| Nummer:oub0449 | Datum:1435 | Overlevering:Editie | Vindplaats:Ostfriesisches Urkundenbuch, I, S. 410, nr. 449 |
Ida, Menreko's Gattin, vermacht dem Kloster Langen testamentarisch einige Grundstücke im, Geerdswerer Hammrich.
Omnibus Christi fidelibus presens scriptum intuentibus ego Yda Menrekonis Folkmersna pie memorie notum facio per presentes publice recognoscendo, quod in ultima agone constituta, mortem imminere conspiciens ac saluti anime mee salubriter providere cupiens, inter cetera conscripta in ultimo meo testamento, que religiosis assignavi personis, conventui in Langen septem legavi ac assignavi graminata, vulgariter Suderaech dicta, situata in hamrika Geerdswere[*] ob salutem anime mee ac parentum meorum ceterorumque amicorum ac predecessorum meorum perpetuam memoriam perpetue possidenda. Quam quidem[*] legacionem antedictam una cum mutacione sive cambio tempore sanitatis cum eodem conventu facta sive facto de quibusdam prediis per me ab eodern conventu susceptis, scilicet septem graminatis Stocfen nuncupatis et a me receptis pro eisdem decem graminatis prope Ulgarewere situatis perpetuis temporibus a me et ab heredibus meis irrevocabiliter volo observari, prout in presencia domini Sibrandi canonici in Langen, domini Hayonis presbyteri de Weerdum, [*] tunc temporis vicecurati in Hlerlt ac Amme uxoris fratris mei publice recognovi et hiis presentibus recognosco. Acta et facta est hec legacio antedicta in presencia eiusdem domini Hayonis prefati, Udonis capitalis, Aggonis sutoris ac aliorum plurimorum parrochialium fidedignorum in Hlerlt ad hoc rogatorum. In testimonium rei veritatis sigillum domini Hayonis antedicti ob mei rogatum, videlicet Yde antedicte[*] presentibus est appensum. Datum anno Domini MoCCCCoXXXVo. Et quod nos Udo capitalis ac Aggo antedicti omnibus et singulis prescriptis interfuimus, ea que sic ut premittitur ab eadem Yda, antedicta sic fieri ac facta auribus nostris audivimus ideoque sigillum scilicet Udonis antedicti ex parte amborum nostrorum prescriptorum presenti littere est appensum; anno quo supra etc.
