| Nummer:oub0181 | Datum:18. Nov. 1400 | Overlevering:Editie | Vindplaats:Ostfriesisches Urkundenbuch, I, S. 154, nr. 181 |
Keno tom Brok und Eynard (Ailt) Allena versprechen, sich am nächsten Trinitatisfeste bei dem Herzoge von Geldern als Schiedsrichter zwischen ihnen und den Hansestädten einzufinden, oder vierzehn Tage später in Bremen als Geisseln zu erscheinen.
Wy Kene van dem Broke, hern Okken sone, unde Eynard, [*] Volmer Allen brodersone, don witlik allen luden, de dessen bref zeen edder horen lesen, unde bekennen unde betughen openbare in desser scryfft, dat wii scolen unde willen op den dach Trinitatis neghest to komende to rechte stan vor deme dorluchtighen vorsten, hertoghen van Ghelren, umme alle schelinge, de de menen stede uns to to zeggene hebben. Were aver, dat wi dar nicht en quemen, offt an uns recht nicht ghescheden en worde, unde dat ghebrek an deme vorscreven hertoge offt an uns were, edder dat nicht en helden, dat uns de here to sehedede, so scole wi unde willet verteynacht (so) na deme vorscreven daghe Trinitatis to Bremen yn oppe zuolke ghizelscop unde lofte, alze wy dar vore wesen hebben.[*] Dyt love wy her Henninge van Rentelen, [*] radmanne to Lubeke, hern Alberde Screyen, radmanne to Hamborch, unde Ludere Wolers, radmanne to Bremen, to der stede hant, truweliken, stetliken unde vastliken to holende (so), sunder alle arghelist, nye vuonde edder hulperede. Des to ener groteren betuchnisse, al desse vorscreven stucke stede unde vast to holende (so), hebbe wy Kene unde Eynard vorscreven unse ingezeghel mit wytscop hangen laten to dessem breve. Ghegheven na Ghodes bord in deme verteyn hundersten jare, des achteden daghes sunte Mertens des hilghen[*] biscopes.
