| Nummer:oub0388 | Datum:19. Aug. 1430 | Overlevering:Editie | Vindplaats:Ostfriesisches Urkundenbuch, I, S. 359, nr. 388 |
Häuptling Udo von Norden und Aurich sagt der Stadt Bremen Fehde an und stellt sieh auf die Seite des Grafen Johann von Hoya.
Wetet gij borghemestere, raed unde ghemene meente der stad van Bremen, na dem gij mynes swaghers Imelen hovetlinges to Emeden borgheren unde undersaten ere gued untholden, unde Sybeeten mynen swegher aller handelingen uthgaen, dar zee beyde vaken unde vele dage myd ju umme hebben gheholden, dar en doch nee lyk off recht van wedervaren konde, unde myne unde myner frunden vigenden untholden unde ghespiset uth juwer stad unde dar weder in, dat my unde mynen frunden nicht leng to lydene steyt, dar wij dat keren kunden, unde vurder den eddelen junchern Johanne greven tor Hoyge lever hebbe to synen rechte dan ju tu juwen unrechte, so will ik Udo hovetling to Norden unde Awreke etc. juwe vygend wesen myd mynen hulperen unde hulperhulperen, unde will ju beschedigher unde beschedighen laten to water unde to lande, dages unde nachtes, unde will des myne ere an ju wall weten verwaret. Ghescreven under mynen inghesegel, ipso die Magni martyris.
