| Nummer:oub0305 | Datum:19. April 1422 | Overlevering:Editie | Vindplaats:Ostfriesisches Urkundenbuch, I, S. 273, nr. 305 |
Ocko tom Brok fördert den Rath von Hamburg zur Absendung von Bevollmächtigten auf.
Borgermesteren unde rade der stad van Hamborg, mynen guden vrunden vrundliken gescreven.
Willigen denst unde wes ik gudes vormach. Guden vrunde, so gij an my gescreven hebbet, juwe vrund van juw unde der ghemenen henstede (so) wegene uth to sendende up den Palmen dagh neyst vorgangen, to vorvolgende de Vitallienbrodere to Dockum[*] unde unser een dem andern trostlik unde behulpelik to wesende etc., dar ik my mid al myner macht unde myne vrende uns to ghesterket hebben, ju darto behulpelik to wesende mid resscope unde groten costen, dat sich doch nicht en vervolget, unde hadde hopet, dat gij alsodanne deghedinge nicht en wolden vorachtert hebben, dar ik unde myne vrend alse mid namen Sibet hovetling in Rustringen uns kostliken up gesatet hadden. Des beghere ik noch, dat gij juwe ernstlike bestandhafftige andworde my wedder scriven bij juwem boden, wes gij bestandaftich wesen willen an dessen zaken, dat ik unde myne vrend in nenen schaden vorder en komen. God zij mid juw. Screven under mynen secret up den hilgen Passche achteden dagh.
Ocko to Broke, Awreke, Emede etc., hovetling in Oestvresland.
Willigen denst unde wes ik gudes vormach. Guden vrunde, so gij an my gescreven hebbet, juwe vrund van juw unde der ghemenen henstede (so) wegene uth to sendende up den Palmen dagh neyst vorgangen, to vorvolgende de Vitallienbrodere to Dockum[*] unde unser een dem andern trostlik unde behulpelik to wesende etc., dar ik my mid al myner macht unde myne vrende uns to ghesterket hebben, ju darto behulpelik to wesende mid resscope unde groten costen, dat sich doch nicht en vervolget, unde hadde hopet, dat gij alsodanne deghedinge nicht en wolden vorachtert hebben, dar ik unde myne vrend alse mid namen Sibet hovetling in Rustringen uns kostliken up gesatet hadden. Des beghere ik noch, dat gij juwe ernstlike bestandhafftige andworde my wedder scriven bij juwem boden, wes gij bestandaftich wesen willen an dessen zaken, dat ik unde myne vrend in nenen schaden vorder en komen. God zij mid juw. Screven under mynen secret up den hilgen Passche achteden dagh.
Ocko to Broke, Awreke, Emede etc., hovetling in Oestvresland.
