| Nummer:ogd1206 | Datum:11 febr. 1405 | Overlevering:Editie | Vindplaats:Oorkondenboek Groningen en Drenthe, nr. 1206 |
De overheden van de drie steden Deventer, Kampen en Zwolle geven haar toestemming tot verpanding van het kasteel te Coevorden aan Johan van Buchorst, totdat de hem verschuldigde som zal zijn betaald.
Wy, ghemene scepene ende rade van Deventer, Campen ende Zwolle, maken kond allen luden, dat die eerwerdige in Gode vader ende here, her Frederic
van Blanckenhem, bi der genaden Godes bisscop tUtrecht, onse lieve genedige here, omme te besorgen, dattet hues, die borgh ende stad van
Coeverden mit allen horen toebehorn, die mit groten zwaren cost ende arbeide yngewonnen is, nyet weder van den gestichte vervreemt noch
ontferret en werde, ons sine brieve besegelt gegeven heft, ynholdende, dat hy dat hues ende die borch verzekeren sal bi onsen rade ende
guetduncken mit enen gueden amptman uyt Zalland of uyt Drenthe, die zweren sal datselve hues, borgh ende stat mit alle horen toebehoren
trouliken te holden, te hueden ende te bewaren tot des gestichts behoef van Utrecht sonder gelt daerup te lenen of opslach daerup te maken. Ende
want onse lieve genedige here van Utrecht na inholt der vors. brieve dat hues ende de borgh ende stat to Covorde mit alle horen toebehoren bi
onsen rade ende guetduncken toe deser tijt Johanne van Buchorst bevolen heeft ende oec wal weten ende bekennen, dat Frederic van der Eze, die
amptman to Koverden te wesen plach, onsen lieven ghenedigen heren van Utrecht bi onsen consent ende wille verleecht ende betaelt heeft an hande
der erfgenamen Zweders van Rechter, den God genedich sij, die voer hem amptman te wesen plach, ende onsen ghenedigen heren an tymmeringen des
huyses van slotes ende stat van Coverden ende mede an cost ende anderen zaken uytghedaen ende verleecht hadde tot M oelden Vrancrixschen scilden
toe, gelijc dat Zweder vors. die onsen lieven heren van Utrecht vors. in onser theghenwordicheit gherekent ende wal bewiset hadde, welke M oelde
Vrancrixe (schilde) Johan van Buchorst, die nu amptman is, trouwelike ende guetliken verleecht ende betaelt heeft an hande Frederics van der
Eze, dat bi onsen wille ende consente geschiet is ende ons des ghenoecht. Ende want wi wal besinnen, dat nyet redelic en were, dat dieselve
Johan of siin erfgenamen alsulker trouwen alse sie onsen ghenedigen heren van Utrecht ende sinen gestichte hiirmede bewiist hebben ontghulde of
daerbi tachteren queme, so mach onse lieve here van Utrecht vors. of sine erfgenamen daervoer vesten an dat hues, stat, borgh ende ampte van
Coverden mit horen toebehoren, ende dat moghen Johan ende siin erfgenamen daervoer onderholden ende ynnesitten bliven, thent dier tijt dat hem
van den vorg. M olden Vrancrixen schilden al voldaen is ende ghenoech gheschiet, mit alsulker vorwerden, dat Johan vorg. in afcurtinge der M
olden scilde vorg. alle jare alsolange als hi amptman is afcurten sal L olde scilde ende die inbeholden van den renten ende opcomingen des
amptes vors. Ende dit sal men doen alsolange, thent die M olde scilde vorg. vol ende al betaelt sin, onverbroken des eeds, den he ons gedaen
heeft, beholdelic ons dat ons ghenedigen heren brief vors. daerenteends in alle siinre macht sal bliven sonder eniger argelist. In orkonde des
briefs so hebben wi desen brief besegelen doen mit onser stede segelen. Ghegeven int jaer ons Heren MIIIIC ende V des XI dages in Februario.
van Blanckenhem, bi der genaden Godes bisscop tUtrecht, onse lieve genedige here, omme te besorgen, dattet hues, die borgh ende stad van
Coeverden mit allen horen toebehorn, die mit groten zwaren cost ende arbeide yngewonnen is, nyet weder van den gestichte vervreemt noch
ontferret en werde, ons sine brieve besegelt gegeven heft, ynholdende, dat hy dat hues ende die borch verzekeren sal bi onsen rade ende
guetduncken mit enen gueden amptman uyt Zalland of uyt Drenthe, die zweren sal datselve hues, borgh ende stat mit alle horen toebehoren
trouliken te holden, te hueden ende te bewaren tot des gestichts behoef van Utrecht sonder gelt daerup te lenen of opslach daerup te maken. Ende
want onse lieve genedige here van Utrecht na inholt der vors. brieve dat hues ende de borgh ende stat to Covorde mit alle horen toebehoren bi
onsen rade ende guetduncken toe deser tijt Johanne van Buchorst bevolen heeft ende oec wal weten ende bekennen, dat Frederic van der Eze, die
amptman to Koverden te wesen plach, onsen lieven ghenedigen heren van Utrecht bi onsen consent ende wille verleecht ende betaelt heeft an hande
der erfgenamen Zweders van Rechter, den God genedich sij, die voer hem amptman te wesen plach, ende onsen ghenedigen heren an tymmeringen des
huyses van slotes ende stat van Coverden ende mede an cost ende anderen zaken uytghedaen ende verleecht hadde tot M oelden Vrancrixschen scilden
toe, gelijc dat Zweder vors. die onsen lieven heren van Utrecht vors. in onser theghenwordicheit gherekent ende wal bewiset hadde, welke M oelde
Vrancrixe (schilde) Johan van Buchorst, die nu amptman is, trouwelike ende guetliken verleecht ende betaelt heeft an hande Frederics van der
Eze, dat bi onsen wille ende consente geschiet is ende ons des ghenoecht. Ende want wi wal besinnen, dat nyet redelic en were, dat dieselve
Johan of siin erfgenamen alsulker trouwen alse sie onsen ghenedigen heren van Utrecht ende sinen gestichte hiirmede bewiist hebben ontghulde of
daerbi tachteren queme, so mach onse lieve here van Utrecht vors. of sine erfgenamen daervoer vesten an dat hues, stat, borgh ende ampte van
Coverden mit horen toebehoren, ende dat moghen Johan ende siin erfgenamen daervoer onderholden ende ynnesitten bliven, thent dier tijt dat hem
van den vorg. M olden Vrancrixen schilden al voldaen is ende ghenoech gheschiet, mit alsulker vorwerden, dat Johan vorg. in afcurtinge der M
olden scilde vorg. alle jare alsolange als hi amptman is afcurten sal L olde scilde ende die inbeholden van den renten ende opcomingen des
amptes vors. Ende dit sal men doen alsolange, thent die M olde scilde vorg. vol ende al betaelt sin, onverbroken des eeds, den he ons gedaen
heeft, beholdelic ons dat ons ghenedigen heren brief vors. daerenteends in alle siinre macht sal bliven sonder eniger argelist. In orkonde des
briefs so hebben wi desen brief besegelen doen mit onser stede segelen. Ghegeven int jaer ons Heren MIIIIC ende V des XI dages in Februario.
x
| Fonds | Oorkondenboek Groningen en Drenthe |
|---|---|
| Nr | 1206 |
| Olim | Naar een afschrift in het gemeentearchief te Deventer, in het register Inv. no. 1607, fol. 114 (Inv. Bijl. blz. 217). |
| Jaar | 1405 |
| Datumcode | 1102 |