Auf Bitten des Propstes Heinrich von Reepsholt transsumirt der Erzbischof Gyselbert von Bremen am 15. Januar 1300 eine Urkunde, in welcher der Erzbischof Hildebold von Bremen das zwischen dem Bremer Domdechanten und dem Propste von Reepsholt streitige Patronatsrecht über die Kirche zu Gödens dem Letzteren zuerkennt.

Gyselbertus Dei gratia sancte Bremensis ecclesie archiepiscopus, universis Christi fidelibus hoc scriptum visuris seu audituris salutem et sinceram in Domino karitatem. Accedens ad presentiam nostram dilectus nobis in Christo Hinricus prepositus ecclesie Repesholtensis humiliter supplicavit, ut sibi innovare dignaremur litteras, quas vetustate consumi metuebat continencie seu tenoris infra scripti: Hildeboldus Dei gratia sancte Bremensis ecclesie archiepiscopus, omnibus hanc literam visuris salutem in Domino. Cum inter dilectos in Christo dominum E(ngelbertum)[*] decanum ecclesie nostre ex una et N(icolaum)[*] prepositum in Repesholte ex parte altera, super iure patronatus ecclesie in Godense coram nobis esset questio diutius agitata, utroque ipsorum pro patrono se gerente, et ipsam ecclesiam porrigente, tandem quia inter se concordare non poterant quoquomodo, et ius individuum dividi non poterat nec debebat, in nos pro bono pacis et concordie compromittere taliter curaverunt, ut hinc inde veritate diligenter inquisita inter ipsos materiam dissensionis tolleremus ipsum ius patronatus cui competeret equitate iuris assignando. Quia vero per bonorum virorum testimonia et fide dignorum nobis constat dicte ecclesie in Godense ius patronatus ad preposituram Repesholtensem indubitanter pertinere, et antecessores prefati N(icolai) a longe retroactis temporibus, quorum memoria vix habetur, possessionem vel quasi habuisse pacifice et sine contradictione aliqua ecclesie memorate, dicimus et auctoritate presentium sentencialiter diffinimus, ipsum ius patronatus, de quo inter predictos nominate ecclesie hactenus questio habebatur, ad predictum N(icolaum) prepositum in Repesholte absque dubio pertinere, et collationem a memorato decano factam in ecclesia supradicta aliquatenus non valere. Datum Breme, anno Domini M^o CC^o LX^o VIII^o, in die beati Andree apostoli. Et nos literas antedictas sine vicio quolibet apparentes innovamus in hiis scriptis, in quibus nichil immutavimus seu innovavimus, per quod rei veritas valeat inpediri. In cuius rei testimonium sigillum nostrum presentibus rot appensum. Datum Breme in feria sexta post octavam Epifanie, anno Domini M^o CCC^o.

x

x

Fonds	Ostfriesisches Urkundenbuch, I
Fol.nr.	S. 20
Nr	27
Olim	Nach dem Orig. im Königl. Staats-Archive zu Hannover. - Gedr. Ehrentraut, Friesisches Archiv II. S. 351.
Jaar	1268
Datumcode	Andree

x

x

Materiaal	papier

x

Edities	E. Friedländer, Ostfriesisches Urkundenbuch I (Emden 1878), nr. 27