| Nummer:oub0380 | Datum:Frühjahr 1430 | Overlevering:Editie | Vindplaats:Ostfriesisches Urkundenbuch, I, S. 352, nr. 380 |
Sibet von Rüstringen beruhigt in einem Schreiben den Rath zu Bremen über dessen Befürchtungen, dass in seiner Fehde mit den Holländern, an denen er wegen der Gefangennehmung seines Grossvaters Edo Wimken Rache nehmen wolle, sowohl die Stadt Bremen als die Hansestädte überhaupt beschädigt werden könnten.
Deme ersamen wisen luden borgermeysteren und raedmannen der stad Bremen mynen guden vrunden.
Minen vrundliken grut und wes ik ju to leve vormach. Ersamen guden vrundes, also ik ju in tyden vorleden gescreven hebbe, als umme den unwillen den ik hebbe mit den van Hollant, dar gy eyn vrundlik bestand up gemakt hadden, dat ik overgeven hadde umme juwer leve und bede willen schedinge to eren und to rechte twisschen den van Hollant und my in uth to zeggende up unsen Vrouwen dach der lateren[*] neist vorgangen etc., und als ik mynes rechtes mit den van Hollant by den van Lubeke, by ju und by den van Hamborch gebleven was de sehedinge uth to zeggende, des nicht geschen is, dat ik genuch vorvolghet hebbe, des ik ju in mynen breve an ju gesand biddende was to vordenckende, dat my van den van Hollant nynerley lyck umme unlyck weddervaren kan, dar gy mit anderen worden up scriven, dat ju sodane unwille und twidracht leet is und de schedinge aldus lange vorholden an ju nicht vorbleven is etc., also gy vurder my biddende zint, dat ik mit den mynen also wille bestellen, dat de juwe und de copman van der gemenen Henze nicht beschedighet werde etc., begher ik ju weten, dat ik mit den juwen und mit den copmanne der gemenen Henze nicht en weet men leeff und ghud des ik my to en yo vormode, uthgesproken dat land van Holland, dar ik in unwillen mede sitte umme des groten untruweliken schichtes willen, dat mynen zelighen grotevadere Eden Wemmekens schude van den Hollanderen, dat ju unde allen guden luden wol witlik is, dar my ny lyck umme schen kunde, des ik hopede to ju, gy en wolden my dar nicht afholden, ik en mochte myn recht vormanen of ik konde und mochte etc. und bidde ju vrundliken, dat gy willen vorwaren und bestellen mit juwen copmanne, dat dar nement ghuden schepe up der Hollander myne vyande bodeme, und dar dat boven desse vorwaringe scheghe und ik myne openbaren vyande lete soken dar de juwe schaden over nemen, dar wolde ik unvormaent af wesen. Sijd Gode bevolen. Screven under mynen secrete.
Sybet hoftling to Rastringen.
Minen vrundliken grut und wes ik ju to leve vormach. Ersamen guden vrundes, also ik ju in tyden vorleden gescreven hebbe, als umme den unwillen den ik hebbe mit den van Hollant, dar gy eyn vrundlik bestand up gemakt hadden, dat ik overgeven hadde umme juwer leve und bede willen schedinge to eren und to rechte twisschen den van Hollant und my in uth to zeggende up unsen Vrouwen dach der lateren[*] neist vorgangen etc., und als ik mynes rechtes mit den van Hollant by den van Lubeke, by ju und by den van Hamborch gebleven was de sehedinge uth to zeggende, des nicht geschen is, dat ik genuch vorvolghet hebbe, des ik ju in mynen breve an ju gesand biddende was to vordenckende, dat my van den van Hollant nynerley lyck umme unlyck weddervaren kan, dar gy mit anderen worden up scriven, dat ju sodane unwille und twidracht leet is und de schedinge aldus lange vorholden an ju nicht vorbleven is etc., also gy vurder my biddende zint, dat ik mit den mynen also wille bestellen, dat de juwe und de copman van der gemenen Henze nicht beschedighet werde etc., begher ik ju weten, dat ik mit den juwen und mit den copmanne der gemenen Henze nicht en weet men leeff und ghud des ik my to en yo vormode, uthgesproken dat land van Holland, dar ik in unwillen mede sitte umme des groten untruweliken schichtes willen, dat mynen zelighen grotevadere Eden Wemmekens schude van den Hollanderen, dat ju unde allen guden luden wol witlik is, dar my ny lyck umme schen kunde, des ik hopede to ju, gy en wolden my dar nicht afholden, ik en mochte myn recht vormanen of ik konde und mochte etc. und bidde ju vrundliken, dat gy willen vorwaren und bestellen mit juwen copmanne, dat dar nement ghuden schepe up der Hollander myne vyande bodeme, und dar dat boven desse vorwaringe scheghe und ik myne openbaren vyande lete soken dar de juwe schaden over nemen, dar wolde ik unvormaent af wesen. Sijd Gode bevolen. Screven under mynen secrete.
Sybet hoftling to Rastringen.
