| Nummer:oub0186 | Datum:1401 | Overlevering:Editie | Vindplaats:Ostfriesisches Urkundenbuch, I, S. 158, nr. 186 |
Häuptling Enno Edzardsna von Norden beschwichtigt die Bremer darüber, dass er die Vitalienbrüder begünstige, indem er ihnen schreibt, seine kriegerischen Rüstungen hätten nur den Zweck, die ihm, feindlichen Holländer zu bestrafen.
Erbaren wyzen luden borghermester unde ratluden to Bremen onzen leven vruonden.
Unse vruontlike gruet tovoren unde wes wy goedes vermoghen. Leven vrunde, ja ghenoeghe to weten, dat wi juwen breff wol verstaen hebben, inneholdende alze wo daer en mene gheruechte vor ju ghekomen zy, dat wi de Vytalyenbrodere to uns ghenomen hebben, de den menen kopmanne menet to schadende, waeraf willet weten, leven vruonde, dat de Hollanders hebben uns unde unsen onderzaten groten schaden ghedaen, beyde in lyve unde in goede, unde (noch[*] jo alle daghe doen, dat menyghen[*] goeden manne wol witlic is, daer wis nen bescheyt van kryghen konnen; hyr umme zo hebbe wi soldeners ghewonnen, de welk gheleghen hebben to der Blankewer myt den bisscope van Utrecht unde ok welk in Westfalen, unde en deel van unzen underzaten, de van den Hollanders groten schaden gheleden hebben; desse vorscr. soldeners de zynt myt 1 schepe up der zee unde scholen den Hollanders unde Zelanders schaden, waer se moghen, unde anders nenen steden edder koplueden; daer omme bidde wi ju, leven vruende, dat gi ju des tovreden holden, unde laten uns unse vyanden krenken, went wi ju unde juwen borgheren hulplic unde vorderlic willen wezen, waer wi id vormoghen; wer id ok zake, dat juwen borgheren jenich schade schede van unsen soldeners, den schaden wille wi em verbeteren unde betalen. Ok so bidde wi ju, dat gi nen goet schepen laten juwen borgheren up Hollander bodeme edder nen goet van den Hollanders ontfanghen uppe juwe bodeme. Ghescreven onder onsen zeghele.
Enne Edzerdesna hovetling to Norden.
Unse vruontlike gruet tovoren unde wes wy goedes vermoghen. Leven vrunde, ja ghenoeghe to weten, dat wi juwen breff wol verstaen hebben, inneholdende alze wo daer en mene gheruechte vor ju ghekomen zy, dat wi de Vytalyenbrodere to uns ghenomen hebben, de den menen kopmanne menet to schadende, waeraf willet weten, leven vruonde, dat de Hollanders hebben uns unde unsen onderzaten groten schaden ghedaen, beyde in lyve unde in goede, unde (noch[*] jo alle daghe doen, dat menyghen[*] goeden manne wol witlic is, daer wis nen bescheyt van kryghen konnen; hyr umme zo hebbe wi soldeners ghewonnen, de welk gheleghen hebben to der Blankewer myt den bisscope van Utrecht unde ok welk in Westfalen, unde en deel van unzen underzaten, de van den Hollanders groten schaden gheleden hebben; desse vorscr. soldeners de zynt myt 1 schepe up der zee unde scholen den Hollanders unde Zelanders schaden, waer se moghen, unde anders nenen steden edder koplueden; daer omme bidde wi ju, leven vruende, dat gi ju des tovreden holden, unde laten uns unse vyanden krenken, went wi ju unde juwen borgheren hulplic unde vorderlic willen wezen, waer wi id vormoghen; wer id ok zake, dat juwen borgheren jenich schade schede van unsen soldeners, den schaden wille wi em verbeteren unde betalen. Ok so bidde wi ju, dat gi nen goet schepen laten juwen borgheren up Hollander bodeme edder nen goet van den Hollanders ontfanghen uppe juwe bodeme. Ghescreven onder onsen zeghele.
Enne Edzerdesna hovetling to Norden.
x
| Fonds | Ostfriesisches Urkundenbuch, I |
|---|---|
| Fol.nr. | S. 158 |
| Nr | 186 |
| Olim | Nach dem Orig. im Archive zu Bremen. |
| Jaar | 1401 |
x
| Commentaar | Das Siegel ist nicht mehr vorhanden, doch hat sich das fettige Wachs auf dem in Briefform zusarnmengefalteten Papiere so abgedrückt, dass man in den Umrissen das Bild einer von zwei Lilien begleiteten Harpyie noch zu erkennen vermag. |
|---|