| Nummer:oub0052 | Datum:Anfang des 14. Jahrhunderts | Overlevering:Editie | Vindplaats:Ostfriesisches Urkundenbuch, I, S. 54, nr. 52 |
Die Häupter des Nordeslandes schreiben dem Rathe von Lübeck in Betreff des streitigen Bergelohns schiffbrüchiger Gitter
Honestis viris et discretis iudicibus in Lubeke, advocati, consules terre Nordensis[*] se ipsos cum salute. Vestre significamus discretioni, quod litteras petitorias recepimus a iudicibus in Hamborg, ut mercedem laborum de bonis naufragantium aput nos fideliter collectis[*] Iohanni et Heinrico, latoribus presentium, dari faceremus. Sed cum hoc vestri nuncii, videlicet frater V., lector fratrum Predicatorum, cum suo socio contradicebant, vobis una cum iudicibus in Hamburg.[*] commisimus iudicandum, ut, quicquid vos una cum illis de mercede dictorum hominum duxeritis ordinandum, nobis per vestras patentes litteras dictam mercedem litteratorie declaretis, bona aput nos medio tempore, donec vestras viderimus litteras, conservando, et obtunc vestris nunciis dicta bona dari integraliter faciemus.[*]
