Der Häuptling Lutet Manningha zu Pewsum usw. verträgt sich mit Onno, dem Sohne des Ulfert Helmegen, über ein Erbgut.

Wytlick, kundich unde openbar ze id alle den ghenne, de dussen breff zeen of horen lesen, wo ick Lutet Manningha, to Pewesum, Genlet[*] unde Berghum hovetling, bekenne unde betuge clarliken in der warheit vor allesweme myt craft dusses breves, dat ik my vruntliken unde leffliken hebbe vorenyghet unde vordreghen um alle schelinghe, unwylle unde twidracht, so dar in vortyden ghewesen heft tusschen Ulfert Helmegen salligher dechtnisse syn sone, Onno gheheten, unde zine vrundes van der ene ziit, unde tusschen Poppo Manningha, deme God ghenedich ze, myn vader unde my van der anderen zide Welke schelinghe, unwille unde twydracht vorgescr. under uns was van erfguede, dar ick my umme vorgan hebbe myt Onno vorben. unde Yde Helmsten, ziin moder, in dusser wyse unde maneer, so hiirna bescreven is: dat dusse erben. Yde my hefft ghegheven, vornoghet unde wal betalet in reden ghelde 12 stighe Rinsche gulden, des ick eer dancke. Hiirumme so late ick Lutel, myne kinder unde vrundes, vry unde quyt to ewygen tiiden Yde vorscr., Onne eren sone unde vrundes, boren unde ungheboren, van desser sake wegen des erfguedes vorg. In orkunde der warheit sunder alle argelist so hebbe ick Lutet myn ingesegel, unde wy her Ulrick to Nesse unde her Hobbo to Haga kerkheren unse ingesegel umme vruntliker bede wylle to beiden tziiden mede hangen heten an dussen breff. Screven na der borth Christi M^oCCCC^oXLI^o, des maendages vor unse Here hemmelvart.

x

x

Fonds	Ostfriesisches Urkundenbuch, I
Fol.nr.	S. 463
Nr	522
Olim	Orig.: Grosse Urkundensammlung Nr. 46.
Jaar	1441
Datumcode	LaAscDom

x

x

x

Commentaar	Die Siegel sind gut erhalten. 1. Wappenschild mit rechtsaufgerichtetem Löwen, darüber ein Helm mit 2 Flügen. S. Luteti capitalis in Berghum. 2. Spitzoval, die Gestalt eines Geistlichen mit Mitra und Stab. Darunter das Gotteslamm mit Heiligenschein und dem Kreuze....domini 01rici in ... 3. Desgl. mit dem Bilde eines Geistliche, S. domini Hobbodi curati in Hage.

x

Materiaal	papier

x

Edities	E. Friedländer, Ostfriesisches Urkundenbuch I (Emden 1878), nr. 522