri , utimur ad presens
, in quo hac vice sumus contenti. Datum anno Domini MCCCC tercio in die sancti Thome apostoli .

x

x

Fonds	Oorkondenboek Groningen en Drenthe
Nr	1166
Olim	Naar het origineel in het rijksarchief te Groningen (Reg. 1403, no. 9), hoog 15,8, breed 25 cm.
Jaar	1403
Datumcode	Thome

x

x

x

Commentaar	Aan de strook hangt een klein rond zegel in groene was, vertonende in een tripas een schild, waarop twee sterren, en daaronder een W; randschrift : WILH . . . I SUTWOLDE.

x

Materiaal	papier

x

Edities	P.J. Blok e.a., Oorkondenboek van Groningen en Drente, II (Groningen 1899), nr. 1166.