| Nummer:ogd1171 | Datum:14 febr. 1404 | Overlevering:Editie | Vindplaats:Oorkondenboek Groningen en Drenthe, nr. 1171 |
Burgemeesters en raad van Groningen verklaren, dat Herman Syerdeman in erfpacht heeft genomen een erf in de Brugstraat van de gebroeders Alberd en Everd Wicbolts.
Wy, borghermestere ende raet van Groninghen, bekennen ende betughen met dezen opnen breve, dat Herman Syerdeman
hevet ghehuerd ene hofstede met al horen tobehoren achter ende vore, daer ziin hues nu ter tiit up ghetimmerd
staet, vor hem ende vor sine erfghenamen tot ewigher hure teghen Alberd ende Everd Wicbolts, ghebroders, des jaers vor dre guede olde guldene
scilde der munte des koninghes van Francrike, de ghemaket ziin vor datum des breves, ende vor een quartier van enen olden franschen scilde als
vors. is of payment daervore, dat in Groninghe daer gued vor is, to betalen elkes jaers als een stadrecht is, ende vor twe kroes wiins to
betalen jaerlix, dat ene kroes up den hilghen Paeschedach ende dat ander kroes des Maendaghes to Paeschen. Deze vors. hofstede is gheleghen in
de nordzide van der Brugghestrate by Albertes ende Everdes erve vors., dat an de oesterzide leghet, daer een wech by leghet an de westerzide, de
to Stickels mole ghaed. Dat orkunde wy met onser stad seghele. Ghegheven in den jaer ons Heren dusent vyerhondert ende vyer up sente
Valentinusdach, do Everd Sickinc, Frederic van Aerlo, Alberd Wicbolts ende Coppiin Jarighes borghermestere waren onser stad. Ende deze vors.
jaermale sullen angaen to sente Mychele naestkomende .
hevet ghehuerd ene hofstede met al horen tobehoren achter ende vore, daer ziin hues nu ter tiit up ghetimmerd
staet, vor hem ende vor sine erfghenamen tot ewigher hure teghen Alberd ende Everd Wicbolts, ghebroders, des jaers vor dre guede olde guldene
scilde der munte des koninghes van Francrike, de ghemaket ziin vor datum des breves, ende vor een quartier van enen olden franschen scilde als
vors. is of payment daervore, dat in Groninghe daer gued vor is, to betalen elkes jaers als een stadrecht is, ende vor twe kroes wiins to
betalen jaerlix, dat ene kroes up den hilghen Paeschedach ende dat ander kroes des Maendaghes to Paeschen. Deze vors. hofstede is gheleghen in
de nordzide van der Brugghestrate by Albertes ende Everdes erve vors., dat an de oesterzide leghet, daer een wech by leghet an de westerzide, de
to Stickels mole ghaed. Dat orkunde wy met onser stad seghele. Ghegheven in den jaer ons Heren dusent vyerhondert ende vyer up sente
Valentinusdach, do Everd Sickinc, Frederic van Aerlo, Alberd Wicbolts ende Coppiin Jarighes borghermestere waren onser stad. Ende deze vors.
jaermale sullen angaen to sente Mychele naestkomende .
x
| Fonds | Oorkondenboek Groningen en Drenthe |
|---|---|
| Nr | 1171 |
| Olim | Naar het origineel in het rijksarchief te Groningen (Reg. 1404, no. 2), hoog 10, breed 24 cm. |
| Jaar | 1404 |
| Datumcode | Valent |