| Nummer:oub0543 | Datum:12. Juni 1442 | Overlevering:Editie | Vindplaats:Ostfriesisches Urkundenbuch, I, S. 478, nr. 543 |
Friedensvertrag zwischen den Brüdern Kankena einerseits und dem Häuptling Ulrick von Norden und der Stadt Hamburg andererseits.
Wy Hidde unde Tanne brodere de Knacken bekennen unde betugen openbare in dessem breve vor allisweme, de en seen edder horen lesen, dat wy uns mid den ersamen heren borgermeisteren unde radmannen der stad Hamborgh unde Olrike to Norden, Aureke unde Ezensen etc. hovedlinghe umme alle twidracht, schelinge, veyde unde unwillen, de twischen densulven borgermeisteren, radmannen, borgeren, inwoneren unde undersaten der stad Hamborg unde deme vorbenanten Olrike, sinen landen unde undersaten unde den eren uppe ene, unde unss unde den unssen uppe andere side wente uppe dessen dagh, gifte dessen breves, sind gewesen, vrundliken unde endliken gesoned, gevredet unde gesleten hebben in desser wys, dat wy unde unsse erven des nicht willen witen, wreken unde mit arge dencken, edder van unsser wegen nicht willen witen, wreken edder mit arge dencken laten sunder alle list in allen tokomenden tiden; men wy willen unde scholen mid der borgermeisteren unde radmanne der stad Hamburg, erer borgere, inwonere, undersaten unde des genanten Olrikes, siner lande, lude unde undersaten, unde alle der genner, de se vorbidden unde vordegedinghen willen, beste truweliken ummegan, unde de vor overval unde beschedeginghe beschutten unde beschermen na unssem vormoge allewege, unde hirup, so wille wy unde scholen dat slod Witmunde den borgermeisteren unde radmannen der stad Hamburg, deme erbenanten Olrike, edder weme se dat van erer wegen hebben willen, andworden in ere brukliken vulmechtigen wald unde were, so dat so den torne unde alle unsse buwete darsulves to Witmunde scholen unde mogen krencken to eren willen, unde schal stan in dersulven borgermeistere unde radmannen der stad Hamburg unde dessulven Olrikes willen, mit watte husinghe so uns darsulves to Witmunde wedder willen besorgen unde begnaden, unde in sodaner husinghe willen wy unde scholen uns ghentsligen sunder weddersage laten genogen, desulven husinghe nicht anders to bevestenende, men alse uns van en dat togelaten wert unde erloved. Beholden uns des, dat wy unsser herlicheit unde rechticheid in Osterlingher lande, de uns van rechte boren mach, unde andere unsser erffliken gudere, wor wy de in Ostfreslande hebben, willen unde mogen bruken, uthgenomen Idtzingheerd mid allen sinen guderen unde tobehoringhen; der schal de erbenante Olrik unde sine erven na uthwisinghe enes besegelden breves, den Olrik unde sine erven darup hebben, erfliken beholden. Unde wy willen unde scholen darsulves in Osterlingher lande unde anders in nenen landen in Ostfreslande wonen edder woninghe buwen to wonende, id en sy denne, dat uns de borgermeistere unde radmanne der stad Hamborch unde de genante Olrik unde sine erven mid gudem willen des gunnen unde ghunstigen darto behulpen wesen willen. Unde sodanne husinghe unde veste, dar se uns mede begnadet hebben, unde de uns se also to buwende erloven, unde ok de uns erffliken anvallen mogen, de scholen der stad Hamborch unde des vorscr. Olrikes opene husere unde veste wesen to alle ere nuden unde noden, unde ok desgeliken dessulven Olrikes erven opene husere unde veste wesen.
Is dat se syk so vrundliken unde gudliken mid der stad Hamburg hebben unde holden, alse de verbundbreve twischen dersulven stad Hamburg unde ichtiswanne Idzerde milder dechtnisse unde deme vorbenanten Olrike gemaked inneholdende uthwisen. Unde wy unde unsse erven scholen unde willen in erer hulpe, van se dat van uns eschen, wesen unde bliven to ewigen tiden. Were ok, dat uns jemend tegen recht beschedighen unde overvallen wolde, dat were worane dat were, so schole wy den borgermeisteren unde radmanne der stad Hamborgh dat witlik don, unde wan wy en dat witlik ghedan hebben, so scholen se uns in eren breven vorscriven unde unse beste veten, alle de wile se unsser to rechte mechtich wesen mogen; wert ok jenich twidracht unde schelinghe twischen deme erbenanten Olrike edder sinen erven upp ene, unde uns unde unssen erven uppe andere side in tokomenden tiden, des nicht scheen en mote, sodanne twidracht unde schelinghe schal unsser een uppe den anderen mid rove, brande, overvalle edder beschedeghinghe nicht witen edder wreken, men wy scholen unde willen dat den borgermeisteren unde radmanne der stad Hamborgh scriftliken edder mundliken vorkundighen, unde binnen sulliker tid alse uns denne van en wert vorkundighet, weme des van uns to donde wert, sine clage under sinem ingeseghele den ghennen, de men beclagen wil, overantworden in scriften, dar denne de ghenne, de also beclaged werden, binnen dersulven tyd wedderumme in scriften upp antworden scholen, unde wan klage unde antworde van beiden twidrachtigen deelen also overandwordet sind, schole wy de den borgermeisteren unde radmanne der stad Hamborch binnen sulliker tyd, also uns van densulven borgermeisteren unde radmanne darto wert getekend, insenden to Hamborgh, unde uns van en in vrundschoppen nach unsser beider willen edder in rechte vorscheiden unde entweylegghen laten. Wert aver schelinghe twischen uns ofte unssen erven unde des genanten Olrikes undersaten edder twischen unsser beider undersaten unde vrunden, dar schal de ene deme anderen umme doen so vele, alse unse landrecht uthwised. Were ok, dat God afkere, dat wy ofte unsse erven edder jemend van unsser wegen tegen desse vorscreven punte samptliken ofte bisunderen hemeliken edder openbare jenigherleie wys dede, so vorplichte unde vorwillekore wy uns vor uns unde unsse erven, dat alle unsse gudere bewechlik unde unbewechlik der stad Hamborch unde deme vorbenanten Olrike unde sinen erven gentsliken vorvallen wesen scholen, unde der mogen unde scholen se bruken to eren willen; unde darto scholen unde willen wy inkomen, wanne unde wor de borgermeistere unde radmanne der stad Hamborgh unde de erbenante Olrik ofte sine erven uns samptliken in esschende werden, unde holden darsulves ene rechte vengknisse, unde dar nicht uth to scheidende dages ofte nachten, wy sin mid yseren unde holte wol bevestend to erem behaghe, edder wy scheden daruth mid erem guden willen. Alle dessen vorscr. punte samptliken unde bisunderen hebbe wy Hidde unde Tanne de Kancken vorbenant vor uns unde unsse erven den borgermeisteren unde radmanne der stad Hamborgh, eren nakomelinghen, borgeren, inwoneren unde undersaten, unde deme erbenanten Olrike unde sinen erven mid unssen upgerichteden lifliken vingeren stavedes eedes to den hilligen uppe dessen breff geloved unde gesworen, loven unde sweren dat jegenwardigen in unde mid krafft dessen breves stede unde vast sunder alle list unde behelpinghe ewichliken to holdende unvorbroken. Des to ener groteren witlicheid, bekandnisse unde sekerheid hebbe wy unsse rechten ingesegelle mid gudem willen hangen heten to dessem breve. Unde wy Mauricius Kancke, Dide Lubben, Mentse to Nordorpe, [*] Ede Taden, Graleff to Burhove, [*] Lunghe to Funekezen, [*] Mindie to Egbetsum, Jebbe Gummel, Rikeld to Hattersum, [*] Popko Tyen unde Mense Algersum bekennen vor uns unde unsse erven openbare in dessem breve, dat wy den borgermeisteren unde radmanne der stad Hamborch, eren nakomelinghen, borgeren, inwoneren unde undersaten unde deme vorbenanten Olrike unde sinen erven vor de bovenscreven Hidden unde Tannen Kancken gheloved unde gudghesecht hebben, loven unde gudseggen en jegenwardigen in unde mid krafft desses breves, dat se unde ere erven alle vorgerorde punte samptliken unde en ellik bisunderen truweliken unde wol scholen holden unvorbroken, unde oft desulven punte samptliken ofte bisunderen van en, eren erven ofte jemende anders van erer wegen jerghende ane wurden vorbraken, des nicht scheen en mote, so wille wy unde unsse erven unde scholen, wan uns dat van den borgermeisteren unde radmanne der stad Hamborch ofte eren nakomelinghen unde deme erbenanten Olrike ofte sinen erven dat samptliken witlik gedan wert, wanne unde wor en dat gelevet, de vorscr. Hidden unde Tannen Kancken wedder bringhen in dersulven borgermeisteren unde radmanne der stad Hamborch unde des vorbenanten Olrikes unde siner erven vengknisse, slote unde stocke, unde oft wy deme also nicht en deden, so wille wy unde scholen van stund ungemand unsser een na deme anderen nicht to wachtende darsulves, dar wy de erbenanten Hidden unde Tannen de Kancken inbringhen scholen, personliken inkomen unde holden dar ene rechte vengknisse, dar nicht uth to scheidende dages ofte nachtes, id schee mid der vorscr. borgermeistere unde radmanne der stad Hamborgh ofte erer nakomelinghe unde des ergenanten Olrikes ofte siner erven endrachtigen vulborde unde willen. Unde wy hebben vor uns unde unsse erven den vorscr. borgermeisteren unde radmannen der stad Hamborgh, eren nakomelinghen, borgeren, inwoneren unde undersaten unde deme erbenanten Olrike unde sinen erven desse geloved unde ghesworen, loven unde sweren en dat jegenwardigen in krafft dessen breves mit unssen upgerichteden lifliken vingeren rechter staveder ede to den hilligen, stede unde vast sunder alle list unde arch ewichliken to holdende unvorbroken. Des to ener groteren vasticheid unde bekandnisse hebbe wy Mauricius Kancke unde Dide Lubben vorbenant unsse rechten ingesegelle, unde wy, her Hayngk to Ezensen, Alvericus to Witmunde, unde Mamme to Burhove kerkheren dergheliken unsse ingesegelle durch der erbenanten Mentsen to Nordorpe, Eden Taden, Graleves to Burhove, Lunghen to Funekesen, Myndien to Egbetsum, Jebben Gummels, Rikeldes to Hattersum, Popken Tyens unde Mensen Algersum vrundliken bede willen, nach deme se nene eghene ingesegele hebben, vor so alle unde enen jeweliken bisunderen mid gudem willen mede hangen heten to dessem breve. Gheven na Godes bord veerteinhundert jar, darna in deme twe unde veertigesten jare, des dinxdages vor sunte Viti daghe.
Is dat se syk so vrundliken unde gudliken mid der stad Hamburg hebben unde holden, alse de verbundbreve twischen dersulven stad Hamburg unde ichtiswanne Idzerde milder dechtnisse unde deme vorbenanten Olrike gemaked inneholdende uthwisen. Unde wy unde unsse erven scholen unde willen in erer hulpe, van se dat van uns eschen, wesen unde bliven to ewigen tiden. Were ok, dat uns jemend tegen recht beschedighen unde overvallen wolde, dat were worane dat were, so schole wy den borgermeisteren unde radmanne der stad Hamborgh dat witlik don, unde wan wy en dat witlik ghedan hebben, so scholen se uns in eren breven vorscriven unde unse beste veten, alle de wile se unsser to rechte mechtich wesen mogen; wert ok jenich twidracht unde schelinghe twischen deme erbenanten Olrike edder sinen erven upp ene, unde uns unde unssen erven uppe andere side in tokomenden tiden, des nicht scheen en mote, sodanne twidracht unde schelinghe schal unsser een uppe den anderen mid rove, brande, overvalle edder beschedeghinghe nicht witen edder wreken, men wy scholen unde willen dat den borgermeisteren unde radmanne der stad Hamborgh scriftliken edder mundliken vorkundighen, unde binnen sulliker tid alse uns denne van en wert vorkundighet, weme des van uns to donde wert, sine clage under sinem ingeseghele den ghennen, de men beclagen wil, overantworden in scriften, dar denne de ghenne, de also beclaged werden, binnen dersulven tyd wedderumme in scriften upp antworden scholen, unde wan klage unde antworde van beiden twidrachtigen deelen also overandwordet sind, schole wy de den borgermeisteren unde radmanne der stad Hamborch binnen sulliker tyd, also uns van densulven borgermeisteren unde radmanne darto wert getekend, insenden to Hamborgh, unde uns van en in vrundschoppen nach unsser beider willen edder in rechte vorscheiden unde entweylegghen laten. Wert aver schelinghe twischen uns ofte unssen erven unde des genanten Olrikes undersaten edder twischen unsser beider undersaten unde vrunden, dar schal de ene deme anderen umme doen so vele, alse unse landrecht uthwised. Were ok, dat God afkere, dat wy ofte unsse erven edder jemend van unsser wegen tegen desse vorscreven punte samptliken ofte bisunderen hemeliken edder openbare jenigherleie wys dede, so vorplichte unde vorwillekore wy uns vor uns unde unsse erven, dat alle unsse gudere bewechlik unde unbewechlik der stad Hamborch unde deme vorbenanten Olrike unde sinen erven gentsliken vorvallen wesen scholen, unde der mogen unde scholen se bruken to eren willen; unde darto scholen unde willen wy inkomen, wanne unde wor de borgermeistere unde radmanne der stad Hamborgh unde de erbenante Olrik ofte sine erven uns samptliken in esschende werden, unde holden darsulves ene rechte vengknisse, unde dar nicht uth to scheidende dages ofte nachten, wy sin mid yseren unde holte wol bevestend to erem behaghe, edder wy scheden daruth mid erem guden willen. Alle dessen vorscr. punte samptliken unde bisunderen hebbe wy Hidde unde Tanne de Kancken vorbenant vor uns unde unsse erven den borgermeisteren unde radmanne der stad Hamborgh, eren nakomelinghen, borgeren, inwoneren unde undersaten, unde deme erbenanten Olrike unde sinen erven mid unssen upgerichteden lifliken vingeren stavedes eedes to den hilligen uppe dessen breff geloved unde gesworen, loven unde sweren dat jegenwardigen in unde mid krafft dessen breves stede unde vast sunder alle list unde behelpinghe ewichliken to holdende unvorbroken. Des to ener groteren witlicheid, bekandnisse unde sekerheid hebbe wy unsse rechten ingesegelle mid gudem willen hangen heten to dessem breve. Unde wy Mauricius Kancke, Dide Lubben, Mentse to Nordorpe, [*] Ede Taden, Graleff to Burhove, [*] Lunghe to Funekezen, [*] Mindie to Egbetsum, Jebbe Gummel, Rikeld to Hattersum, [*] Popko Tyen unde Mense Algersum bekennen vor uns unde unsse erven openbare in dessem breve, dat wy den borgermeisteren unde radmanne der stad Hamborch, eren nakomelinghen, borgeren, inwoneren unde undersaten unde deme vorbenanten Olrike unde sinen erven vor de bovenscreven Hidden unde Tannen Kancken gheloved unde gudghesecht hebben, loven unde gudseggen en jegenwardigen in unde mid krafft desses breves, dat se unde ere erven alle vorgerorde punte samptliken unde en ellik bisunderen truweliken unde wol scholen holden unvorbroken, unde oft desulven punte samptliken ofte bisunderen van en, eren erven ofte jemende anders van erer wegen jerghende ane wurden vorbraken, des nicht scheen en mote, so wille wy unde unsse erven unde scholen, wan uns dat van den borgermeisteren unde radmanne der stad Hamborch ofte eren nakomelinghen unde deme erbenanten Olrike ofte sinen erven dat samptliken witlik gedan wert, wanne unde wor en dat gelevet, de vorscr. Hidden unde Tannen Kancken wedder bringhen in dersulven borgermeisteren unde radmanne der stad Hamborch unde des vorbenanten Olrikes unde siner erven vengknisse, slote unde stocke, unde oft wy deme also nicht en deden, so wille wy unde scholen van stund ungemand unsser een na deme anderen nicht to wachtende darsulves, dar wy de erbenanten Hidden unde Tannen de Kancken inbringhen scholen, personliken inkomen unde holden dar ene rechte vengknisse, dar nicht uth to scheidende dages ofte nachtes, id schee mid der vorscr. borgermeistere unde radmanne der stad Hamborgh ofte erer nakomelinghe unde des ergenanten Olrikes ofte siner erven endrachtigen vulborde unde willen. Unde wy hebben vor uns unde unsse erven den vorscr. borgermeisteren unde radmannen der stad Hamborgh, eren nakomelinghen, borgeren, inwoneren unde undersaten unde deme erbenanten Olrike unde sinen erven desse geloved unde ghesworen, loven unde sweren en dat jegenwardigen in krafft dessen breves mit unssen upgerichteden lifliken vingeren rechter staveder ede to den hilligen, stede unde vast sunder alle list unde arch ewichliken to holdende unvorbroken. Des to ener groteren vasticheid unde bekandnisse hebbe wy Mauricius Kancke unde Dide Lubben vorbenant unsse rechten ingesegelle, unde wy, her Hayngk to Ezensen, Alvericus to Witmunde, unde Mamme to Burhove kerkheren dergheliken unsse ingesegelle durch der erbenanten Mentsen to Nordorpe, Eden Taden, Graleves to Burhove, Lunghen to Funekesen, Myndien to Egbetsum, Jebben Gummels, Rikeldes to Hattersum, Popken Tyens unde Mensen Algersum vrundliken bede willen, nach deme se nene eghene ingesegele hebben, vor so alle unde enen jeweliken bisunderen mid gudem willen mede hangen heten to dessem breve. Gheven na Godes bord veerteinhundert jar, darna in deme twe unde veertigesten jare, des dinxdages vor sunte Viti daghe.
x
| Fonds | Ostfriesisches Urkundenbuch, I |
|---|---|
| Fol.nr. | S. 478 |
| Nr | 543 |
| Olim | Orig. im Archive zu Hamburg. |
| Jaar | 1442 |
| Datumcode | MaViti |
x
| Commentaar | Siegel: 1. Adler, rechtssehend, rechts und links vom Kopf ein kleiner Stern. Sigillum capitalis Hiddonis Kancken. 2. Dsgl ohne die Sterne. S. Tammonis Kancken capitalis in Dornum. 3. Dsgl. 4. Dsgl. S. ...Didonis Lubbe cap. 5. Wie Siegel 3 in Nr.513. 6. Gotteslamm mit der Fahne. S. domini Alverici curati in Witmunt. 7. Ein M seit Krone darüber. S. domini Me . . curati in Burhove. |
|---|