| Nummer:ogd1179 | Datum:25 mei 1404 | Overlevering:Editie | Vindplaats:Oorkondenboek Groningen en Drenthe, nr. 1179 |
Renke van Kantens en zijn vrouw verklaren aan Aweke Ewesma onroerend goed te hebben verkocht en over gedragen.
Wy, Renke to Kantense ende Etteke, mynen wiif, [doen k]undich allen lueden met dezen openen breve, dat
wy met onsen vryen willen ende met gueden vorberade hebben vercoft Aweken Ewesma twelef hondert
landes met horen tobehoren , de gheleghen ziin bynnen Uethusum ende horen to Tyardesmaheerde , de wy in vortiden ghewesselt hadden teghen Aweken
vors. bynnen een hues , dat gheheten is Ghaykamahues , met twelef hondert landes , de daerto behoren , dat to Myddelstum gheleghen is , vor ene
summe gheldes , de ons Aweke vors. vol ende al betaelt hevet. Ende deze twelef hondert landes met horen tobehoren hebben wy , Renke ende Tetteke
vors. , upghedraghen vor ons ende vor onse erfghenamen Aweken vors. ende horen erfghenamen vry ende quiit met allen rechte ende eghendome
eweliken to bruken ende to besitten, to zetten ende to verkopen ende hore vryen wille mede to done. Ende wat guede Aweke vors. anders teghen ons
ghecoft hevet, dat is al wal betaelt. In orkunde der waerheyt , want wy , Renke ende Etteke vors. , selven neghene seghele en hebben , so hebben
wy ghebeden her Johanne , den abt van Zelewart , ende her Hayken van Kantenze , onsen hovetpreyster , dezen breef vor ons to beseghelen. Ende wy
, her Johan, abt, ende her Hayke, cureyt vors. , hebben onse seghele an dessen breef ghehanghen um bede willen Renken ende Etteken vors. ende
oech daerumme , want se dessen saken vors. vor ons an beyden ziden becand hebben. Ghegheven in den jaer ons Heren dusent vyerhondert ende vyer
up sente Urbanusdach .
wy met onsen vryen willen ende met gueden vorberade hebben vercoft Aweken Ewesma twelef hondert
landes met horen tobehoren , de gheleghen ziin bynnen Uethusum ende horen to Tyardesmaheerde , de wy in vortiden ghewesselt hadden teghen Aweken
vors. bynnen een hues , dat gheheten is Ghaykamahues , met twelef hondert landes , de daerto behoren , dat to Myddelstum gheleghen is , vor ene
summe gheldes , de ons Aweke vors. vol ende al betaelt hevet. Ende deze twelef hondert landes met horen tobehoren hebben wy , Renke ende Tetteke
vors. , upghedraghen vor ons ende vor onse erfghenamen Aweken vors. ende horen erfghenamen vry ende quiit met allen rechte ende eghendome
eweliken to bruken ende to besitten, to zetten ende to verkopen ende hore vryen wille mede to done. Ende wat guede Aweke vors. anders teghen ons
ghecoft hevet, dat is al wal betaelt. In orkunde der waerheyt , want wy , Renke ende Etteke vors. , selven neghene seghele en hebben , so hebben
wy ghebeden her Johanne , den abt van Zelewart , ende her Hayken van Kantenze , onsen hovetpreyster , dezen breef vor ons to beseghelen. Ende wy
, her Johan, abt, ende her Hayke, cureyt vors. , hebben onse seghele an dessen breef ghehanghen um bede willen Renken ende Etteken vors. ende
oech daerumme , want se dessen saken vors. vor ons an beyden ziden becand hebben. Ghegheven in den jaer ons Heren dusent vyerhondert ende vyer
up sente Urbanusdach .
x
| Fonds | Oorkondenboek Groningen en Drenthe |
|---|---|
| Nr | 1179 |
| Olim | Naar het origineel in het rijksarchief te Groningen (Reg. 1404, no. 18), hoog 12, breed 27,5 cm. |
| Jaar | 1404 |
| Datumcode | Urbani |
x
| Commentaar | Aan het stuk hangen twee ronde zegels in groene was. Het ene vertoont de heilige Catharina in een nis; randschrift: S. ABBATIS DE ZILWART; het andere vertoont een gothieke H, waarboven een kroon; randschrift: S. DNI HA . . . ANTESI. |
|---|